မနက်ခင်း breakfastဝိုင်းမှာ မာမီက ရှားတို့စေ့စပ်ပွဲလည်း ပြီးသွားဆိုတော့ နှစ်ရက်လောက်နေပြီးရင် ပြန်နှင့်မယ်ဆိုပြီးပြောလာ၍ ရှားတို့ကတားသော်လည်း ဟိုမှာ ထားခဲ့တဲ့တခြား business တွေက လက်လွှဲထားလို့ရပေမယ့် သူဝါသနာပါလို့ဖွင့်ထားခဲ့ တဲ့ မြန်မာဘာသာစကားသင်တန်းကိုတော့ ကြာကြာပိတ်ထားလို့မရကြောင်း ပြောလာ သည်ကြောင့် ရှားတို့လည်း မာမီ့ဆန္ဒကို ခေါင်းညိတ်လိုက်ရသည်။
သေချာတွေးကြည့်မိတော့ ချမ်းသာတဲ့လူတိုင်းက ခိုက်တို့သားအမိလိုပဲ ကိုယ်လုပ် ချင်ရာကို လုပ်တတ်ကြလား။
တကယ်ဆို ပိုင်ဆိုင်မှုတွေနဲ့တင် ဆယ်သက်စားမကုန်နိုင်တာကို ခိုက်ကလည်း သမရိုးကျစီးပွားရေးကို ဇောက်ချမလုပ်ဘဲ ဥပဒေနဲ့မလွတ်ကင်းတဲ့အရာမျိုးကိုမှ အဆန်း ထွင်ပြီး လုပ်ချင်တဲ့လူစားမျိုးဖြစ်နေသလို မာမီကျတော့လည်း ရှယ်ယာတွေကို လူယုံ တွေနဲ့ လက်လွှဲထားပြီး နိုင်ငံရပ်ခြားမှာ language class ဖွင့်ပြီး ဘဝကို ဖြတ်သန်းရတာ ပျော်ရွှင်လို့နေသည်။
ရှားကတော့ တကယ့်ကိုမှ ဒိတ်ဒိတ်ကြဲအာဂလူတွေရဲ့ မိသားစုဝင်ဖြစ်လာခဲ့တာပဲ။
" မာမီ့ဆီက ကျွန်တော်ခွင့်တောင်းချင်တာရှိလို့ "
မနက်စာစားပြီးတော့ ရှား ပြောလိုက်တဲ့စကားကြောင့် ခိုက်နဲ့မာမီ့ရဲ့ အကြည့်တွေ က ရှားဆီ ရောက်လို့လာသည်။
" ပြောလေ ဘေဘီရဲ့... ဘာများလဲ "
" ကျွန်တော်တို့နှစ်ယောက် ခိုက်ရဲ့ အဖေကို သွားကန်တော့ချင်တယ် "
" ရှား!! " " ဘေဘီ... "
ခိုက်ဆီက လေသံမာမာထွက်လာပြီး မာမီကတော့ ရှားစကားကို အံ့အားသင့်ဟန် ဖြစ်လို့သွားသည်။
" ဘာလုပ်ဖို့သွားမှာလဲ... မသွားရဘူး "
မာမီဆီက စကားသံကိုမကြားရသေးခင်မှာဘဲ ခိုက်က ယတိပြတ်ငြင်းဆိုလာသည် ကြောင့် စားပွဲအောက်မှာချထားတဲ့ခိုက်လက်ကို ရှား လှမ်းဆုပ်ကိုင်လိုက်တော့ ရှားကို စောင်းငဲ့ကြည့်လာသည်။
YOU ARE READING
My Step-mom's EX becomes My HUSBAND [ Book Version ]
General FictionBook Version ဖြစ်ပါတယ် Original Version လည်းရှိတာမို့ နှစ်သက်ရာကိုဖတ်ရှုနိုင်ပါတယ် Book Version ျဖစ္ပါတယ္ Original Version လည္းရွိတာမို႔ ႏွစ္သက္ရာကိုဖတ္ရႈနိုင္ပါတယ္