Love Is Only In The Movies [COMPLETED] (Xander Avila-Drop-dead Playboys Book #1)

SCENE 21

PINAKATITIGAN ni Xander ang ina nang tuluyan nang makalabas ng gate ang kotseng sinasakyan ng tiyuhin niya at ng anak daw nito. "Siya ba talaga ang nawawalang anak ni Uncle?"

"Oo, hijo. Natutuwa akong nagkita na sa wakas ang mag-ama. Kung nakita mo lang sana kung naging gaano kasaya ang uncle mo kanina." Inalis ng ina ang tingin sa gate at sinalubong ang mga mata niya. "Bakit nga pala nandito ka? Akala ko ba, may shooting ka ngayon?"

"How did you find her?" tanong ni Xander, hindi sinagot ang itinanong nito.

"Through a private investigator. Bakit, hijo?"

He snorted. "She looked fake."

"Ha?" Halatang nagulat ang ina. "Paano mo naman nasabi 'yan?"

Hindi agad tumugon si Xander. Paano nga ba niya iyon nasabi? Nang makita niya ang babae kanina ay may pakiramdam agad siyang hindi iyon ang unang pagkikita nila. He thought he had already seen that pair of eyes. Even the shape of her face and her lips looked familiar. And when he hugged her, it was as if he had already hugged her before.

Kanina lang, nakita niya nang damputin ng babae ang picture niya mula sa hilera ng mga kuwadro. When she smiled while looking at his picture, curving lines formed on both her cheeks, making her cheekbones look more prominent. And with that, images of a conniving woman entered his head.

Debbie the devious she-devil.

Debbie did not have that young, innocent face like his new cousin's or maybe because she wore no makeup while Debbie's face was masked with it. Debbie had a mole near the left corner of her lips while she had no facial mole at all. Debbie might be a few inches taller than her. O marahil ay dahil mataas lang ang takong ng sapatos nito at ang pinsan niya ay naka-flats lang. But both had slender bodies and well-equipped chests.

Binura din agad ni Xander sa isip ang mga ideyang iyon. Nagiging paranoid na tuloy siya dahil sa babaeng iyon. Halos lahat na lang ng makita niyang babae ay hinahanapan niya ng pagkakahawig kay Debbie. But, well, of all the women he had mentally compared to Debbie, his new cousin had the closest similarity. At iyon marahil ang dahilan kung bakit nakaramdam agad siya ng pagdududa sa dalaga.

"Gut feeling," maikli niyang sagot sa nakabiting tanong ng ina.

"Sinasabi mo bang nagkamali ang taong pinaghanap ko?"

"Iniisip kong baka nagpapanggap lang siya."

Bahagyang pinanlakihan siya ng mga mata ang ina. "Hijo! Paano mo naiisip ang mga bagay na 'yan?"

Gusto sanang sabihin ni Xander sa mommy niya na mula nang lokohin siya ni Debbie ay pinagdududahan na niya palagi ang lahat ng taong nakakasalamuha niya. That bitch had caused him a lot of damage. Hindi rin siguro niya maiisip ang posibilidad ng pagpapanggap ng isang tao kung hindi niya mismo nasaksihan ang isang pagpapanggap na yumurak sa ego niya. "Bigla ko lang naisip."

"At ano naman ang motibo niya para maglakas-loob siyang gawin ang bagay na iyon?"

"Perhaps money. Wealthy living."

"Does she look like a crook to you?"

"No. But nowadays, crooks are usually masked in pretty packages."

"Did someone do you harm lately, son?"

Napatingin siya sa ina. "'Ma?" Saka lang niya namalayang mariin nang naglapat ang mga bagang niya.

"I can tell it from the look in your face. Mayroon bang nanloko sa 'yo at mukhang naapektuhan ka nang husto kaya tuloy pakiramdam mo ay niloloko rin tayo ni Sheye?"

He snorted. "Wala. I told you it was just a gut feeling."

"Not all gut feelings are right, son. Kapag nakilala mo nang husto si Sheye, mabubura ang pagdududa mo sa kanya. Ilang beses ko pa lang siyang nakausap simula nang mahanap ko siya pero masasabi kong mabait siyang bata at hindi siya mukhang pera."

"Of course. Alangan namang ipakita niya sa inyong mukha siyang pera." Nilangkapan niya ng disgusto ang tinig.

"Hijo, huwag kang umasal ng ganyan kapag nasa harap niya at ng uncle mo."

"Sure," galing sa ilong na sagot niya. "Tell me something about her."

"Why do you want to know?"

"Because she's my newfound cousin. You can't expect a cousin like me to know nothing about my one and only cousin, huh?"

"She's twenty-three and an HRM undergrad."

"And? Ano'ng ikinabubuhay niya?"

"She's a lady bartender."

Kumunot ang noo ni Xander. "Lady bartender? Saan?"

Nagpakawala ng malalim na hininga ang ina bago sumagot. "Sa isang exclusive men's club na kung tawagin ay Eve's Apple. Pero disente naman ang trabaho niya roon kaya wala akong nakikitang masama sa—"

Napamulagat si Xander sa narinig. "Eve's Apple?"