Little Rose || KTH || Completed ✔️✔️

chapter 26

After 2 days

🌹 උබට මේක කරන්නම ඕනද ??

අයිශු මගෙන් තුන් වෙනි පාරටත් ඇහුවාම මේ වැඩේ කරන්නම ඕනද කියලා මන් අමාරුවෙන් ඔලුව වැනුවා..හරි එයා දන්නවා මන් සාමාන්‍යයෙන් නොකරන දේවල් මොනවාද කියලා...ඉතින් දැන් මන් ඒක කරන්න හදන්නේ එතනින් මන් කරන්න ආස නෑ කියලා තීරණය කරපු බරපතලම දෙයක්..ඒකත් මගේ නොවන මගේ කෙනෙක් වෙනුවෙන්...

වාහ් නාදියා ඔයාව මේ තාත්තයි දූයි හුගක් වෙනස් කරලා...ඔයාගේ ප්‍රතිපත්ති වලට මොකද උනේ ??

ඉස්කෝලේ යුනිෆෝර්ම් එකෙන් පස්සේ ගවුම් අදින්නේ නෑ කියලා ඔයා තීරණය කරා නාදියා..ඒත් ඔයා දැන් ගවුමක් අදින්න හදන්නේ...

දෙයියනේ මේකට හුස්ම හිර වෙලා මට මැරෙන්න වෙන්නේ ??

🌹 කෝ හැරෙන්න බලන්න...

එහෙම කියලා අයිශු මාව එයාගේ පැත්තට හරවා ගත්තා..මේ රෙද්දේ ගවුමක් නිසා මට හැරෙන්නත් බෑ..හම්මේ එහෙන් මෙක හිරයි..

🌹 වාහ්...උබට ගවුම් ඇත්තටම ලස්සනයි බන්..උබට ඕන විදියට උබ දැන් ඇත්තටම ඒන්ජල් කෙනෙක් වගේ..

අයිශු එහෙම කියනකොට මට ලැජ්ජා හිතුනා..මගේ මූන රතු වෙනවා කියලා මට තේරුනා..ඒත් මන් දැන් මේ කරන දේ හරිද ?? ඒන්ජල් කෙනෙක්...මන් මේ ලෝකේ නැති දෙයක් ඒ පුංචි දරුවාගේ හිතට දෙන එක හොදයිද ?? මට මේ මුකුත්ම තේරෙන්නෙ නෑ...ඒත් මන් මේ කරන පුංචි දෙයින් එයා සතුටු වෙනවා නම්...ආ....හ්...ඕන මගුලක්...දැන් ඕක ගැන හිතන්න එපා..

🌹 මොනවද නාදියා කල්පනා කරන්නේ ??

❤ මන් එයාගේ ජිවිතේට මෙහෙම ලන් වෙන එක හරිද අයිශු ??

මන් එහෙම ඇහුවාම අයිශු මගේ අතින් ඇදගෙන ඇදෙන් වාඩි කෙරෙව්වා..

🌹 මේ අහපන්...මේකෙන් එයාගේ ජිවිතේට වඩා ඔයාගේ ජිවිතේටයි ප්‍රශ්නයක් වෙන්නේ නාදියා..එයා තාම චූටි දරුවෙක්...කාලයක් යනකොට එයා තේරුම් ගනිවි ඔයා එයා ඉස්සරහ මවා පාන ඒන්ජල්ස්ලා මේ ලෝකේ නෑ කියලා...ඒත් ඔයා ?? ඔයාට පුලුවන් ද එයාට මෙච්චරටම ලන් වෙලා එකපාරටම ඈත් වෙන්න...හදිසියෙවත් මොකක් හරි ප්‍රශ්නයක් වෙලා ටේ ඔප්පාගෙනුයි දරුවාගෙනුයි ඈත් වෙන්න උනොත් උබට පුලුවන් ද ඒක කරන්න ??