" ရှား... အဆင်ပြေရဲ့လား "
ကားထဲမှာနေရာယူပြီးတဲ့အထိ ခိုက်က ရှားကို စိတ်မချနိုင်ဘဲ တဖွဖွမေးနေသည်မို့ ရှား အဆင်ပြေကြောင်း ခေါင်းညိတ်ပြနေရသည်။
" ငါ ဘာမှမဖြစ်ပါဘူး... ပြောချင်တာတွေပြောလိုက်ရတော့ ရင်ထဲပေါ့သွားပေမယ့် ပြန်တွေးကြည့်တော့ ယောကျာ်းတစ်ယောက်အနေနဲ့ မိန်းကလေးတစ်ယောက်ကို နိုင်လို မင်းထက်ပြုတဲ့ သဘောမျိုးဖြစ်သွားတယ်... ငါတို့ နည်းနည်းလွန်သွားတယ်ထင်တယ် "
မျက်နှာလေးက မသာမယာဖြစ်နေသည်မို့ ခိုက်က seat beltကို ပြန်ဖြုတ်လိုက်ပြီး ပေါင်ပေါ်မှာယှက်တင်ထားတဲ့ ရှားလက်လေးကို ဆွဲယူကာဆုပ်ကိုင်လိုက်သည်။
" ကိုယ်ကတော့ လိုတောင်လိုသေးတယ်လို့ ထင်နေတာ... ရှားက အရင်စ,တာမှမ ဟုတ်ဘဲ သူကသာ ပြဿနာတွေရဲ့အရင်းအမြစ် ဖြစ်နေတာလေ... စိတ်ရှုပ်စရာတွေ ခေါင်းထဲထည့်မနေပါနဲ့ကွာ... ကိုယ့်ကိုချစ်ဖို့အကြောင်းတွေပဲ အချိန်တိုင်းတွေးနေရင် တောင်မှ အကျိုးရှိသေးတယ် "
ခိုက်ပြောလိုက်တော့ ရှားက ' မနိုင်ဘူး ' ဆိုတဲ့သဘောမျိုးနဲ့ ခေါင်းအသာရမ်းရင်း ပြုံးလို့လာသည်။ ခိုက်က ရှားပခုံးနှစ်ဖက်ကို ဆုပ်ကိုင်ပြီး မျက်နှာချင်း ဆိုင်စေလိုက်တော့
ရှားက မော့ကြည့်လာသည်။ ခိုက်က ရှားမျက်ဝန်းတွေထဲကို သေချာစိုက်ကြည့်လိုက်ပြီး
" ကိုယ့်ကို ခွင့်လွှတ်ပေးနိုင်ပြီလား.. ဟင် "
" မသိဘူး!! "
ရှားက အကြည့်လွှဲသွားတာကြောင့် ခိုက်က ပခုံးကိုထိန်းကိုင်ထားတဲ့လက်တစ်ဖက် ကိုလွှတ်ပြီး မေးလေးကို လက်နဲ့အသာထိန်းကိုင်ကာ သူ့ဘက်ကို ပြန်လှည့်စေလိုက် သည်။
" ပြောပါဦးကွာ... မောင့်ကို အကြာကြီး စိမ်းကားရက်တယ်ပေါ့ "
" မင်းကလေ... တကယ်ပဲနော်... တတ်လည်းတတ်နိုင်တယ် "
ရှားက အရယ်တစ်ဝက်နှောရင်း ပြောလာတော့ ခိုက်က ရှား လက်ဖဝါးလေးကိုဆွဲ ယူပြီး နမ်းရှိုက်လိုက်ပြီး ရှားကိုယ်လေးကိုဆွဲကာ ရင်ခွင်ထဲမှာ ထွေးဖက်ထားကာ နှစ် ကိုယ်စာကြားရုံလေး တီးတိုးဖွင့်ဟလာသည်။
YOU ARE READING
My Step-mom's EX becomes My HUSBAND [ Book Version ]
General FictionBook Version ဖြစ်ပါတယ် Original Version လည်းရှိတာမို့ နှစ်သက်ရာကိုဖတ်ရှုနိုင်ပါတယ် Book Version ျဖစ္ပါတယ္ Original Version လည္းရွိတာမို႔ ႏွစ္သက္ရာကိုဖတ္ရႈနိုင္ပါတယ္