صباح الخير يا حلوين😂🧡
أنا حابه أتكلم معاكوا شويه وندردش فيما يخص الرواية ، أنا بس حابه أديكوا نبذة عن فكره الرواية من منظورى أنا طبعاً كل واحد هيكون ليه رأى مختلف تجاه الأحداث والشخصيات بس أنا عايزه أتكلم عن وجهه نظرى أنا .
لو هنتكلم عن الحدث الرئيسي فى الرواية والفكره العامه ليها هنلاقي أنها كيليشه وأكيد أتكتب عنها كتير بأحداث مختلفه بس تفضل بردو الفكره معروفه ومكتوبه قبل كده وأنا مش شايفه أنه مينفعش أقول ده لا بالعكس أنا قبل ما أكتب حرف واحد فى الروايه كنت متأكده أن الفكره دى أتكتب عنها كتير ،
بس أنا كان ليا تفكير تاني وهو أن أنا مش بناقش فى الرواية دى حدث واحد ولا فكره واحده ، لا أنا هدفي من قبل ما أكتب الرواية دى ولمه كانت أحداثها فى دماغي أنه أنا شايفه ليها أتجاه تاني ، بمعني لو بصينا على العشر فصول اللى نزلوا دول هنلاقي أن فيه أحداث ثانوية كتيره ، صحيح لسه مش واضحه ولسه هتبان أكتر فى الفصول الجايه ، بس من هنا عايزه أوضح الفكره أنه الرواية مش عباره عن حدث واحد فقط هدور حوليه جميع الأحداث بعد كده ، لا دى أحداث كتير في منها اللى ليها علاقه بالحدث الأساسي وفى منها لا وده هيبقي الأغلب ، لأنى زى ما قولت مش بكتب الرواية دى عن حدث واحد بس وابني عليه باقي أحداث الرواية لا ، أنا هدفي أنه يبقي فى أحداث كتير بتناقش قضايا كتير ، وده طبعاً ممكن حد يعتبره تشويش لعقليه القارئ لكن أنا عارفه كويس أوى مجرى الأحداث هيكون عامل أزاى ، وزى ما قولت فيه أحداث ليها علاقه بالفكره الأساسيه وفى أحداث لا بس بردو مش هتبعد كتير وكلها هتأثر على مجرى الرواية بشكل عام ، فهتبقي بالنسبه ليكوا واضحه ومفهومه ومفيهاش أى تشويش لعقلكوا بأذن الله.
"بالنسبه ليا مش مهم لو اللى أتكتب أتكتب تاني بس المهم بقي واللى يُعتبر هو الفرق والأختلاف أنه اللى أتكتب تانى يبقي بنمط مختلف ومميز وجذاب ، يكون فيه الإبداع اللى يخليه مختلف وليه طعم تاني عن اللى أتكتب قبل كده حتي لو هي هي نفس الفكره"
جايز الرواية يكون فيها شخصيات كتير ، بس ده بردو لهدف أن أنا حابه أوصلكوا كذا فكره وشكل عن شخصيات موجوده حوالينا فى الواقع ومتعايشين معاهم وبيأثروا فينا سواء بالسلب أو الإيجاب ، وده اللى هنشوفه فى شخصيات الرواية ، هنلاقي شخصيه داعمه وشخصيه محبطه وشخصيه انانيه وشخصيه مضحيه وهكذا ، هنلاقي جوه كل شخصيه نموذج من نماذج كتير موجوده حوالينا ومعنا فى الواقع.
زى ما قولت الرواية عباره عن حدث متفرع منه أحداث كتير بأفكار كتيره وقضايا كتيره ، حابه أناقشها وأتكلم فيها ،
مش مجرد فكره محروقه قبل كده ومكتوبه مع أختلاف الأحداث طبعاً لا ، أنا هدفي غير كده خالص زى ما شرحت وده لسه هتشوفوه بنفسكوا وتعرفوا وهيكون واضح جداً فى الأحداث الجايه ، هتلاقوا أختلاف كبير بين اللى ممكن يكون واضح دلوقتي ليكوا وهو مجرد بطل عايز ينتقم من والد البطله فبيتجوزها غصب والكلام ده لا أنتوا لسه هتشوفوا اللى أنا أقصده وعايزاه يوصلكوا .
أنا ديماً بحب أحكم على الحاجه لحد أخرها ، لأن هو ده الصح ، أحنا لمه بنشوف فيلم بيبقي فى أول نص ساعه منه الأحداث غامضه والشخصيات كذلك ولو حكمنا على الفيلم من أول نص ساعه فيه أكيد هنظلمه علشان كده بنصبر لحد الأخر لحد ما كل حاجه تبقي واضحه والشخصيات واضحه قدامنا والفكره والمضمون وصلوا صح ، علشان كده العشر فصول اللى نزلوا من الرواية لسه تمهيد للأحداث الجايه واللى أنا واثقه أنها ان شاء الله هتعجبكوا .❤️
أخيراً لأنى حاسه أنى طولت😂 كنت حابه أوى أتناقش معاكوا فى أحداث الرواية وشخصياتها وأنتوا شايفين مجرى الأحداث أزاى ، ومتوقعين أيه وفكرتكوا أيه عن الرواية لأن ده كله هيفرق معايا أوى ويهمني أوى ، فياريت تسيبوا كومنتات تتناقشوا فيها معايا بخصوص كل حاجه فى الرواية ، حابه أعرف رأيكوا أوى لأن ده هو اللى هيدفعني أكمل فى الرواية ولا أيه؟
أخيراً بقي😂
صحيح الرواية لسه موصلتش للعدد اللى هو ، بس ده مش مضايقني ، بجد والله أنا فرحانه أوى بالشوية الصغيرين اللى بيتابعوا الرواية ، الفكره بالنسبالى فكره وقت وصبر وكل حاجه بتاخد وقتها علشان توصل وطول ما أنا بكتب حاجه مقتنعه بيها وحباها وعندى شغف جداً ليها فأنا متأكده أن ربنا مش هيضيع تعبي وهيجبر بخاطرى بالنجاح اللى الرواية تستحقه ، وده طبعاً بعد فضل ربنا وأنتوا ، أنا دخلت واتباد وبدأت من الصفر وهفضل مكلمه لحد ما أخلص الحاجه اللى بحبها حتي لو العدد مزدش وفضل كده حتي لو فضل اللى بيتابعني شخص واحد ، المهم أكمل الحاجه اللى شغفي بيها كبير وأوصل فيها لنقطه النهايه وأنا مبسوطه أنى بعمل حاجه بحبها ، العبره مش فى العدد ولا الڤوت ، العبره أن الواحد يكمل فى الحاجه اللى بيحبها وهو راضي عنها وهي بتطلع بالشكل اللى هو حابه وعاوزه وراضي عنه.
بس كده وأسفه أن أنا طولت ، شكراً.❤️
ملحوظه، معادنا أنهاره فى الفصل الجديد أن شاء الله ، زى ما بينزل مساءاً ، دمتم فى حفظ الله.
YOU ARE READING
عائـلة نصـار
Romantikkقال كلماته الأخيرة ثم توجه ناحية المكتب وجد ورقة فأخذ قلم وبدأ يدون عليها أسمه بينما وضعها أمام ناظرى المنشاوي وهو يهتف بنبرة مميتة ونظرات كادت أن تحرق الواقف أمامه . _ حمزة نصار ، خليك فاكر الأسم ده كويس لأنه من هنا ورايح هيكون كابوسك الأسود يا عبد...
