ជីវិតតែងតែមានឡើងមានចុះ ចម្លែកអ្វីតែនាយតូចដែលចុះងើបមុខមិនរួចទាល់តែសោះ ។ Tae ត្រូវត្រឡប់មកផ្ទះវិញទាំងមុខស្អុយដែលបំណងរបស់ខ្លួនត្រូវរលាយ ខំឆ្លៀតពេលថានឹងបានជួប ប៉ុន្តែចុងក្រោយកុំថាឡើយស្រមោលរបស់នាយ សូម្បីតែការងាររបស់គេក៏ត្រូវបាត់ដែរ ។ កាយតូចដាក់ខ្លួនអង្គុយលើសាឡុង ទម្លាក់កន្រ្តកផ្លែឈើចុះ មុននឹងផ្អែកខ្នងទៅខាងក្រោយ ពេលនេះគេសែនធុញថប់បំផុតហើយ
«កើតអី ធ្វើដូចជាបាក់បៀម្ល៉េះ សភាពដូចមនុស្សត្រូវសង្សារទាត់ចោល»អ្នកម្ដាយកំពូលវោហារ ស្រដីឡើងសួរនាំទៅកូន ស្របនឹងដំណើរព្រមជាមួយទឹកមួយកែវហុចអោយនាយតូច
«...គេទៅចោលច្រើនជាង»Tae ផឹកទឹកបន្តិច ទើបតបនឹងម្ដាយវិញ គេមិនបានទាត់ចោលខ្លួនទេព្រោះមិនត្រូវជាអ្វីនឹងគ្នាផង ប៉ុន្តែនាយទៅក្រៅប្រទេសចោលទើបត្រូវ
«ហឹម? អ្នកណាគេ ?»អ្នកណាទៅចោលអ្នកណា និយាយគ្មានក្បាលគ្មានកន្ទុយបែបនេះ គាត់ស្ដាប់មិនយល់ទេ ជួយបំពេញល្បះអោយគ្រប់បន្តិចមក
«មានអ្នកណា ក្រៅពីអាប្រុសឡប់សតិ Jeon Jungkook នោះ»គិតទៅមើលម្ដងក៏ប្រាប់ថាស្រឡាញ់ ចង់បានគេត្រឡប់ទៅវិញ មួយថ្ងៃៗតាមគេលុះក្ស័យ ដេញយ៉ាងណាក៏មិនទៅ ដល់ឥឡូវបែរជារត់ទៅស្រុកក្រៅទាំងមិនផ្ដល់ដំណឹង ថែមទាំងមិនមកវិញទៀត សង្ស័យតែគ្រាប់កាំភ្លើងត្រូវចំសរសៃរខួរក្បាលរបស់នាយហើយបានទៅជាឡប់សតិដូច្នេះ
«គេចេញពីមន្ទីរពេទ្យហើយហេស៎»Mrs Kim
«ថាបែបនឹងក៏បាន ប៉ុន្តែលើកនេះមិនមែនត្រឹមតែចេញពីមន្ទីរពេទ្យប៉ុណ្ណឹងទេ គឺចេញពីប្រទេសកូរ៉េតែម្ដង»នឹកឃើញលើកណា សែនឈឺចិត្ត មិនគួររំលឹកនោះទេ ព្រោះវាធ្វើឱ្យគេមួម៉ៅ
«បានន័យថាម៉េច បើមិននៅកូរ៉េ ចុះគេទៅណា ក្រែងទើបនឹងងើបពីឈឺមិនចឹង?»Mrs Kim
«គេទៅអាមេរិកបាត់ហើយ »Tae
«ហាស៎ ទៅអាមេរិក!!»Mrs Kim
«បាទ គេនៅនិយាយទៀតថា នឹងមិនត្រឡប់មកវិញទេ គេនឹងសាងជីវិតថ្មីនៅទីនោះ»ស្រមៃមិនចេញទេ ថាបើ Jungkook បណ្ដើរគ្រួសារថ្មីរបស់នាយចំពោះមុខគេនោះ ក្អួតឈាមទាំងថ្លុកមិនខាន
YOU ARE READING
Step Wife (ចប់✓)
Fanfictionដើម្បីកូន អូនព្រមទទួលយកគ្រប់យ៉ាង សូម្បីតែនាមជា«ប្រពន្ធចុង» Jeon Jungkook x Kim Taehyung (Top) (Btt)
