"Congratulations ...official အိမ်ထောင်သည် ဖြစ်သွားပြီပေါ့""အခု လက်မှတ်မထိုးလဲ နောင်တစ်ချိန်မှာ ...ထိုးရမှာပဲ.....ငါက ..."
"ရှင်းပြစရာမလိုဘူးလေကွာ... ရပြီ... "
ကူးသည် စာကြည့်ခန်းတံခါးရှေ့ တံခါးခေါက်ရန်အလုပ်တွင် ကြားလိုက်ရသော စကားကြောင့် ကိုယ်လေး တုံ့ကနဲ ဖြစ်သွားရသည်။ ကိုကြီးတို့အုပ်စုသည် ဘာတွေပြောနေကြတာလဲဟု နှစ်ခါပြန်၍စဥ်းစားရသည်အထိ ဦးနှောက်မှာအလုပ်မလုပ်တော့ပါ ...
သူတို့စကားအရဆိုလျှင် ကိုကြီးက လက်ထပ်စာချုပ်တွင် လက်မှတ်ရေးထိုးလိုက်ပြီပေါ့....ကူးသည် ခြေဖျားလက်ဖျားတွေ
အေးစက်လာကာ ရင်တုန်သွားသည်လား ရင်ခုန်သွားသည်လားမသိ သရိုးသရီကြီးဖြစ်လာသည်။ အခန်းထဲမှလူများမရိပ်မိခင် ကလေးအိပ်ခန်းထဲသို့ဝင်ကာ ဆိုဖာပေါ်တွင်ထိုင်နေမိသည်။ကူး အခု အိမ်ထောင်သည် ဖြစ်သွားရပြီပေါ့...ကိုကြီးဘက်ကတော့ဘယ်လိုရှိမယ်မှန်းမသိ ကူးကတော့ ခြေဖျားလက်ဖျားလေးတွေအေးစက်ကာ သွေးထဲမှသကြားဓာတ်တွေ ယုတ်လျော့လာရသလိုပင်ဖြစ်လာရသည်။ ကိုကြီးကတော့ ရှေ့မှာ ပထမအကြိမ် လက်ထပ်ဖူးသည်မို့ ကူးလောက်တော့ စိတ်လှုပ်ရှားမည်ဟု ကူးမထင်ပါ။ တာဝန်အရ လက်မှတ်ထိုးခဲ့တာသာဖြစ်ပါလိမ့်မည်။ ကူးတောင်မှ ဝတ္တရားအရ လက်မှတ်ထိုးခဲ့ရတာပဲလေ။ သို့သော် ကူးလက်မှတ်ထိုးထားသည့်စာချုပ်ကို အခုကိုကြီးက တန်ဖိုးထားစွာလက်မှတ်ထိုးခဲ့ပါသလားလို့ ကူးမျှော်လင့်ချက်ထားကာ မေးကြည့်ချင်ပါသေးသည်။
.
.
.
.
"ကူးရေ... စကားပြောလို့ရမလား ပလိစ်""ဟုတ်ကဲ့... ကိုကြီး ရတယ်လေ... "
စာကြည့်ခန်းထဲသို့ ရှေ့မှဦးဆောင်ကာ ဝင်သွားသောကိုကြီး၏ နောက်သို့ ကူးလိုက်ဝင်လိုက်သည်။ စာကြည့်ခန်းစားပွဲတွင် ကိုကြီးနှင့်မျက်နှာချင်းဆိုင်ဝင်ထိုင်လိုက်ရင်း ကိုကြီး ဘာပြောမလဲဟု ကူး ငံ့လင့်နေသည်။
"ကူး..."
"ရှင်..."
ကူးမျက်ဝန်းကိုစိုက်ကြည့်ပြီး လွှဲမသွားသော အကြည့်တို့ကြောင့် ကူးကပဲ အကြည့်ကိုပြန်လွှဲလိုက်ရသည်။ အကြည့်ချင်းဆုံလိုက်သောအခါ ခံစားချက်ကတမျိုးပင်။
YOU ARE READING
ချစ်ခြင်းဖြင့် ချဥ်းနင်းဝင်ရောက်လာသော ခ်စ္ျခင္းျဖင့္ ခ်ဥ္းနင္းဝင္ေရာက္လာေသာ
Romance(Uni) အသက်၃၂နှစ်အထိ မိဘသဘောအတိုင်းသာ နေလာခဲ့သည့် အနေအေးဆေး၍တည်ငြိမ်သော ကောင်းစည်သူ၏ ဘဝသည် သူ့ဖခင်နှင့်အစ်ကိုတို့ပါဝင်ပတ်သက်နေသော ပန်းနံသာစံအိမ်ကြီးကြောင့် အချိုးအကွေ့ဖြစ်ခဲ့ရလေသည်။ လူနာနှင့်ဆေးစာအုပ်များကလွဲ၍ စီးပွားရေးအကြောင်း နကန်းတစ်လုံးမှမသိသ...