The Lovestory That We Never Had | COMPLETED | ✔︎

CHAPTER 16

CHAPTER SIXTEEN

SA LOOB ng isang oras na byahe ay para bang kakapusin ako ng hininga. Imbes kasi na maki-ayon sa akin ang tadhana, para bang pinaglalaruan pa nito ang nararamdaman ko.

At naiinis ako dahil doon!

Mabuti na lamang ay nagpalit ng driver pagkalipas ng ilang oras. Nangangalay na kasi si Zan kaya si Josh naman ang pumalit dito. At katulad ng plano ko sumunod ako kay Josh pagkababa nito.

"Ohh, bakit ka bumaba?" takang tanong nito.

Tumingin naman ako kay Glen na nasa loob ng van. Nakahalukipkip ito habang nakapikit pero alam kong hindi ito tulog na nakikinig lamang sa amin.

Hindi naman ako sumagot at mukhang naintindihan naman agad iyon ni Josh.

"Oh, naiihi ka din ba Erish?" tanong ni Zan pagkababa nito sa driver's seat.

"Din?"

"Iyang kaibigan mo kasi kanina pa ako pinapatigil dahil naiihi na daw sya at sasabog na ang pantog. Sabi ko nga, umihi na lang sya doon 'coz I don't mind naman." Pagkatapos ay malakas na tumawa pa ito.

"Siraulo ka talaga!"

"Yang kaibigan mo mas siraulo. Kanina pa daw naiihi pero ngayong nakatigil na ang sasakyan, mamaya na lang daw. Masisiraan yata ako ng bait sa babaeng 'yan."

Tinapik ko naman sya sa balikat. "Patience Zan, patience!"

"Pero bakit ka nga pala bumaba?" tanong pa ulit nito.

"Gusto yata akong masolo sa unahan eh, kaya sumunod sa akin. HAHAHAHA!" Pabirong sagot ni Josh. Pinalo ko naman ito sa braso.

"Gague!" Tumawa lamang ito bago sumakay sa driver's seat. "Ella, sa likod ka na muna. Mukhang gusto yata akong makatabi ng kaibigan mo eh."

"Ohh? Really? Okay! Okay! I got it!"

Narinig ko ang pagbukas at pagsara ng pinto. Mukhang bumaba nga talaga si Ella at mukhang naniwala rin sa palusot ni Josh.

Siraulo talaga! Iyon talaga ang ginawang excuse? Wala na bang iba? Baka maniwala pa ang mga kasama naming pani pa naman minsan. Pani... Paniwalain.

"Ikaw bespren ah! Hindi mo naman sinabi na gusto mong masolo si Josh, edi sana kanina pa namin kayo hinayaang masolo ang isa't isa." Panunuksong wika ni Ella pagkababa at pagkalapit nito sa amin.

"Masyado talaga kayong maPANI. MaPANIwalain!"

Iniwan ko na silang dalawa doon at nagtungo na sa front seat para sumakay. May kalahating oras pa kaming iba-byahe bago makarating sa Magic Island and Resort sa kabilang Villa-Ang Villa Rorica.

Sumakay na rin naman ang dalawa pagkatapos. Ngunit hindi ko sinasadyang mapadaan sa salamin ang paningin ko, kaya nakita ko ang masamang tingin ni Glen na nakatuon sa akin.

Nangilabot naman akong bigla dahil sa paraan nito ng pagtingin. Para bang napakalaking kasalanan ang ginawa kong disesyon kaya sobrang sama ng tingin nito sa akin.

Ano na naman ba?

Ang gulo-gulo nya talaga. May bipolar disorder yata ang isang ito eh. Pabago-bago ng ugali at mood. Kaya minsan hindi ko rin maintindihan kong ano bang iniisip nito lalo na sa mga nasa paligid nya.

Umiwas na lang ako ng tingin at umayos ng upo na para bang walang nangyari. Bahala s'ya d'yan!

Nagsimula nang magdrive si Josh.

"Hindi ba muna tayo kakain?" Ella asked out of the blue.

Mukha talaga itong pagkain. Hindi naman tumataba, payat pa rin.