ကူးကို လာကြိုရင်း ကူးတို့ဌာနရှေ့တွင် မတ်တပ်ရပ်စောင့်ဆိုင်းနေသော ကောင်းစည်သူသည် ဌာနအတွင်း လှုပ်ရှားမှုများကိုမြင်နေရပါသည်။
စိတ်ရောဂါဌာန အတွင်းတွင် အတွင်းလူနာများရှိကြရာ တခါတလေ ရောဂါအခြေအနေအရ လွှတ်ထား၍ရသဖြင့် လျှောက်သွားနေကြသူများလဲရှိကြသည်။ ထိုထဲက လူနာ တယောက်ကတော့ ဌာန ၏ ကောင်တာ တွင်ဝေ့လည်ဝေ့လည်လုပ်နေသည်ကို သတိထားမိသည်။
"အချောလေး... အချောလေး ဘယ်မှာလဲ"
"ကိုရန်ကျော်ကြီး.. အချောလေးက ခဏနေပြန်တော့မှာ.... လာပါ... အထဲဝင် ...အချောလေး မြင်သွားရင် ကိုရန်ကျော်ကြီး ကိုဆူလိမ့်မယ်... "
"အချောလေး... အချောလေးကိုကြည့်မယ်"
နပ်စ်ဆရာမလေးများနှင့် ထိုလူနာ စကားပြောနေသော အချိန်တွင်ပင် ကူးသည် အလုပ်ဆင်းရန် အထုတ်အပိုးနှင့်ထွက်လာခဲ့လေသည်။
"ကိုရန်ကျော်....ဒါ ဘာလုပ်နေတာလဲ လို့ "
ကူးက မျက်မှောင်ကျုံ့၍ ခပ်ဆတ်ဆတ်လေးပြောလိုက်လျှင် ထိုလူနာသည် ဂုတ်ကိုလက်ဖဝါးဖြင့်ပွတ်ကာ ရယ်ကြဲကြဲဖြင့် ကြည့်နေလေသည်။
"အချောလေး... အချောလေး သကြားလုံး "
"ရော့.. ရော့ အမ်မလေး.... အချောလေးဆိုပြိးမြှောက်နေတာ.. လက်စသတ်တော့... သကြားလုံးလာတောင်းစားတာကျန်း... "
ကူးက အိပ်ကပ်ထဲက သကြားလုံးလေးကိုထုတ်ကာ ထိုလူနာလက်ထဲ ထည့်ပေးလိုက်ပါသည်။
"သကြားလုံးရပြီဆို ကိုယ့်အခန်းကိုယ် ပြန်ရမယ်နော်...အချောလေးစိတ်ဆိုးမှာနော်... လိမ္မာတယ်..."
ကူးထံမှသကြားလုံးရသည်နှင့် ထိုလူနာသည် ငြိမ်ငြိမ်သက်သက်ဖြင့် နပ်စ်ဆရာမတွေခေါ်ရာ လိုက်သွားလေသည်။
ကူးကတော့ လူနာထံမှအကြည့်ကိုလွှဲလိုက်လျှင် သူ့ ကိုတွေ့လိုက်ရသဖြင့် နှုတ်ခမ်းလေးက ကိုလေးဟု အသံတိတ်ခေါ်ကာ ပြုံးရွှင်စွာပြေးလာခဲ့သည်။ ဂျူတီဝတ်စုံပန်းရောင် အင်္ကျီဘောင်းဘီ ဝမ်းဆက်လေးကို အပေါ်မှ ဂျူတီကုတ်ထပ်ထားသော သူ့ကူးငယ်လေးက ကျော့ရှင်းလှပလွန်းသည်။
![](https://img.wattpad.com/cover/347550678-288-k193236.jpg)
ČTEŠ
ချစ်ခြင်းဖြင့် ချဥ်းနင်းဝင်ရောက်လာသော ခ်စ္ျခင္းျဖင့္ ခ်ဥ္းနင္းဝင္ေရာက္လာေသာ
Romance(Uni) အသက်၃၂နှစ်အထိ မိဘသဘောအတိုင်းသာ နေလာခဲ့သည့် အနေအေးဆေး၍တည်ငြိမ်သော ကောင်းစည်သူ၏ ဘဝသည် သူ့ဖခင်နှင့်အစ်ကိုတို့ပါဝင်ပတ်သက်နေသော ပန်းနံသာစံအိမ်ကြီးကြောင့် အချိုးအကွေ့ဖြစ်ခဲ့ရလေသည်။ လူနာနှင့်ဆေးစာအုပ်များကလွဲ၍ စီးပွားရေးအကြောင်း နကန်းတစ်လုံးမှမသိသ...