Systemကငါတို့ကိုအောင်သွယ်ပေးတယ်(Systemကငါတို႔ကို​ေအာင္​သြယ္​​ေပးတယ္​)

Arc 10.5 ~Azalea~

Unicode

အချိန်တစ်လကုန်သွားခဲ့ပြီ Zaneကလဲအလုပ်ကိစ္စနဲ့Spainကိုရောက်နေခဲ့တာလဲတစ်လရှိပြီဖြစ်သည်။ သူ့ကိုဇွတ်ခေါ်ခဲ့ပေမဲ့ သူကိုယ်တိုင်ကလိုက်မသွားခဲ့ဘဲ သူပိုင်တဲ့ကိတ်မုန့်ဆိုင်လေးကိုအောင်မြင်အောင်ကြိုးစားခဲ့တာ တစ်လအတွင်းမှာပဲလူသိများလာပြီး ဆိုင်ခွဲလေးနောက်တစ်ခုထပ်ဖွင့်နိုင်ခဲ့သည်။ အခုချိန်ထိZaneကဒီဆိုင်ကိစ္စကိုမသိသေးပေ။ သူကိုယ်တိုင်ကလဲအသိမပေးချင်သေးတာဖြစ်သည်။

[Host မကောင်းတော့ဘူး]

*ဘာဖြစ်လို့လဲ အားလျန်*

[လိုင်းဖွင့်ကြည့်လိုက်Host]

Azalea လိုင်းဖွင့်ကြည့်လိုက်တော့ Zaneနဲ့Jennaရဲ့သတင်းကပြန့်နေတာဖြစ်ပြီး Spainကို weddingအတွက်ပြင်ဆင်ဖို့သွားတယ်ဆိုတဲ့ခေါင်းစီးနဲ့အတူ Zaneနဲ့ဖJennaရဲ့ပုံရိပ်တစ်ချို့တက်လာတာဖြစ်သည်။ USကိုအလုပ်ကိစ္စနဲ့သွားတာသိပေမဲ့Jennaပါသွားတာကိုသူမသိခဲ့တာဖြစ်သည်။ Zaneကိုဖုန်းဆက်ရန်ပြင်နေချိန်မှာပဲ Hotelအခန်းတစ်ခုထဲမှာZaneကအပေါ်ပိုင်းအဝတ်ဗလာဖြင့်ရပ်နေပြီး Jennaက ပုဝါတစ်ခုကိုခြုံထားပုံရကာ Zaneကိုအနောက်ကနေသိုင်းဖက်ထားသည့်ပုံတက်လာသည်။ ခေါင်းစဥ်ကိုကြည့်လိုက်တော့ Z Companyရဲ့ဥက္ကဋ္ဌနှင့်သူ၏ဇနီးလောင်းရဲ့စွဲမက်ဖွယ်ပုံရိပ်ဟုဖော်ပြထားလေသည်။

*တောက်! Zane ဒီတစ်ခါတော့ငါခွင့်လွှတ်မှာမဟုတ်ဘူး*

"Hello Zayn ကျွန်မကိုUSအတွက်လက်မှတ်ပြင်ဆင်ပေးပါ"

"....."

"ကောင်းပြီ ညနေကြလာခေါ်ပေးပါ"

အားလျန်သူHostရဲ့ပုံစံကိုကြည့်ကာညိမ်နေလိုက်သည်။ ဒီအချိန်သာစကားများမိရင် သူ့Hostဒေါသကသူ့ဘက်ကိုဦးတည်လာနိုင်တာကြောင့်ပင်။

Azaleaညနေလေယာဥ်နဲ့Spainကိုချက်ချင်းလိုက်သွားခဲ့သည်။ ဟိုကိုရောက်တော့ Zaynသူငယ်ချင်းရဲ့Hotelမှာတည်းခဲ့သည်။ တိုက်တိုက်ဆိုင်ဆိုင်ပင် Zaneနဲ့Jennaကလည်းထိုHotelမှာပဲတည်းနေကြောင်းအားလျန်ကြောင့်သိလိုက်ရသည်။

*တွေ့ကြသေးတာပေါ့ Zaneနဲ့Jenna*

Floraလေးကိုပါခေါ်လာခဲ့တာဖြစ်တာကြောင့် Zaneတို့ကိုအားလျန်ကိုသာစောင့်ကြည့်ခိုင်းထားရသည်။ အားလျန်ပြောပြချက်အရ Zaneကဒီကိစ္စတွေဖြစ်နေတာကိုသိသေးပုံမရပေ။ ဘာပဲဖြစ်ဖြစ် ရှင်းစရာရှိတာကိုတော့ရှင်းရမှာပဲဖြစ်သည်။