Sinner Seth (COMPLETED)

13 Biloy

Seth POV

Gusto kong umatras mula sa pagkakatayo ko malapit sa batis na kinaroroonan ni Neri pero hindi ko maigalaw ang paa ko. Natulos ako sa pagkakatayo doon at pinagpawisan ako ng malamig.

Putangina!

Mahinang mura ko pagkakita sa nagtatampisaw na dalaga. Ang maganda niyang mukha ay animoy mapang akit sa aking paningin. Ang mapula niyang labi na nakangiti ay animoy nang aanyaya ng halik. Ang biloy niya sa magkabila niyang pisngi na lumitaw ay lalong nagpapakabog ng dibdib ko.

At ng bumaba ang tingin ko sa katawan niya ay tuluyan ng nalaglag ang panga ko. Ang puti niyang damit ay wala ng iniwan para sa imahinasyon. Bumakat iyon sa itim niyang panloob na ukab na ukab sa mayaman at pinagpala nitong dibdib. Kapit na kapit din ang basang damit sa bawat kurba ng katawan ng dalaga at masasabi kong siya na yata ang may pinakamahubog na katawan na nakita ko sa buong buhay ko.

Putangina talaga! Hindi ka manyak Seth! Itigil mo ito!

Hindi ko tuloy mapagtanto kung magagalit ba ako dahil nakuha pang maligo ng babae sa sitwasyong hinahabol kami ng kaaway o dahil hinahabol ko ang hininga ko sa pag-iinit ng katawan ko dahil sa paliligo niya.

Anak ng puting tupa! Kailangan ko na talagang ibalik ang babae kung saan man ito nagmula! Pero unahin ko munang pakalmahin ang junior ko!

Napahawak ako sa sentido ko at pinipilit maging kalma ang katawan ko. Hindi lang ang ulo ko ang pumipintig ng todo. Pati na din ang ulo sa baba ko ay nagwawala. Sunod sunod na buga ng hangin ang ginawa ko sa bibig ko at ng pakiramdam ko ay pwede na akong humarap ay doon lang ako muling lumakad palapit.

Malakas akong tumikhim pero hindi ko siya tinitignan, dahil kung titignan ko siya pakiramdam ko bibigay na ako at baka ako ng gumahasa sa lintik na babae.

"Kainin mo na itong mangga at saging. Aalis na tayo." Malamig na aniko sa kanya, nilapag ko ang prutas sa batuhan at pagkatapos ay mabilis din akong tumalikod at nagpakalayo layo.

Naupo ako sa bandang dulo ng batis para hindi ko natatanaw ang dalaga at doon ay muli kong sinabuyan ng tubig ang mukha ko. Idinamay ko na pati braso at dibdib kong nang-iinit. Gusto ko din sanang maglublob sa batis sa pag-iinit ng katawan pero mababasa lang ako na alam kong hindi mawawala ang init na ito hanggat nasa pangangalaga ko ang babae.

Umpisa pa lang ay alam ko ng malakas ang dating ng dalaga sa akin kaya umpisa pa lang ay hindi na ako lumalapit sa kanya. Ramdam ko iyon sa bawat himaymay ng balat ko at bumubukol kong pagkalalaki tuwing nagkakalapit kami. At dahil sa mga kadahilanang iyon kaya dumidistansiya ako sa kanya noon, na ngayon ay naging parusa dahil sinusubok ang tatag ko sa bawat pagpasan, bawat pagkarga, bawat pagyakap, bawat pagdidikit ng katawan namin at bawat pagtitig sa akin ng dalaga. Isa siyang nakakabighaning parusa. Ang parusa gusto kong pagdusahan pero hindi maari.

Hinilot kong muli ang ulo kong sumakit, kung pwede nga lang pati ang nasa ibabang ulo ko ay hilutin ko din para mawala ang pananakit. Pero hindi ako ganon, hindi ako makamundo pero tuwing nakikita ko ang dalaga ay gusto ko na lang makalimot at gawin ang lahat ng gusto ko sa kanya. Tinignan ko ang nakabukol sa aking harapan. Mahinang napamura ako dahil halatang halata pa din iyon. Sakit ng puson ang abot ko sa lintek na babae.

Napabuntong hininga ako at napailing. Kahit kelan talaga ay sakit sa ulo ang dala ng mga babae sa buhay ko.

Ramdam ko ang paglapit ni Neri sa akin. Kahit yata ilang dipa pa siya ay mararamdaman ko ang presensiya niya. Ganoon kasi kalakas ang pakiramdam ko sa kanya. Inayos ko ang sarili ko at tinakpan ng t-shirt ang aking maumbok na pangharap.