Devil Venerable Also Wants To Know(mm tran)

အပိုင်း ၁၃။ အယ်ကိတ်ကြယ် ဖောက်ပေးသည့်လမ်း

ယခုမှသာလျှင် ဝမ်ရန်အယ်ဟာ
ခန်းမဆောင်သခင်လေးဦးနှင့်
လက်ယာကာကွယ်‌သူပို့ထားသည့်
အဆောင်များမှကြုံရာကိုချိုးဖျက်ရင်း
အထဲမှ အကြောင်းအရာများကို
နားထောင်‌လေတော့သည်။

ရှူယန်ယန်၏ "ဘုရားရေ အရှင်
အမှန်တရားဂိုဏ်းပေါင်းစုကြီးက
စွမ်းအင်တားဆီးအစီအရင်ကို ဖွဲ့စည်း
လိုက်ပြီ။ကျွန်မနဲ့ ခန်းမဆောင်သခင်ချိုးမှာ
ထုတ်သုံးစရာစွမ်းအင်မကျန်တော့ဘူး။
အိုး အခုလိုဆက်သွားနေလို့မဖြစ်တော့ဘူး။
ကျွန်မဒီမှာပဲလှဲချပြီး အရှင်လာကယ်မဲ့
အချိန်ကိုပဲစောင့်နေတော့မယ်။"ဟု
ကြောက်ရွံ့ထိတ်လန့်စွာ အလွန်အကဲ
ချဲ့ကားပြောဆိုသံထွက်ပေါ်လာ၏။

ဝမ်ရန်အယ် : .......

သရုပ်ဆောင်နေသည်ဆိုတာကို သိနေသော်ငြား ယင်ဟန်ကျန်းဒေါသထွက်သွား၏။
"အရှင့်ရဲ့ကာကွယ်သူတစ်ယောက်ဖြစ်ပြီး
အရှင့်ကိုလာကယ်ပေးဖို့ တောင်းဆို
နေသေးတယ်။ကာကွယ်သူဖြစ်ဖို့
မထိုက်တန်လိုက်တာ။"

ဝမ်ရန်အယ် ယင်ဟန်ကျန်းစကားကိုသဘောတူမိသည်။ရှူယန်ယန်၏
သရုပ်ဆောင်စွမ်းရည်မှာ
ယောကျာ်းတစ်ယောက်ကိုဆွဲဆောင်ရာ၌ ထိပ်တန်းဖြစ်သော်ငြား တိုက်ပွဲ၌
ရှုံးနိမ့်ယောင်ဆောင်သည့်နေရာတွင်တော့ညံ့ဖျင်းလှသည်။

ခန်းမဆောင်သခင်ယွမ်းကတော့ ဆန့်ကျင်ဘက်ပင်။ဝမ်ရန်အယ် သူ၏အဆောင်ကိုချိုးဖျက်လိုက်သည့်အခါ
"အရှင် ကျွန်တော်‌မြောက်ဘက်ကတောင်တွေကိုကင်းလှည့်ရင်းအမှန်တရားဂိုဏ်းသားအများကြီးနဲ့ထပ်တိုက်ရင်‌ဆိုင်နေရတယ်။နတ်အဖြစ်ပြောင်းလဲခြင်းအဆင့်နဲ့
အဲ့အဆင့်အထက်ကျင့်ကြံသူတွေကြီးပဲ။ကံကောင်းတာက အခြားခန်းမဆောင်
သခင်နှစ်ယောက်ပါကျွန်တော်နဲ့အတူ
ရှိနေတာပဲ။အဲ့တာကြောင့် ကျန်သမျှ
ချွမ်းယွမ်ဂိုဏ်းသားအကုန်စုစည်းပြီး
ပြန်တိုက်ခိုက်ပါတယ်။ဒါပေမဲ့ သဘာဝ
ဝိဉာဉ်စွမ်းအင်တွေချက်ချင်းကြီး
ပြတ်တောက်သွားတဲ့အတွက် ကိုယ်ပိုင်စွမ်းအင်တွေကိုပဲထုတ်သုံးပြီး
တိုက်နေရတယ်။အချိန်အကြာကြီး
တောင့်ခံနိုင်မှာမဟုတ်ဘူး။ချက်ချင်း စွမ်းအင်တားဆီးအစီအရင်ကိုဖျက်စီးပစ်မှ
ရမယ်။ဒီငယ်သားကအရှင့်ကို
ကောင်းကင်လောင်ကျွမ်းစည်ကို
သုံးပေးဖို့တောင်းဆိုချင်ပါတယ်။"ဟုကပျာကယာပြောသံပေါ်ထွက်လာ၏။