Dear Future Boyfriend

Entry #36

Dear Future Boyfriend,

Ang sabi ni Mr Creeper (tawag ko sa txtmate ko) maganda at matalino raw ako. Noong una hindi ako naniniwala pero sabi naman nina Mama at Ashleen maganda raw ako kaya kahit paano naniwala ako. Pero yung matalino? Medyo alanganin eh. Pero nung pinaliwanag sakin ni Mr Creeper na may alam daw ako na hindi alam ng iba, o magaling daw ako sa pagbe-bake at may goal ako sa buhay ko, pakiramdam ko lumutang ako sa ere.

Alam mo ba yung pakiramdam na pinupuri ka ng isang tao, na deep inside alam mo na may katotohanan yung sinabi nya? Na hindi nagmula sa wala yung sinabi nya? Kasi alam nya ang pangarap ko. At ilang araw palang kaming magka-text pero kilalang kilala na nya ako. Pakiramdam ko naiintindihan nya ako. Ang lalim nya mag-isip pero ang dali nya magpaliwanag. Siguro kung naging teacher sya, walang babagsak na estudyante sa kanya. First time na humanga ako sa isang lalaki na hindi ko pa nakikita.

Pwede pala yun? :O

Love,

Kayleen