Ruthless Desire

022

022

"Callum, gutom ka na ba? Sandali lang maluluto na din ito." Sigaw ko mula sa kusina.

Wala siyang pasok ngayon kaya nakahilata pa siya hanggang ngayon sa sofa habang nanunuod ng basketball sa T.V. Naisipan kong ipag luto siya ng pagkain tulad ng madalas ko namang ginagawa para sa kanya. Ang saya kasi sa pakiramdam nung may ipinag luluto ka at may inaasikaso ka. Nuon kasi si nanay ang palagi kong inaasikaso kaya lang di na yun maari ngayon.

Napasinghap ako nang may mga brasong pumulupot sa bewang ko mula sa likod. Ipinatong ni Callum ang baba niya sa balikat ko para silipin ang niluluto ko. Kagabi pa siya ganyan sa akin. Sobrang sweet niya at clingy. Kagabi nga sa kwarto ko pa siya natulog dahil hindi daw siya makatulog sa kwarto niya, ang sabi ko naman sa sala na lang ako pero ayaw din naman niya kaya hinayaan ko na lang na mag tabi kami. Siyempre ako naman naiilang pa din, bago lang kasi sa akin yung ganito eh. Pero ang sarap din pala sa pakiramdam kahit papano na may isang taong gusto kang kasama palagi.

Mahal na niya ba ako? Alam ko may nararamdaman siya para sa akin pero kasi hindi ko pa naririnig sa kanya yung salitang yun at ayoko muna mag expect hanggat di niya sinasabing mahal niya ako. Pero kung ako ang tatanungin.. Siguro nga mahal ko na siya. Wala akong alam sa pag ibig kaya hindi ako sigurado kung pag ibig nga ba talaga ang tawag dito. Pero hindi naman siguro ako mahihirapang iwan siya kung hindi ko talaga siya mahal di ba? Yun na lang ang ginawa kong basehan para masabi kong mahal ko nga siya.

"Hmmm. Ang bango naman." Aniya habang sumisinghot singhot. Natawa ako dahil hindi naman yung niluluto ko yung inaamoy niya kundi ako.

"Ang bango bango naman." Aniya pa. Napalakas yung tawa ko dahil nakikiliti ako kapag nag sasalita siya sa may leeg ko.

"Callum, wag." Natatawang pigil ko sa kanya nang ibaon na niya talaga yung mukha niya sa gilid ng leeg ko. Pilit akong kumakawala sa pagkakayakap niya dahil nakikiliti talaga ako sa ginagawa niya lalo na nang dampian niya ng mga maliliit na halik ang leeg ko.

"Callum, ano ka ba! Baka masunod tong niluluto ko!"

"I don't care. I just want you." Aniya. Napailing tuloy ako.

"Callum, isa!"

Bigla siyang huminto sa ginagawa niya, mabilis niya akong pinaharap sa kanya at muling ipinulupot yung mga braso niya sa bewang ko. Now, mas lalo ng nakakahiya ito. Pakiramdam ko nag iinit yung mukha ko dahil sa titig niya. Mag kasalubong ang mga kilay niya habang nakatitig sa akin samantalang di naman ako mapalagay sa pwesto namin. Pinipilit kong iwalay sa kanya ang tingin ko.

"What have I done to deserve you? Have I ever told you how fvcking beautiful you are? I wonder if you know how precious you are to me now, angel."

Hindi ko napigilang yakapin siya. Siya lang ang lalaking nag sabi sa akin nuon. Siya lang ang taong nag pahalaga sa akin bukod sa kanyang ama. Hindi ko akalain na may isang lalaking gaya niya mag mamahal at mag papahalaga sa isang tulad ko. Akala ko para sa lahat ng tao, salot ako. Na.. Malas ako. Yun kasi ang sabi sa akin ni itay nuon. Malas daw ako kaya kami mahirap. Mula daw ng dumating ako sa buhay nila ni inay, nag kanda malas malas na daw ang buhay nila.

Kumalas siya sa pagkakayakap ko at itinaas ang mukha ko paharap sa kanya. Agad nag salubong ang mga kilay niya nang mapansin ang onting luha sa mata ko. Napakagat ako sa labi.

"Bakit ka umiiyak?" takang tanong niya. Umiling iling ako bago ngumiti. Sobrang saya ko lang talaga. Ganito pala kapag mainlove ka sa taong alam mong may nararamdaman din para sayo, sobrang saya. Heaven.

"Masaya lang ako." Sagot ko na ikinataas ng kilay niya na parang pinag dududahan ang sinabi ko.

"Sige na Callum, taposin ko na muna itong niluluto ko. Duon ka na muna sa sala, pangako sandali na lang 'to." umiling iling siya at pinaharap ako sa niluluto ko bago siya muling yumakap sa akin mula sa likod ko.