Unicode
ညီလာခံခန်းမထဲဝင်လာတဲ့ လူကိုမြင်တော့ ကွေ့ဖေးရော အမတ်ချုပ်ကြီးပါ ဟန်ဆောင်မရနိုင်အောင်မျက်နှာပျက်သွားကြသည်။ သူတို့လုပ်ရပ်တွေကိုအစအဆုံးသိပြီး အချိန်တိုင်းတားမြစ်တတ်တဲ့ အမတ်ချုပ်ရဲ့အစ်မပင်ဖြစ်သည်။
"အရှင်မင်းကြီးကို ဂါရဝပြုပါတယ်"
"ထပါ မယ်မင်းကဘာကြောင့်ရောက်လာရတာလဲ"
"ကျွန်တော်မျိုးမမောင်ရဲ့ မတရားမှုတွေကိုအဆုံးသတ်စေချင်လို့ပါ အရှင်မင်းကြီး"
"မယ်မင်းမှာသက်သေပါသလား"
"သက်သေက အမတ်ချုပ်ရေးထားတဲ့ စာလွှာတွေပါပဲ"
အမျိုးသမီးကြီးက သူနဲ့အတူယူလာတဲ့အထုတ်ကိုဖြည်ချလိုက်ပြီး စာလွှာတွေကိုထုတ်ပြသည်။ စာလွာတွေထဲမှာ အမတ်ချုပ်ရဲ့လက်ရေးနဲ့ရေးသားထားတဲ့ပုန်ကန်မယ့်အစီစဥ်တွေ ကွေ့ဖေးနဲ့ဆက်သွယ်ပြီးလုပ်ထားတဲ့မတရားမှုတွေအကြောင်းအစအဆုံးပါဝင်နေသည်။
"ပထမစာလွှာက ကွေ့ဖေးကိုမိဖုရားခေါင်နေရာယူခိုင်းပြီး အရှင်မင်းကြီးကို ကြိုးဆွဲဖို့ကြံစည်မယ့်အကြောင်းပါ၊ နောက်ဆုံးစာလွှာက မိဖုရားခေါင်ရောက်လာတာကြောင့် မိဖုရားခေါင်ကို ခြောက်ချပြီး
မင်းကြီးကိုအဆိပ်ခပ်လုပ်ကြံမယ့်အကြောင်းပါ၊
ကျန်တာကတော့ပုန်ကန်မှုအသေးစားတွေအကြောင်းပါ"
အမျိုးသမီးဘာမှဆက်မပြောနိုင်ခင်မှာပဲ အမျိုးသမီးကြီးရဲ့လည်ပင်းမှာ အဆိပ်အပ်တစ်ချောင်းစိုက်ဝင်ပြီး လဲကျသွားသည်။
"လုပ်ကြံသူရှိတယ် အရှင်မင်းကြီးနဲ့မိဖုရားခေါင်ကို ကာကွယ်ကြ"
ကိုယ်ရံတော်မင်ရဲ့အော်သံဆုံးတော့ အရိပ်တပ်ဖွဲ့ကထွက်ပေါ်လာပြီး မင်းကြီးနဲ့မိဖုရားခေါင်ကိုဝိုင်းရံထားလိုက်သည်။ ကိုယ်ရံတော်မင်က အမတ်ချုပ်ကိုဖမ်းဆီးလိုက်ပြီး ယွီအိမ်ရဲ့လူယုံက ကွေ့ဖေးကိုဖမ်းဆီးလိုက်သည်။
ကွေ့ဖေးနဲ့အမတ်ချုပ်ကြီးကို ဒူးထောက်ထားစေပြီး ကူညီသူတွေကိုတော့ ညီလာခံထဲမှာပဲ ရက်စက်စွာသတ်ပစ်လိုက်သည်။ မယ်တော်ကြီးရဲ့သေဆုံးမှုအတွက် တရားမျှတမှုအနေနဲ့ပေါ့။
YOU ARE READING
Systemကငါတို့ကိုအောင်သွယ်ပေးတယ်(Systemကငါတို႔ကိုေအာင္သြယ္ေပးတယ္)
FanfictionUnicode+Zawgyi Start Date= 15,4,2022 End Date= 28.9.2023
