မျက်လုံးမဖွင့်မီကပင် သင်းပျံ့သော ပန်းအနံ့လေးက အရင်ရပြီးသားဖြစ်နေရသည်။ အခန်းတွင်းအပူချိန်က အဲကွန်းဖွင့်ထား၍ အေးနေသော်လည်း ထူးထူးဆန်းဆန်းနွေးနေသည်မှာ သူ့ရင်ခွင်ထဲက ကောင်မလေးကြောင့်ဆိုသည်မှာ ပြောစရာမလိုတော့ပေ။ ကောင်မလေးသည် သူ့ရင်ခွင်ထဲမျက်နှာအပ်ကာ အိပ်ပျော်နေသည်။
ဒီကောင်မလေးကို ဖက်၍အိပ်မိသည့်နေ့တိုင်း ခေါင်းထဲတွင် ကြည်ရှင်းတောက်ပြီး နိုးထလာနိုင်သည်မှာ အံ့သြဖို့ကောင်းလှသည်။ကောင်မလေးမျက်နှာလေးကို ခွင့်ပြုချက်မယူဘဲ လက်မနှင့် ပွတ်သပ်ပေးမိပြီး သူ့ထံ ဆွဲမော့လိုက်သည်။ နှီးတစ်ပြား ဆိုသောစကားကို မေမေပြောတာ ကြားဖူးပါရဲ့.. ။ မျက်တောင်လေးတွေရှည်နေတာမှ နှီးပြားလေးတစ်ပြား တင်ထားလို့ရတယ်တဲ့။ ခု ကူးရဲ့မျက်တောင်လေးများက ထိုကဲ့သို့ပင်။ မျက်တောင်ကော့ကော့လေးနှင့်မှိတ်ထားသောမျက်လုံးလေးများကို နိုးသွားမှာစိုးသဖြင့် ဖွဖွလေး သူ ခိုးနမ်းလိုက်သည်။
"အဲ့..အဲ... "
သမီးတော်က နိုးနေပြီ ဖြစ်သည်။ သမီးလေးက အသံပေးသည်နှင့် ဆတ်ကနဲနိုးလာသောကူးသည် သူ့ရင်ခွင်ထဲရောက်နေမှန်းသိသောအခါ လန့်သွားသည်။
"ကိုကြီး... "
"မနေ့က ကိုကြီးအိပ်ယာမှာ ဖီဖီနဲ့ဆော့ရင်း အိပ်ပျော်သွားတာ... အဲ့ဒါ ...ကိုကြီးကလဲ ပြန်မရောက်သေးတော့...ဟိုလေ "
"မောနင်း... ကူး"
ဖြေရှင်းချက်တွေ တရစပ်ပေးနေသော ကောင်မလေး အနေရခက်နေမည်စိုး၍ သမီးကိုသာခေါင်းလေးအသာပုတ်ကာ ထထွက်လာခဲ့သည်။ အမှန်ဆို သူမလေးတို့နှစ်ယောက်အိပ်နေရင် သူလဲ တခြားနေရာသွားအိပ်လို့ရတာပဲမလား.. ။ သူ့ကိုမေးခွန်းပြန်ထုတ်ရင် သူပါ အကြောင်းပြချက်ပေးနေရမှာစိုးသဖြင့် ခပ်တည်တည်နှင့် ထွက်လာရသော်လည်း ရေချိုးခန်းထဲ မျက်နှာသစ်ရင်း ပီတိပြုံးကြီးဖြင့် ကျေနပ်မိနေသည်ကို သူပဲသိလေသည်။
"ဒီနေ့ ရှူတင်ရှိမယ် ကူး... ဒီညနေ အိမ်ကိုစောစောပြန်ရောက်မယ်နော်... ညကတော့ အိမ်ပြန် နောက်ကျသွားတယ် ဝဠာတို့အိမ်မှာ အစည်းအဝေး ရှိနေလို့"
![](https://img.wattpad.com/cover/347550678-288-k193236.jpg)
YOU ARE READING
ချစ်ခြင်းဖြင့် ချဥ်းနင်းဝင်ရောက်လာသော ခ်စ္ျခင္းျဖင့္ ခ်ဥ္းနင္းဝင္ေရာက္လာေသာ
Romance(Uni) အသက်၃၂နှစ်အထိ မိဘသဘောအတိုင်းသာ နေလာခဲ့သည့် အနေအေးဆေး၍တည်ငြိမ်သော ကောင်းစည်သူ၏ ဘဝသည် သူ့ဖခင်နှင့်အစ်ကိုတို့ပါဝင်ပတ်သက်နေသော ပန်းနံသာစံအိမ်ကြီးကြောင့် အချိုးအကွေ့ဖြစ်ခဲ့ရလေသည်။ လူနာနှင့်ဆေးစာအုပ်များကလွဲ၍ စီးပွားရေးအကြောင်း နကန်းတစ်လုံးမှမသိသ...