Devil Venerable Also Wants To Know(mm tran)

အပိုင်း ၃၁။ ဆွတ်ပျံ့ကြည်နူးဖွယ် မင်္ဂလာပွဲ

သတိပေးခြင်း : သတ်သေဖို့
ကြိုးစားခြင်းပါဝင်၏။

ကျုန်းလီချန်းဟာ ချွမ်းယွမ်ဂိုဏ်း၏
နည်းလမ်းအမျိုးမျိုးဖြင့် နှိပ်ဆက်ခံရခြင်း၊
ကိုယ်ကျင့်တရား‌နှင့် မကိုက်ညီသည့်
ကိစ္စရပ်များ တွန်းအားပေး
လုပ်ဆောင်ခိုင်းခြင်းတို့သာမက
အသက်နှင့်စိတ်ဝိဉာဉ်ပါ
ဆုံးရှုံးသွားရနိုင်ချေရှိခြင်းတို့ကိုပါ
ကြုံတွေ့နိုင်သည့်အတွက်
စိတ်ကြိုတင်ပြင်ဆင်ထားပြီးသားပင်။
ဝမ်ရန်အယ် သူ့ကိုဘာပဲလုပ်ခိုင်းလုပ်ခိုင်း
သူကျင့်ကြံသည့် တာအိုလမ်းစဉ်
မထိခိုက်စေသည့်နည်းလမ်းကို
ရွေးချယ်မည်ဟု သူဆုံးဖြတ်ထားသည်။

ချွမ်းယွမ်ဂိုဏ်းတွင်နေရသည့်
ဒုတိယမြောက်နေ့၌ ငရဲမီးလျှံ
ခန်းမဆောင်တည်ရှိရာဘက်သို့
ခေါ်ဆောင်သွားခြင်းခံရသည်။
ဝမ်ရန်အယ်ကို တစ်ခါမျှမတွေ့ပေ။
ရှူယန့်ယန့်ဟာဖြူဖျော့၍
နေမကောင်းပုံရသည့်
ယောကျာ်းတစ်ဦးထံသို့ သူ့ကို
လွှဲပြောင်းလိုက်သည်။ထိုသူကို
ရှူယန့်ယန့်ဟာ ခန်းမဆောင်သခင်ရှီ
ဟုခေါ်သည်။ငရဲမီးလျှံခန်းမဆောင်၏
ပိုင်ရှင်အသစ်ပင်။

"သူ့ကို ငါ့နေရာကို
ခေါ်သွားရမှာလား။"ဟု သခင်ရှီဟာ
ချောင်းအပြင်းအထန်ဆိုးရင်း
မေးလိုက်သည်။
"အဟွတ် အဟွတ်
ငရဲမီးလျှံခန်းမဆောင်က
တစ္ဆေတောင်ထွဋ်လက်အောက်မှာ။
ကိုယ့်ပါကိုယ်တောင် ကြောက်နေရတာ။
သူ့ကို အဲ့ကိုခေါ်သွားစေချင်တယ်။
မဖြစ်နိုင်ဘူး။"

"နင်က ငရဲမီးလျှံခန်းမဆောင်သခင်လေ။ကိုယ့်နေရာတောင် ကိုယ်မထိန်းနိုင်ဘဲနဲ့ အခြားခန်းမဆောင်သခင်တွေနဲ့
ဂိုဏ်းချုပ်ရာထူးကို ပြိုင်လုချင်သေးတယ်။
ဘာတွေများ စဉ်းစားနေတာလဲ။"
ရှူယန့်ယန့်သည် လူကဲခတ်တော်သော်ငြား
ချိုးဟုန်ရွှယ်၏ လက်အောက်က
ထိုလူမသိသူမသိ လက်အောက်ငယ်သားကိုအကဲမခတ်နိုင်သေးကြောင်း
သဘောပေါက်သွားသည်။

"အဟွတ် အဟွတ် အဲ့ကို
ပြန်သွားရမှာကြောက်လို့
ခန်းမဆောင်သခင်ယွမ်းရဲ့
ခန်းမဆောင်သခင်မြောင်နဲ့
ခန်းမဆောင်သခင်ယွမ်တို့ရဲ့အကြံကို
ဖျက်စီးမဲ့ အစီအစဉ်ကို လိုက်လုပ်ခဲ့တာပါ။"
သခင်ရှီ၏ မျက်နှာ ပိုပိုပြီးဖြူဖျော့လာသည်။
"ငါ့မှာရှိတဲ့စွမ်းအားနဲ့ အဆင့်အရ
ဘယ်လိုလုပ် နတ်ဆိုးအရှင်ဖြစ်နိုင်မှာလဲ။"
ငါ့ရဲ့ ဆန္ဒ‌ကသေးသေးလေးပါပဲ။
ခန်းမဆောင်သခင်တွေကိုပဲ
အပြောင်းအလဲဖြစ်ချင်တာ။ဒီလောက်
ပြဿနာကြီးသွားမယ်လို့ ဘယ်ထင်မလဲ။
အဟွတ် အဟွတ် အဟွတ်..."