[Unicode]
" မြတ်ဘုန်းပျို "
မန်နေဂျာဖြစ်သူ၏ ခေါ်သံကြောင့် မြတ်ဘုန်းပျို လုပ်လက်စအလုပ်တွေကိုရပ်လိုက်တယ် ။
" ဟုတ်ကဲ့ "
" နောက်နှစ်ပတ်လောက်နေရင် CEOယိမ်း ရဲ့ မင်္ဂလာဆောင်ရှိတယ်၊ အဲ့ပွဲကျရင် ပွဲစီစဉ်ဖို့ ဦးလေးကို ကူညီပေးနိုင်မလား "
CEO ဆိုတဲ့လူကို မြတ်ဘုန်းပျို ရံဖန်ရံခါတွေ့ဖူးသည်။ Company ကိုအလာနည်းသော်လည်း လာသည့်အချိန်တိုင်းတွင်နံဘေး ၌အရပ်ရှည်ရှည် ခံ့ညားသည့်အသွင်အပြင်ရှိသော ကောင်လေးတစ်ယောက်အမြဲပါတတ်သည်။
" ဟုတ်ကဲ့ ကူညီပေးပါ့မယ် "
" CEO ယိမ်းကိုတော့ မင်းသိပ်တွေ့ဖူးမှာမဟုတ်ဘူး သူကစီးပွားရေးကိုအဓိကလုပ်တာဆိုတော့ Hotel ဘက်ကိုသိပ်မလှည့်နိုင်ဘူး သူ့လက်ထောက်နဲ့ဘဲ hotel ကိစ္စတွေအကုန်လက်လွှဲထားတာ "
" CEO ယိမ်းဆိုတာ အသားဖြူဖြူ ပါးချိုင့်လေးနဲ့မလား ကျွန်တော်တွေ့ဖူးတယ်ထင်တယ် ၊ သူလာရင်သူ့ဘေးမှာ အရပ်ရှည်ရှည် နဲ့ခပ်ချောချောကောင်လေးတစ်ယောက်အမြဲပါတယ်လေ "
မန်နေဂျာက ထောက်ခံဟန်ဖြင့်ခေါင်းညိမ့်ပြလာကာ
" အေးဟုတ်တယ် ၊ သူတို့နှစ်ယောက်ရဲ့မင်္ဂလာဆောင်လေ "
မန်နေဂျာ စကားကြောင့်မြတ်ဘုန်းပျိုအံဩသွားတယ်၊ ယောင်္ကျားလေးနှစ်ယောက်ရဲ့ မင်္ဂလာပွဲတဲ့လား ၊ သူ့စိတ်ထဲ၌ ကြည်နူးမိသွားပြီး ရှိုင်းကိုပြေးမြင်မိသွားတယ် ၊ သူတို့နှစ်ယောက်ရော တစ်ချိန်အဲ့လို လက်ထပ်ဖြစ်နိုင်လောက်လား .. တွေးရင်းပြုံးလိုက်မိတယ် ။
____
ဟန်ဆက်ပိုင် ဆိုင်ကယ်ကိုရပ်ကာ ဒေါက်ထောင့်၍ helmet ကိုချွတ်လိုက်သည်။ ထိုနောက် သူ့ရှေ့က အဆောက်အဦးအဟောင်းကို အကဲခတ်ဟန်ဖြင့်ကြည့်လိုက်တယ်။ သူ့အကိုဘာစိတ်ကူးနဲ့များ ဒီလိုအဆောက်အဦးဝယ်ပြီး သူ့ကိုပေးလိုက်လဲ စဉ်းစားမရပေ။ မကောင်းကျောင်းပို့ဆိုတဲ့အတိုင်း တွေ့သမျှ အဆောက်အဦးဟောင်းတွေဝယ်ပြီး သူ့လက်ထဲကိုဘဲ ထည့်တတ်တဲ့ သူ့အကိုရဲ့စိတ်ကိုလိုက်မမှီတော့ပေ။
YOU ARE READING
" သတိ - ကြားလူမဝင်ရ " ( Complete)
Romanceမြတ်ဘုန်းပျို အချိန်တွေနောက်ပြန်ဆုတ်လို့ရခဲ့မယ်ဆိုရင်တောင် မောင့်ကိုဘဲထပ်ရွေးချယ်ခဲ့မိမယ်ထင်တယ်... ရှိုင်းမင်းခ အတ္တကင်းတဲ့ချစ်ခြင်းမေတ္တာဘဲပေးချင်ခဲ့တာပါ ...ကိုကိုနာကျင်ပါစေဆိုပြီးရည်ရွယ်ခဲ့တာမျိုးမရှိခဲ့ပါဘူး... ျမတ္ဘုန္းပ်ိဳ အခ်ိန္ေတြေနာက္ျပန္ဆ...
