♡ وما طال الغياب الا ليتنظرك القلب ♡ ..
الجزء 79 من
#رواية : 🔞عمياء القاسي🔞
#للكاتبة: Sanae El idrissi
#____للانتقام___وجه___اخر__
كبورة : هااو دير الخير يرجع لك بومزوي هي ديالنا هااو كنت غاترفسني تحت روايض الطووبيل ووو هااو سخفتي وجبناك لدارنا وتهلييت فييك هاو بنتي دريسية خرجات فهد الحرنا جابت المخينزة ودكاتهاا هاو لبقناها لك وحطينا لهم تا مول لخير ماياكلو ها اتاي ها بوشياار
قاطعاتها دريسية : لااا يامي حطيت المسمن ..
كبورة : هااو فحال فحااال هاو قلت لك حطينا لفاكية هاو باش تعرف معزتكم هد لفاكية ديال وليدي الفاطمي راه فالخارييج ياوخبيتها له من عاشورا يااوجيتو وحطيناها لكم هاو زبدة لبلدية هاو لعسل هااو تردو لنا لخير بتهجوووووم ووو
خسر سيفتو مفهم والو منها ورجع كيشوف فعبد الله : حناا فين بالضبط ؟؟
كبورة : الوداايا
نزار : فين بالضبط ؟؟؟
كبورة : هااو قرابين المزوضية يااوه محسوبين على شيشاوة هنا جا بين مراكش والصويرة
نزل السلاح وخلاه فيديه : بشحال بعدنا على مراكش؟؟
كبورة : هااو منعرف اوليدي ولكن راكم قراب لشيشاوة هاااه هاووسيرو كاين سباايطاار وحناا فرقوونا عليكم
خشا الفردي فخصرو تحت سروالو وشاف فيوسف : فين بقات لوطو ..
دور عينو جنب بلما يجاوبو حك لحيتو كيهدن راسو صابر عليه وشاف فعبد الله : فين اللوطوو ؟؟
عبد الله : مزال مجاوبتينييش شكوون نتااا
نزار : ماشي وقتو المهم خااصنا نخرجو من لبلاد فاقرب وقت تماك غانكون فامان كتر مكاينش ليتجرأ يقيسكم فمملكتي
بوشعيب كيوشوش ليوسف : هااو هداا ملك وووو
يوسف : هدا هو بوصمة لغايزهق روحك ابن لعروبي (عض فمو) دبا ننن
نزار كيشوف فيوسف : فين تيلفوني؟؟
تفكر يوسف لاتصال : كككككك كك كككككك
رجع جبد الفردي ووجهو ليه : فيييين تيلفوني
يوسف: ك ك كااااين فطموبيلتك
نزار : سير جييبو
يلاه غايهضر وهو يخنز فيه يوسف غا شاف تخنزيرتو وهو ينوض كيجري خاررج مخليهم متبعين ليه العين كسر عبد الله الصمت وهو كيشوف فنزار بخدلان كبير ممزوج مع بحة حزن فصوتو المؤلم
عبد الله : شنو درناا لك ؟؟ شنو غرضك مني ون عائلتي
هز نزار راسو ببرود : العميااااء كان غرضي موتها ولكن تيقني غرضي حمايتها دبا
زيرات شادية على بنتها بخوف بينما عبد الله وقف قدامو بتحدي
عبد الله : بنتي قااد بهاا ونتاا مدخلكش فيها ولا فحمايتها
نزار : ادن نتا غاتمووت باش يولي عندي دخل فيها
وجه لييه المسدس وهو هاز حاجبو ببرود مخلي الكل مخرج عينو من هول المنظر.....
ČTEŠ
عمياء القاسي
Akčníتحت عنوان:🔥#عمياء_القاسي🔥 للكاتبة: 🔥#Sanae_El_idrissi🔥 كانت ليلة مظلمة بزااف الشتا خيط من سما وعااصفه قويه مخيمه المديينه ومزاال مهداات ، حركه سير معطله بزااف والسيارات مستفيين على الجهد، الظلاام كثييف وشتاا كثف منو كاان جاالس فرومبا وضام رجلييه...
