ရှား ဖုန်းစက်ပိတ်ပြီး အိမ်ကိုမြန်မြန်လျှောက်လာသည်။ အိမ်ပြန်ရောက်သွားရင် သူ့အတွက်ဘေးကင်းလုံခြုံသွားမည်။ သို့သော်လည်း အထင်နဲ့အမြင်လွဲမှားစွာပင် သူ့ရှေ့ မှာရပ်နေတဲ့ကားတစ်စီးကြောင့် ရှားပြန်လှည့်ဖို့ပြင်သည်။ ဒါပေမဲ့လည်းမမှီတော့။ သူ့အနောက်ဘက်မှာလည်း ဗလတောင့်တောင့်နဲ့လူသုံးယောက်က ပိတ်ရပ်ထားလေသည်။
" ခင်ဗျားတို့.. မဟုတ်တာမလုပ်နဲ့နော်... ကျွန်တော် အော်လိုက်မှာ "
ခေါင်းဆောင်ဖြစ်ဟန်ရှိသူက သူ့အနားကိုလျှောက်လာရင်း ဘောင်းဘီအိတ်ကပ် ထဲကတစ်ခုခုကိုဆွဲထုတ်နေတာကြောင့် ရှားအော်မလို့ပြင်လိုက်ပေမယ့် သူ့အရှေ့ကို ရောက်လာသည်က ဖုန်းတစ်လုံးဖြစ်နေသည်။
" ဘာ.. ဘာလဲ "
" အစ်ကိုလေးက ဒီဆရာလေးကို ဖုန်းပေးလိုက်ဖို့ ပြောလို့ပါ "
ရှားငှားနေတဲ့ရပ်ကွက်ကလူခြေတိတ်ပြီး လူသွားလူလာနည်းလွန်းသည့်အတွက် တော်တန်ရုံဆို ဘယ်သူ့ကိုမှအလွယ်တကူအကူအညီတောင်းဖို့မလွယ်။ ကမ်းပေးလာတဲ့ ဖုန်းကို ခြေရောလက်ရောအကုန်ခါပြီး ရှားငြင်းသည်။
" မယူချင်ဘူး။ ခင်ဗျားတို့အစ်ကိုလေးနဲ့ ပတ်သက်စရာအကြောင်းမရှိတော့ဘူး။
ကျွန်တော့်ကို ဒီထက်ပိုပြီးမနှောင့်ယှက်ပါနဲ့တော့ "
" အစ်ကိုလေးက ဒီကဆရာလေးဖုန်းမကိုင်မချင်း အိမ်ရှေ့ကမပြန်ရဘူးမှာလိုက် လို့ပါ "
" ဒီမှာ ကျွန်တော် ပြောပြီး....."
ရှားစကားမဆုံးသေးခင်မှာ ဖုန်းထပ်မြည်လာသည်။ ကြည့်လိုက်တော့ သတိုး ရှန်ခိုက်ဆီကပင်။ ဖုန်းကိုင်ထားတဲ့လူကတော့ ရှားမကိုင်မချင်းအိမ်ရှေ့မှာ တကယ်ရပ်နေ မယ့်ပုံမို့ ရှားစိတ်ဆိုးမာန်ဆိုးနဲ့ ဖုန်းကိုဆွဲယူပြီးဖြေလိုက်သည်။
" ဘာလဲ...ဘာလဲ.. ဘာပြောဦးမလို့လဲ ပြော..."
" ဝိုး... ဝိုးး.. ဝိုးးး ...စွာလိုက်တာကွာ "
" ဒီမှာ သတိုးရှန်ခိုက်။ မင်းရဲ့ ရူးကြောင်ကြောင်လုပ်ရပ်တွေကို ရပ်တန်းက ရပ်ပါ။ ငါ မင်းနဲ့အတူ လိုက်မရူးပေးနိုင်တော့ဘူး "
YOU ARE READING
My Step-mom's EX becomes My HUSBAND [ Book Version ]
General FictionBook Version ဖြစ်ပါတယ် Original Version လည်းရှိတာမို့ နှစ်သက်ရာကိုဖတ်ရှုနိုင်ပါတယ် Book Version ျဖစ္ပါတယ္ Original Version လည္းရွိတာမို႔ ႏွစ္သက္ရာကိုဖတ္ရႈနိုင္ပါတယ္