*5*
Pain
Pagod kong pinagmasdan si Aro habang palabas sa isang convenience store at may dala-dalang supot. Ngayon ko lang din napansin na naka formal attire siya. Saan kaya siya nanggaling bago niya ako nakita kanina?
Pagkatapos noong nangyari ay pinasakay niya ako sa kanyang sasakyan at tumigil ng ilang sandali sa Centro. Hindi ko alam kung ano ang gagawin niya dito pero gusto ko sanang sabihin na uuwi na ako but I'm too shy to say it. Siya na nga ang naaabala ko ngayon, magiging demanding pa ako.
Nang makalapit sa kanyang sasakyan ay agad niyang binuksan ang pintuan at may inabot sa akin na isang mukhang lalagyanan ng kape.
Tahimik kong tinanggap iyon at agad naramdaman ang mainit na inumin sa loob niyon. Ilang sandali niya akong pinagmasdan kaya napatigil ako sa pag-inom doon.
"Let's clean your wound." Seryoso na sabi niya kaya napatingin ako sa sariling katawan para hanapin kung saan banda ba ako nagkasugat.
"Your knees and your right foot was bleeding." Untag niya nang makita na hindi ko mahanap kong saan ako banda nagkasugat.
Bumagsak ang tingin ko sa aking paanan at halos manlumo nang makita doon ang dumudugo na tuhod at isang paa ko sa likod na parte ay dumudugo na rin. Bakit hindi ko naramdaman ang hapdi kanina?
"Uh, this is okay. Salamat dito." Sagot ko sa kanya at winagayway ang binigay niya na kape sa akin.
"Anong gagawin ko dito sa gamot na binili ko?" He asked me kaya napayuko ako.
Galit ba siya? Napangiwi ako nang biglang tumunog ang cellphone niya na nasa dashboard ng kanyang sasakyan. Sinulyapan niya iyon habang nakatayo lang sa labas ng kanyang sasakyan. Napatingin rin ako doon at binasa ng tahimik ang pangalan na tumatawag.
Viola calling.
Viola? Iyong girlfriend niya na nakatapon ng iced coffee sa akin doon sa Fleurette? Siguro kanina pa siya hinahanap ni Viola sa isang event na dinaluhan nila? He's wearing a formal attire as if he attended a formal party or something.
Inabot niya ang cellphone doon sa dashboard at sinagot ang tawag. Tumalikod siya sa akin at sinundan ko siya ng tingin habang papalayo sa sasakyan at naglakad sa di kalayuan. He was seriously talking to the phone kaya napahinga na lang ako ng malalim.
We're not even that close and I hate him kaya hindi ko maiintindihan kung bakit ako sumakay sa sasakyan niya at sumama sa kanya dito. I don't know but I just wanted to be with him for a while.
Napatingin ako sa labas ulit at nanlaki ang mga mata nang makita sina Circe at Julio na bumaba sa isang sasakyan. They we're laughing habang papasok din sa loob ng convenience store. Umiwas ako ng tingin at bumagsak iyon sa tuhod ko na dumudugo.
This is so sad. Sad because I found out that I was so stupid dahil naniwala ako na totoo si Julio sa pag-imbita niya sa akin. Sad because I can't believe he can do that to me. We're friends simula elementary and he didn't even consider that, for the sake of our friendship sana man lang naisip niya na masasaktan rin ako sa mga ginagawa niya.
"Let's clean your wound para makauwi kana." Nagulat ako nang magsalita na ulit si Aro sa pintuan ng sasakyan.
Tumango ako sa kanya at sumenyas siya sa akin na bumaba ako ng sasakyan kaya dahan-dahan akong bumababa doon. Umikot siya mula sa kabilang pintuan para alalayan ako sa paglalakad. Napatingin ako sa likod ng kanyang sasakyan na nakabukas na. Umupo ako doon habang pinagmamasdan siyang kumukuha ng bulak sa supot at isang bote ng iodine.
"Baka gusto mong sabihin kung ano ang nangyari sa'yo?" He seriously asked habang marahan na nilalapat ang bulak sa sugat ko.
Napangiwi ako nang maramdaman ang hapdi doon. Napakagat ako sa labi habang iniisip ang lahat ng nangyari kanina bago niya ako nakita.
