"ဆေးရုံဆင်းလို့ရပြီကွ... ဆေးရုံဆင်းလက်မှတ်နဲ့ဆေးစာအုပ်တွေ ယူလာပြီ "ရဲဇင်ယော်မြင့်က အခန်းထဲဝင်လာသည်နှင့် ဖိုင်တွဲကိုမြှောက်ပြသည်။သူ ဒီလိုလုပ်လာရသည်ကလဲအကြောင်းရှိသည်။ဆရာဝန်ဖြစ်သော ကူးမ ကိုယ်တိုင်သွားယူလိုက်လျှင် အလိမ်ပေါ်သွားမှာ စိုးရိမ်ရသောကြောင့် ကူးမ သွားမလုပ်ခင် တစ်ကွက်ကြိုဦး လာခဲ့ရခြင်းဖြစ်သည်။ သူတို့၏ သူငယ်ချင်းကြီး မင်းစည်သူတဖြစ်လဲကောင်းစည်သူသည် ကုတင်ပေါ်တွင် ကူးမ ခွံ့ကျွေးသော ခေါက်ဆွဲပြုတ်ကို စားကာ ကောင်းစားနေသည်။ သူတို့ကိုတွေ့သောအခါ ဆရာသမားက ရှက်သွားပြီး မျက်နှာကဖြန်းကနဲနီရဲသွားပြန်သည်။
' ကောက်ညင်းကမစီးကောက်ကြမ်းကစီးနေတဲ့ အကောင် '
ရဲဇင်ယော်မြင့် က မလိုတမာတွေးလိုက်သည်။ခွန်နောင်ဆင့်ကတော့ ကူးမ အလစ်မှာ လှောင်သလို အပြုံးထေ့ထေ့ဖြင့် ကြည့်နေသောအခါ သကောင့်သားမှာ ပိုရှက်လာရလေသည်။
"ဆေးရုံဆင်းပြီးလည်း မင်းအိမ်ကို ငါတို့ လာရဦးမှာပဲ.. ကူးမ ငါတို့ခဏခဏလာလို့မျက်စိမနောက်နဲ့နော် "
"မနောက်ပါဘူးနော်... ကိုဝဠာ က အစားအသောက်ကြိုက်မှန်းသိလို့ အိမ်မှာရှိတာအကုန်ချကျွေးမှာ "
"သဘောကောင်းတဲ့ ခယ်မ ရမှာ ဝမ်းသာလိုက်တာ "
"အိုး..."
"ဟ.. ဝဠာ"
ရှေ့မကြည့်နောက်မကြည့် ပြောချလိုက်သော ဝဠာ့ကြောင့် နှစ်ယောက်လုံး ခေါင်းငုံ့သွားရပြန်သည်။ ကူးမှာ ဘွင်းဘွင်းကြီးပြောတတ်သော ကိုဝဠာ့အကြောင်းသိနေသော်လည်း နည်းနည်းရှက်သွားသောစိတ်ကို တား၍မရပါပေ ။ ကိုကြီးကို မဝံ့မရဲကြည့်လိုက်တော့ ရဲတွတ်နေသော မျက်နှာနှင့် နားရွက်က ကူးထက်တောင် ပိုရှက်နေတာတွေ့ရလေသည်။
ဟင်... ကိုကြီးက အဲ့လိုမှမဟုတ်တာ ။ မုဆိုးဖိုမို့ လူပျိုမဟုတ်သော ကိုကြီးသည် အဲ့လိုစနောက်ခံရလျှင်လည်း သက်တောင့်သက်သာဖြစ်နေရမှာမဟုတ်လား ။ ကူးနဲ့ လက်ထပ်ဖို့ကိစ္စတွေပြောရင်လည်း အေးဆေးစွာရှိနေတတ်တာ ။
YOU ARE READING
ချစ်ခြင်းဖြင့် ချဥ်းနင်းဝင်ရောက်လာသော ခ်စ္ျခင္းျဖင့္ ခ်ဥ္းနင္းဝင္ေရာက္လာေသာ
Romance(Uni) အသက်၃၂နှစ်အထိ မိဘသဘောအတိုင်းသာ နေလာခဲ့သည့် အနေအေးဆေး၍တည်ငြိမ်သော ကောင်းစည်သူ၏ ဘဝသည် သူ့ဖခင်နှင့်အစ်ကိုတို့ပါဝင်ပတ်သက်နေသော ပန်းနံသာစံအိမ်ကြီးကြောင့် အချိုးအကွေ့ဖြစ်ခဲ့ရလေသည်။ လူနာနှင့်ဆေးစာအုပ်များကလွဲ၍ စီးပွားရေးအကြောင်း နကန်းတစ်လုံးမှမသိသ...