ရှား ဧည့်ခန်းထဲမှာထိုင်ပြီး စာအိတ်ထဲကို တစ်သောင်းတန် အရွက်နှစ်ဆယ်ခန့် ထည့်သည်။ ထို့နောက် ဝယ်လာတဲ့ သွားတိုက်တံ, ဆပ်ပြာနဲ့ တစ်ကိုယ်ရည် အသုံးအဆောင်များကို အထုပ်ငယ် တစ်ထုပ်စီထုပ်ပြီး စီထားသည်။ ခိုက်ကတော့ အလုပ်ရှုပ်နေတာ တစ်ပတ်လောက်ရှိပြီမို့ ဒီရက်ပိုင်းထဲမှာ ရှားနဲ့ပင် စကားသိပ်မပြောဖြစ်။ ရှားနဲ့နမ်းမိမလို ဖြစ်သွားတဲ့အခြေအနေကြောင့် ရှားဘက်က ရှောင်နေတာလည်းပါသည်။
ဒီနေ့တော့ နားရက်ရတာကြောင့် ရှားကိုမွေးစားခဲ့တဲ့ မိဘမဲ့ကျောင်းလေးကို တစ်လတစ်ခါ ပုံမှန်လှူနေကြဖြစ်တဲ့ ငွေပဒေသာပင်လည်းလှူရင်း ကလေးတွေအတွက် လိုအပ်တာတွေလည်း ပေးချင်တာကြောင့် သွားဖို့ပြင်ထားသည်။ ရှားအလုပ်ရှုပ်နေတုန်းမှာပဲ မိုးလင်းကတည်းက အရိပ်အယောင်တောင် မတွေ့ရသေးတဲ့ ခိုက်က အိမ်ပြန်ရောက်လာသည်။ အထုပ်အပိုးတွေကြားထဲမှာ အလုပ်ရှုပ်နေတဲ့ရှားအနားကို ခိုက်ကဝင်ထိုင်လာသည်။
" ဘာတွေလုပ်နေတာလဲ... ရှား.."
" ငါ ဒီနေ့နေ့လယ်သွားစရာရှိတယ်.. ညနေလောက်မှ ပြန်ရောက်မယ်ထင်တယ် ..."
" ဘယ်သွားမလို့လဲ ... ကိုယ် သိခွင့်ရှိမလား... "
ခိုက်က ခွင့်တောင်းသလို မေးလာတာကြောင့် ရှား ခေါင်းညိတ်ပြလိုက်သည်။
" ငါ ငယ်ငယ်ကနေခဲ့တဲ့ နေရာကိုသွားမလို့... အလှူငွေလည်းပေးရင်း ကလေးတွေကိုလည်း ကျန်းမာရေးစစ်ပေးရမယ့် အချိန်ရောက်ပြီဆိုတော့ အဲ့ဒါသွားမလို့... "
" ကိုယ် လိုက်လို့ရမလား... "
ခိုက်က ထင်မှတ်မထားတာကို မေးလာသည်ကြောင့် ရှား ခိုက်ကို မော့ကြည့်လိုက်သည်။ သူ ကြည့်လိုက်တော့ ခိုက်ကမျက်ခုံးပင့်ပြပြီး သူ့ဆီကအဖြေကို စောင့်နေသည်။ တကယ်ဆို သူလည်း အစက ခိုက်ကိုခေါ်သွားဖို့ တွေးထားသည်။ ဒါပေမဲ့ ခိုက်က ဒီရက်တွေထဲမှာ အလုပ်တွေများနေသည့်အတွက် သူတစ်ယောက်တည်း သွားမယ်ဆိုပြီး ဆုံးဖြတ်လိုက်တာဖြစ်သည်။
" မင်းက အလုပ်အားလို့လား... "
" အင်း... ဒီနေ့ချိန်းထားတာ တစ်ခုတော့ရှိတယ် ... သိပ်အရေးမကြီးပါဘူး... နောက်နေ့ရွေ့လိုက်မယ်... ဒီရက်တွေထဲမှာ ရှားကိုပစ်ထားမိသလို ဖြစ်နေလို့... "
YOU ARE READING
My Step-mom's EX becomes My HUSBAND [ Book Version ]
General FictionBook Version ဖြစ်ပါတယ် Original Version လည်းရှိတာမို့ နှစ်သက်ရာကိုဖတ်ရှုနိုင်ပါတယ် Book Version ျဖစ္ပါတယ္ Original Version လည္းရွိတာမို႔ ႏွစ္သက္ရာကိုဖတ္ရႈနိုင္ပါတယ္