عمياء القاسي

بارت 11

♡ وما طال الغياب الا ليتنظرك القلب ♡ ..
الجزء 11 من
#رواية : 🔞عمياء القاسي🔞
#للكاتبة: Sanae El idrissi
#__قربان___عشقي_لكي..
تحل لباب .. كانت لحالاه مرا كببرة وكتبان الطيبة والحنية فنظراتها .. تبسمات وحولات عينيها للسلة والغيثار اللي فالعتبة وتحنات هزاتها وبيديها جرات شدى من يديها مدخلاها ..
شدى: (كتنطر يديها) ماما راه كنمشي فزنقا راسي وفدار تبقاي شادا فيا هكا؟؟ راني (بنرفزة) ولفت ولفت
طلقاتهاا من يديها وسبقاتها مدخلا السلة والغيثار بينما شدى حطات عصاتها حدا لباب من الداخل ورجعات سداتو .. وتمشات طالقا يديها قدامها توريها الطريق ، دخلات للمطبخ و قربات منها تابعا ريحتها كتعكل فخطواتها توصلات عندها ضورات يديها على خصرها وبتاسمات
شدى: مال لفنون تاع الدار؟؟ مقلق مني؟؟
دارت عندها بحزن حاضياها ومسحات يديها لفيهم الصابون وحطاتهم على خدها بحنان تنهداات مطول بلما تكلم عطاتها بالظهر رجعات كتغسل لماعن فلفابو
اسم شدى متسماش عن فراغ انما تيمونا باسم امها شادية ،هي مثال للام الحنينة بقلبها البيض .. المسبقة مصلاحة وراحة ولادها عليها هي .. من ديما كانت سند لعائلتها وحضنهم الدافي وابدا مبخلاتش بدفئ صدرها عليهم .. هي نسخة على شدى بعد عشرين عام ، كتشبه لها بزاف لدرجه ممكن تغلط بيناتهم لو خديتي صورة لها وهي فعمر شدى
امكن هدا هو السبب لمخليهاا ديما حزينه رغم ضحكتها لباينا امكن هي الوحيدة لحاسا بضحكة وابتسامه شدى المزيفة ..
فعمرها 48 سنة ، تقاسيم وجهها كتحيل للجمال الفطري.. ببشرة بيضاء وشفار خفاف .. وعيون بالاخضر الغامق وخدودها موردين طالعين مع بعض التجاعيد فوجهها .. اللي كتبين انها مراة دات وجابت فالزمان والمشاكل والاحزاان ..
تنهدات شدى بحزن وحطات دقنها على كتف شادية وهي بقا مضورة يديها على خصرها : سمحي ليا اماما حينت هضرت معك هكا (بضيق سكتات لدقايق) وليني نتي كتحكي على لجرح اماما بقد مانتي بيتي تعاونيني بقد ما انا كنتعدب ، راني كنتازم (تنهدت بحزن) كنكره الشفقة براكا غي الناس كيشفقو عليا واش غاتزيديني حتى نتي؟؟
ضارت عندها شادية كتبكي بسكات باش متحسش بيها: ممقلقاش منك (حطات يديها على حنكها) وجهك طايب كنقولك متباقيش تخرجي ورا العصر
شدى: (تنهدت) هانتي كتبدلي الموضوع ، من ديما كنخرج فهد الوقيتا (مداات يديها كتقلب فيدين شادية تجمعاتهم بين يديها) شوفي اماما ، دازت تلت سنين على لوقع خاص تقبلي بلي بنتك عميا مكتشوفش وفنفس لوقت خاص تقبلي بلي بنتك مكتحملش ليشفق ولا يتعاطف معها ولا حتى ليعاونها....