Rodavlla Samiera University: The Unreliable |Completed|

CHAPTER 7: Infirmary

Kevin's POV

"JEFF?" sigaw nung isang babae.

"Sandy?" paglilinaw tanong naman ni Jeff. Teka, kilala niya ’tong mga ito o ’yong isang babae lang talaga?

Nagsitigil na ang lahat dahil dito kay Jeff.

Napatingin ako dito sa babaeng kalaban ko na ngayon ay nakatingin na kay Jeff sabay biglang tingin doon sa dalawang kasama niya.

’Yong Sandy naman ay parang naistatwa habang hawak ang kamay ni Kiel habang nakatalikod pa sa kaniya.

Tumahimik ang paligid ng ilang sandali.

Nagulat na lang ang lahat ng mapasigaw si Kiel dahil sa pagbali nung Sandy sa braso niya sabay tulak kay Kiel at umirap kay Jeff bago tumalikod para puntahan ’yong isang babae na nakaupo ngayon sa sahig.

Kinuha ni Kiel ang isang upuan at ibinato papunta sa direksyon ni Sandy para siguro makagati. Parang bata din ’yan eh, ayaw siyang malalamangan.

"HUWAG!" sigaw ni Jeff kaso huli na ang lahat dahil nabitawan na ni Kiel ’yong upuan.

Parang nag slow motion ang paligid.

Ikinagulat naman ng lang lahat ang pagtakbo ng babaeng kalaban ko kanina sa direksyon nung Sandy pero mas ikinagulat ko ng saluhin niya ang paparating na upuan na ibinato ni Kiel.

At dahil feeling hero siya, eh ’di siya ang natamaan dahilan ng pagbagsak niya sa sahig.

"AMIRA!" sigaw nung dalawang babae.

At nawalan na nga ng malay ’yong tinawag. Tumakbo ’yong dalawang babae dun sa Amira.

Lumapit din si Jeff dun sa mga babae, kaya nagsilapitan na rin kami. ’Di naman kami chismoso.

"Kasalanan niyo ito!" Pasigaw nung Zils.

"Amira?" Nagtatakang tanong ni Jeff at tumingin dun sa Sandy. Sino ba talaga itong mga ito at kilala ni Jeff?

"Sandy, ano ba ang ginagawa niyo dito?" tanong ni Jeff dun sa Sandy.

"Uunahin mo pa ba talaga ’yang pagtatanong mo? Wala ka man lang bang balak na tulungan kami para dalhin si Amira sa infirmary?" sabi nung Sandy kay Jeff.

"At kayo tutunga lang ba talaga kayo d’yan?" turo naman sa ’min nung Sandy. Feeling close? Nakipag away sila tapos manghihingi ng tulong sa inaway nila?

"Sandy, let's go. Dalhin na natin si Mirs sa infirmary. Baka mapaano pa siya dito." Sabi nung Zils habang naluluha pa. Duguan na din pala ’yong braso nito gawa dun sa nabasag na tasa dahil sa pagbato ko ng coke in can kanina, pero inaalala niya pa rin ’yong kaibigan niya. Ganito ba talaga sila?

Lumapit ako sa kanila at binuhat ’yong Amira.

Nagulat sila sa ginawa ko, ano bang nakakagulat dun eh binuhat ko lang nam---  teka bakit ko nga ba binuhat itong babaeng ito eh kaaway namin to? Ano bang ginawa mo Kevin? Hayst!

Kung nagulat sila, huwag silang mag alala dahil pati ako ay nagulat din sa ginawa ko.

"Ang tagal niyo kasi eh, nakakahiya naman sa inyo!" palusot ko na lang at lumabas ng Cafeteria para dalhin ito sa infirmary.

Nagsisunuran din naman sila.

Habang naglalakad kami ay nakukuha namin ang atensyon ng mga estudyante dito. Hindi ko na lang sila pinansin at nagdirediretso lang.

Nang makarating kami sa infirmary ay sinalubong agad kami ng nurse dito.

"Oh, Kevin anong nangyari?" Tanong ni Ate Nika.