Devil Venerable Also Wants To Know(mm tran)

အပိုင်း ၁၂။ အရှိန်အဟုန်ပြင်းပြင်းလာ‌နေသည့်မုန်တိုင်း

အဓိကခန်းမဆောင်ကိုကွပ်ကဲရသည့်
ခန်းမဆောင်သခင်ယွမ်းဟာ ဝမ်ရန်အယ်နှင့်အဆက်အသွယ်လုပ်ရတာအများဆုံး
ဖြစ်သည့်အတွက် သူ၏စိတ်သဘောထားကိုခန့်မှန်းရာ၌ အတော်ဆုံးဖြစ်သည်။
အရှင့်ဆီမှ "မင်းတို့ဒီလောက်တောင်မှ
သုံးစားလို့မရဘူးလား။" ဟူသည့်အကြည့်ကိုတွေ့ရသဖြင့်"အရှင်မိန်းမတစ်ယောက်အကြောင်းသိချင်တာလား။ကာကွယ်သူ
ရှူယန်ယန်နဲ့ ခန်းမဆောင်သခင် ချိုးဟုန်ရွှယ်ကိုမေးရင်အကြောင်းထူးမှာမဟုတ်ဘူး။
ကျွန်တော့်ကိုမေးသင့်တယ်။"ဟုအလျင်အမြန်လျှောက်တင်လိုက်သည်

ရှူယန်ယန် နှင့် ချိုးဟုန်ရွှယ်ဟာ
ခန်းမဆောင်သခင်ယွမ်းကိုစိုက်ကြည့်လိုက်ကြသည်။ ဘာပြောချင်တာလဲ။မိန်းမ‌တွေအကြောင်းသိချင်ရင်သူတို့ကိုမေးလို့
မထူးဘူး ဟုတ်လား။သူတို့က
မိန်းမတွေမဟုတ်လို့လား။

ခန်းမဆောင်သခင်ယွမ်းဟာအပ်ကဲ့သို့
ချွန်မြနေသည့်အကြည့်စူးစူးနှစ်ခုကိုလျစ်လျူရှုကာ "ကျွန်တော်ရိုင်းပျသလိုတော့ဖြစ်သွားပါတယ်။ဒါပေမဲ့ အရှင်ဘာဆိုလိုချင်တာလည်း အသေးစိတ်ပြောပြလို့ရမလား။"

"အများကြီးမဟုတ်ဘူး။ယောကျာ်း
တစ်ယောက်ကို မိန်းမတစ်ယောက်
မေ့သွားအောင်ဘယ်လိုလုပ်ရမလဲဆိုတာကို
သိချင်တာ။"

ခန်းမဆောင်သခင်ယွမ်းဟာအရပ်ပု၍
ပြည့်ဝိုင်းဝိုင်းပုံစံရှိပြီး ဘေးအိမ်မှ
ဦးလေးကြီးပုံစံပေါက်ကာရင်းနှီးလွယ်ပုံ
ပေါ်သည်။သူရယ်လိုက်သည့်အခါ
မျက်လုံးမှေးသွားပြီး ကြင်နာတတ်ပုံပေါက်၏။သို့သော်သူဆက်ပြောသည့်
စကားဟာတော့ သူ့အသွင်အပြင်နှင့်လားလားမျှမသက်ဆိုင်။
"ကျွန်တော် နည်းလမ်းနှစ်မျိုး
စဉ်းစားမိပါတယ်။ပထမနည်းက
အဲ့မိန်းက‌လေးချစ်နေတဲ့ယောကျာ်းကို
သတ်ပစ်လိုက်ပါ။ဒုတိယနည်းကတော့ 
အခြားယောကျာ်းတစ်ယောက်ရှာပေးပြီး
အဲ့မိန်းကလေးချစ်မိသွားအောင်
လုပ်လိုက်ပါ။"

ဝမ်ရန်အယ်အချိန်ခဏကြာတွေးမိသည်။
ပထမနည်းလမ်းကအလုပ်ဖြစ်မှာမဟုတ်။
ပိုင်လီချင်းမြောင်သည်ဟယ့်ဝမ်းချောင်အား
နက်နက်ရှိုင်းရှိုင်းချစ်နေသည့်အတွက် ယခုအချိန်၌ ဟယ့်ဝမ်းချောင်သေဆုံးသွားလျှင် ပိုင်လီချင်းမြောင်တစ်သက်လုံးမေ့ဖျောက်
နိုင်မှာမဟုတ်။စွဲလမ်းမှုကြားမှမရုန်းထွက်
နိုင်သဖြင့်ဝိဉာဉ်အ‌ခြေတည်ခြင်းအဆင့်
အတွင်းစိတ်မကောင်းဆိုးဝါးကပ်ဘေးကို
လည်းကျော်ဖြတ်နိုင်မှာမဟုတ်။ဒုတိယ
နည်းလမ်းကဖြစ်နိုင်ချေနည်းနည်းရှိသည်။
သို့သော်လည်း ထိုယောက်ျားကို
မည်သည့်နေရာ၌ သွားရောက်
ရှာဖွေရမည်လဲ။