"တွေ့လား ပြောရင်းစကားတွေက ထွက်လာပြီ... ခါးနာနေတာ ကိုယ့်ကိုမပြောဘဲ ကြိတ်သည်းခံနေတာပေါ့.... ဒီလိုလုပ် ကိုယ်နဲ့ကူးနဲ့ ကုတင်ကို တယောက်တခြမ်းသုံးရင်ရော"
"ရှင်..."
မျက်လုံးလေးပြူးသွားသော ကူးကြောင့် သူ့မှာ ထစ်ထစ်ငေါ့ငေါ့ဖြစ်ကာ ပျာပျာသလဲလဲ ရှင်းပြရပါတော့သည်။
"အာ... ကိုယ်ပြောချင်တာ ဟိုလိုမဟုတ်ဘူး... ဟိုလေ... ဘာအရောင်မှမပါဘူး... ကိုယ် စည်းမကျော်ဘူး... ကူး သက်တောင့်သက်သာရှိစေချင်တာ.... အဲ့လို... "
ကူးသည် လက်နှစ်ဖက်ကို တင်းတင်းလေးပိုက်ထားကာ ကိုကြီးကိုကြည့်လိုက်သည်။ ခုတလော ဒီလူ ဘာဖြစ်ချင်နေတာလဲ။
"ကိုရဲဇင်ယော်မြင့်ကိုပြောပြီးပြီ... ကူးအခန်းနဲ့ကိုယ့်အခန်းကို တဆက်ထဲဖြစ်အောင် အတွင်းတံခါးဖောက်ဖို့.. ကိုယ်တို့PNTဆောက်လုပ်ရေးကိုတောင်မသုံးဘူး အတွင်းလူသိမှာစိုးလို့လေ.... ရဲဇင်ရဲ့ ကမ်ပဏီကိုပဲသုံးမှာ... အဲ့တံခါးပြီးသွားရင် ကိုယ်လဲစိတ်ချလက်ချ အခန်းကိုပြန်လို့ရပြီ.... အဲ့အချိန်လေးပဲ.."
မျက်နှာကြီးရဲလာပြီး ကပျာကယာရှင်းပြနေသော ကိုကြီးကြောင့် ကူး တထစ်လျှော့လိုက်ပါသည်။ အမှန်တော့ လက်ထပ်စာချုပ်မှာ လက်မှတ်ထိုးထားသည်ကိုတော့ မပြောပြသေးဘဲ လုပ်ချင်ရာလုပ်နေသော ကိုကြီးကို ရစ်ပေးလိုက်မလို့ပင်။
"ကူးနားလည်ပါတယ်... ကူးက Extrabed (အိပ်ယာအပို) သွားယူရင်ကောင်းမလားစဥ်းစားနေတာ.... "
"ကူးသဘောပါ... ဒီနေ့ကတော့ ညဥ့်နက်နေပြီ မနက််ဖြန်မှ Extrabed (အိပ်ယာအပို) ယူလိုက်တော့လေနော် ..ကိုယ် ကူးနဲ့ သမီးကိုစိတ်ချဘူး... သမီးကိုလဲ ဘယ်အခန်းထဲသိပ်သိပ်ရနေအောင်... မိသားစု တစ်စုတစ်စည်းထဲ ဖြစ်အောင် "
မိသားစု ဟု သုံးနှုန်းလိုက်သောကြောင့် ကူး မျက်ခုံးများမြင့်တက်သွားရပါသည်။ သမီးမွေးကတည်းက အလုပ်ရှုပ်နေတတ်သော ကလေးမပြောနဲ့ ကိုယ့်မိန်းမကိုတောင် လှည့်မကြည့်နိုင်အောင် ပစ်ထားတတ်သူ ဟု ကိုယ်တွေ့လဲ မြင်ဖူးသလို အပေါင်းအသင်းများကြားထဲလဲ ပြောကြလွန်းသော ကိုကြီးက မိသားစုတဲ့လား ။
YOU ARE READING
ချစ်ခြင်းဖြင့် ချဥ်းနင်းဝင်ရောက်လာသော ခ်စ္ျခင္းျဖင့္ ခ်ဥ္းနင္းဝင္ေရာက္လာေသာ
Romance(Uni) အသက်၃၂နှစ်အထိ မိဘသဘောအတိုင်းသာ နေလာခဲ့သည့် အနေအေးဆေး၍တည်ငြိမ်သော ကောင်းစည်သူ၏ ဘဝသည် သူ့ဖခင်နှင့်အစ်ကိုတို့ပါဝင်ပတ်သက်နေသော ပန်းနံသာစံအိမ်ကြီးကြောင့် အချိုးအကွေ့ဖြစ်ခဲ့ရလေသည်။ လူနာနှင့်ဆေးစာအုပ်များကလွဲ၍ စီးပွားရေးအကြောင်း နကန်းတစ်လုံးမှမသိသ...