ပိုင်လီချင်းမြောင်ဟာ ချိုးဟုန်ရွှယ်လက်မောင်းကိုဖက်လိုက်ရင်း
လုချင်းယဲ့ဆီသို့ ရန်စသည့်အငွေ့အသက်အပြည့်ပါဝင်သောအကြည့်တစ်ချက်
ပစ်ခွင်းလိုက်လေသည်။ဝမ်ရန်အယ် : ....
ချွမ်းယွမ်ဂိုဏ်းတွင် တစ်ယောက်ယောက်
ကသာ သူ့ကို ထိုကဲ့သို့ကြည့်ရဲပါက
တစ်သက်လုံးမည်သည့်အရာကိုမှ
ထပ်ကြည့်၍မရတော့အောင် လုပ်ပစ်မှာပင်။
မျက်လုံးတွေကို နှိုက်ထုတ်ပစ်ပြီး
ချွမ်းယွမ်ဂိုဏ်း၏အဓိကခန်းမဆောင်၌
ချိတ်ဆွဲထားမည်။ထိုမျက်လုံးတွေ
စိုက်ကြည့်လိုသမျှ သူ့ကိုအချိန်ပြည့်
စိုက်ကြည့်နိုင်ချေပြီ။ပိုင်လီချင်းမြောင်၏ ဗြောင်ကျကျ
အကြည့်ကို ချိုးဟုန်ရွှယ်သတိထား
မိသွားသည့်အခါ ဝမ်ရန်အယ်၏
တုန့်ပြန်မှုကို အလိုလိုအကဲခတ်မိ
လိုက်သည်။မျက်နှာအမူအရာ
တင်းမာသွားသည်ကို တွေ့လိုက်ရသည့်
အခါ ချက်ချင်းပင် ပိုင်လီချင်းမြောင်၏ မျက်လုံးကို လက်ဖြင့်အုပ်လိုက်မိသည်။ကြုံနေရသည့် အန္တရာယ်ကို
သတိမမူမိသော ပိုင်လီချင်းမြောင်ဟာ
ခေါင်းငုံ့လိုက်ပြီး ချိုးဟုန်ရွှယ်ရင်ခွင်ထဲ
တိုးဝင်လိုက်သည်။"ဆရာချင့်ရွှယ်
ကျွန်မ တကယ်..တကယ့်ကို ဂိုဏ်းတူအစ်ကိုကိုသတိရလို့ပါ။ကျေးဇူးပြုပြီးတော့
သွားတွေ့ခွင့်ပေးပါနော်။"ဟု
တောင်းဆိုလိုက်သည်။"မင်းသူ့ကို သွားတွေ့လို့ရတယ်။
အနာဂတ်ကျရင် တွေ့လို့ရတော့မှာမှ
မဟုတ်တာ။ဟုတ်တယ်မလား။"ဟု
ချိုးဟုန်ရွှယ်ပြောရင်း ရင်ခွင်ထဲမှ
ပိုင်လီချင်းမြောင်ကို ဆွဲထုတ်လိုက်ကာ
လုံးဝန်းကာတောက်ပနေသော
မျက်လုံးတွေကို ကြည့်မိသွားသည်။နောက်ဆုံးမေးခွန်းဟာ ဝမ်ရန်အယ်ကို
မေးခြင်းဖြစ်သည်။ထာဝရ မျက်မမြင်
မဖြစ်သွားခင်သူအချစ်ရဆုံးလူကို
တွေ့သွားခွင့်ပေးပါဟု ဝမ်ရန်အယ်အား
ပိုင်လီချင်းမြောင်အစားငဲ့ညှာပေးရန်
တောင်းဆိုနေခြင်းလည်းဖြစ်၏။
ဤသည်မှာ ဆရာတစ်ယောက်အနေဖြင့် တပည့်အတွက် နောက်ဆုံးလုပ်ပေးနိုင်သော
အရာတစ်ခု ဖြစ်ပေသည်။
YOU ARE READING
Devil Venerable Also Wants To Know(mm tran)
FantasyMary-Sue ဝတ္ထုတစ်ပုဒ်၌ ဇာတ်လိုက်မကိုအလွန်သစ္စာရှိပြီးချစ်သည့် ဒုတိယဇာတ်လိုက်နတ်ဆိုးအရှင်သခင်အား ဝတ္ထုဖတ်သူအကုန်လုံးက ချစ်ကြသည်။ သို့ပေမဲ့ ဇာတ်လိုက်မကတော့ သူ့ကို စိတ်ဆင်းရဲကိုယ်ဆင်းရဲအောင်လုပ်သည့် ဇာတ်လိုက်မင်းသားကိုပဲချစ်၏။ ဝတ္ထုဖတ်တဲ့သူများ - ဇာတ်လ...