Ruthless Desire

048

048

K A T H

Kumunot ang nuo ni Callum sa sinabi ko pero nanatili lang siyang tahimik at hinihintay ang susunod kong sasabihin.

"Nung araw na iniwan kita, umuwi ako sa hacienda. Ipinag tapat ko kay Chris ang totoo na nagkaruon tayo ng relasyon. Sinabi ko dinsa kanya nuon na gusto ko nang taposin ang ano mang namamagitan sa amin pero nagalit siya..."

Hindi ko alam kung kaya ko pang ipag patuloy yung kwento para kasing bumabalik ang lahat ng takot ko nuon habang kinukwento ko sa kanya ang totoo.

"Hindi siya pumayag na umalis ako. Ikinulong niya ako sa kwarto at sinaktan. Minaltrato niya ako kagaya ng pag mamaltrato na ginawa sa akin nuon ng ama ko. Ipinaramdam niya sa akin uli yung impyernong pinanggalingan ko. Hindi lumipas ang araw na hindi niya ako sinasaktan. Ilang beses akong nag makaawa sa kanya pero hindi niya ako pinakinggan. Pinahirapan niya ako.." Sunod sunod na nagsipag landasan ang mga luha sa mga mata ko.

"Hanggang sa unti unti din akong manghina. Di ko alam kung anong gagawin ko. Wala akong magawa. Hindi ako makahingi ng tulong dahil hindi niya ako pinapabayaang makalabas ng kwartong yun. Akala ko duon na matatapos yung buhay ko.. Unti unti na akong nawalan ng pag asa. Hanggang sa malaman kong buntis ako. Pinilit kong mag pakatatag para sa bata, para sa anak natin. Hindi ako pwedeng sumuko para sa baby natin kaya tiniis ko lahat iyon Callum. Tiniis ko ang mga pananakit na natanggap ko sa kanya. Hanggang sa magkaruon ako ng pag kakataong tumakas. Pinilit kong tumakbo ng mabilis kahit ang sakit sakit na ng tiyan ko. Takot na takot ako nun kasi akala ko nakunan na ako pero gaya ko lumalaban din ang anak natin. Kumakapit din siya Callum. Nang isilang ko siya ay nag pakalayo layo na ako. Sinadya ko ding mag palit ng pangalan para masigurong hindi na kami masusundan ng iyong ama. Binuhay ko si Nicholas nang mag isa kahit walang wala ako. Siya ang nag bigay ng munting pag asa sa puso ko Callum. Sobrang saya ko nung unang beses ko siyang makita."

"Sabi ko sa sarili ko, mabuti na lang hindi ako sumuko. Dahil kung sumuko ako nun, wala si Nicholas ngayon. Inilaan ko sa kanya ang buong buhay ko. Binuhay ko siya mag isa at binigay sa kanya ang lahat ng makakaya ko. Sorry hindi ko na naisip na ipakilala siya sayo dahil nilamon na din ako ng takot ko nun."

"Kaya lang bigla siyang nagkasakit kaya kahit natatakot lumuwas ako ng maynila para duon siya ipagamot. Nag hanap din ako ng trabaho para may maipambili ako ng gamot ni Nicholas at pambayad na din sa doktor. Hanggang sa mapasok ako sa isang club kung saan muli kitang nakita."

Tumutulo ang mga luha niya habang nakikinig sa kwento ko. Nanatili siyang kalmado kahit alam kong gusto na niyang mag wala. Tumikom ang mga palad niya hinawakan ko ang mga iyon upang pakalmahin siya.

"Naisip kong sabihin sayo ang tungkol kay Nicholas kaya lang natakot din ako. Natakot ako na baka kunin mo siya sa akin. Hindi ko kayang mawala ang anak ko. Hindi ko kayang mahiwalay sa kanya. Siya lang ang mayroon ako nuong mga oras na yun kaya hindi ko kakayanin kung pati siya mawawala sa akin. Nung inalok mo ko ng milyon kapalit ang mag karuon ng anak puamyag agad ako dahil kailangan na kailangan ko talaga ng pera para sa pag papaopera ni Nicholas. Isa pa wala namang kaso sa akin ang maging ina ng magiging anak mo. Ikaw lang ang tanging lalaki na minahal ko at ang tanging lalaki na pag aalayan ko ng sarili ko kaya pumayag ako kaagad. Kaya lang nung okay na ang lahat. Nung napa opera ko na si Nicholas biglang bumalik yung bangungot ko. Biglang nag balik si Chris. Pinag bantaan niya akong muli kaya napilitan nanaman akong lumayo. Tyaka ko lang nalaman na buntis na pala ako ulit. Tumupad ako sa usapan, ibinigay ko sayo si Katherine. Akala ko kasi nuon yun lang talaga ang gusto mo. Hindi ko alam na mahal mo pa pala ako nun. Kung alam ko lang Callum, hindi na sana kita iniwan ulit. I'm so sorry Callum. Sobra kong pinag sisihan ang lahat. Sana pala nuon ko pa sinabi sayo itong lahat."