The Lovestory That We Never Had | COMPLETED | ✔︎

CHAPTER 56

CHAPTER FIFTY-SIX

JOSH EZEKIEL P.O.V

PAGKARINIG ko pa lang sa sinabi ni Erish ay wala na akong sinayang pang pagkakataon.

Nang mamatay ang tawag ay dali-dali na akong bumangon agad at nagtungo sa banyo. Pagka-uwi ko galing school ay nagtungo agad ako sa kwarto para magpahinga. Hindi ko namalayan na nakaidlip na pala ako dahil sa lalim ng iniisip ko.

Walang minuto na hindi ko iniisip si Erish at kung anong ginagawa nito. Sobrang nasasaktan ako para sa kanya. Kung may magagawa lang sana ako—

"Damn! Oo nga pala. Bakit nakalimutan kong napapalibutan ang bawat sulok ng Eastwood ng mga camera."

I'll help Erish with this. Hindi pwedeng wala akong gawin. At sisiguraduhin kong magbabayad kung sino man ang gustong sumira sa babaeng gusto ko.

Pagkatapos kong maligo ay lumabas na ako. Simpleng itim na t-shirt at jagger lang ang aking sinuot. Nagdala na rin ako ng varsity jacket dahil malamig na sa labas.

Hindi ko alam kung bakit biglaan ang pag-alok ni Erish na makipagkita. Hindi ko rin naman naitanong kung bakit dahil bigla akong natigilan sa narinig.

Tang*na! Nakakabakla man pakinggan pero, those words... those words gives me dozen of voltage.

Basta ang alam ko lang  ay gusto ko s'yang makita.

Mabilis ang pagpapatakbo ng sasakyan upang makarating kaagad sa lugar na pagkikitaan namin. Mag aalas-siyete pa lang naman ng gabi kaya marami pang makikitang tao sa lansangan.

Pagdating sa tapat ng subdivision nina Erish ay ipinarada ko agad ang sasakyan sa gilid ng gate, malapit sa guard house. Ipinakiusap ko pa sa on-duty na guard ang pagbantay sa aking sasakyan. Binigyan ko na rin ito ng tip na ipinagpasalamat naman ng guard.

Nilakad ko na lang ang daan papunta sa park. Maliwanag ang buong lugar dahil karaniwang dinadayo ang park na ito tuwing gabi, dahil sa maliwanag at makukulay na ilaw sa palibot ng malalagong halaman. May malaking lake rin sa gitna ng park at isa iyon sa mga atraksiyon sa lugar na ito.

Nilibot ko ang buong paligid upang hanapin ang babaeng kanina ko pa gustong makita.

May gusto rin kasi akong sabihin dito.

"Josh!"

Nilingon ko boses na tumawag sa pangalan ko. Kahit nakatalikod, kahit nakapikit man ako, kilalang kilala ko kung sino ang nagmamay-ari ng malamyong boses na iyon.

My name sounds like a music to my ear whenever she calls it.

Damn! Ang bakla kong pakinggan. I'm not like this before, ngayon pa lang. Sa kanya lang.

Nakangiting mukha agad ni Erish ang bumungad sa akin pagkalingon ko sa aking gilid.

"Kanina ka pa ba? Nakita ko 'yong kotse mo sa tapat ng gate ng subdivision."

Lumapit agad ito sa pwesto ko. Nasa likuran ang dalawang kamay habang ngiting ngiti na tumigil sa harapan ko mismo.

"Kararating ko lang rin. Pinabantayan ko muna sa guard 'yong kotse."

Naupo kaming dalawa sa bench na naroroon, malapit sa maliwanag na flower garden.

"Sana pinasok mo na lang sa loob para safe."

"Ayos na 'yon doon. May problema ka ba? Bakit gusto mong makipagkita ngayon? Siguro miss mo na ako 'no?" Pagbibiro ko upang itago ang pananabik na yakapin s'ya. Hindi ko naman inaasahang seseryosohin n'ya pala ang biro ko, na nagpabilis bigla ng kabog ng aking dibdib.