عمياء القاسي

بارت81

♡ وما طال الغياب الا ليتنظرك القلب ♡ ..
الجزء 81 من
#رواية : 🔞عمياء القاسي🔞
#للكاتبة: Sanae El idrissi
#____للانتقام___وجه___اخر__ 

جالسا برعب كضور فعينيها يمين وشمال الخوف مسيطر وباين على تقاسيم وجهها المرعوبة من حضورها مرة ثانية لهد المكان
مكان موحش تشتم فيه رائحة الاجرام من بعيد ، وسط نفس الملهى الليلى جالساا وفيديها كاس دروج وقبالتها جالس جوني مشابك يدو .. تمتمات بخوف وفيديها ظرف كبير ومنفوخ
جاكلين : هدي 400 الف دولار ، ثروة شكون فحالك؟؟
جوني وهو حاضي جنابو : هد الثروة باش غاتنفعني الى فقدت روحي !
جاكلين : الى عاونتيني غادي نهنيوك  من هداا لخايف روحك تزهق بسبابو (مسحات لعرق من جبينها وهزات راس لكاس دروج) حناا ورانا ناس صحااح صحااح ليقدوو يديوكم كلكم فين ترباو
جوني : على اساس ثايغر لقمة ساهلة لكم !!!
هزات حجبانها كتبتسم : سميتو ثاايغر  ..  زييد شكوون يكوون ؟؟
هزات راسها :  انا مزال منسيتش تصرفك معياا .. من ديما انا كليان  مربح لك كناخد عندك سلعة بفلوس صحاح وفاول فرصة بعتيني وخليتيه يخطفنا مع دلك نسيت والدليل جايا كنعرض عليك مبلغ عمرك تجنيه عمرك كامل ، كان ممكن نمشي عند اي واحد فهد الحي الحقير ولكن انا اختاريت جووني (تبسمات باصطناع) حيت كنعزو (شدات فيدو) وعندو بلاصة كبييرة فقلبي وهو اولى بهد الفلوس
تبسمات بمكر وهي مرااقباه كيمسح جبينو بتوتر مرة ينزل عينو ليديه لشادا بيديها مرة يمشيو لظرف لفيه لفلوس
جوني : ثايغر هو الوريث ديال " خوسي ديكابريو"  باه هو الاب الروحي ديال هد لحي (ضور راسو فجنابو بتوتر) من ام مسلمة واب مسيحي باه هو الراس الكبير دالمافيا الامريكية هو صقر ديكابريو الوريث الوحيد لممتلكاتو ومنظمتو الاجرامية (حط يدو على ظرف وبعد من يديها ) فكرة الانتقام حيدوها من بالكم  ،  هدا ملك عالم الجرييمة هو التحدي الصعب المنال
جاكلين : ضرووري متكون عندو نقطة ضعف هممم!!
جوني : خوسي قتل مرتو بسبب انها خانتو وهددشي وقع قدام ولدو فنظرك انسان شاف فمو كتقتل قدام عينو غايكون قلبو مفتوح لشي حد وتكون عندو نقطة ضعف؟؟؟
جاكلين :(جبدات ظرف اخر من صاكها) هدي 100الف دولار (كحزاتها ليه فوق الطبلة) الى معندوش نقطة ضعف اكيد عندو عدوو؟
جوني وهو كيضور راسو يمين وشمال: قبل ربع سنين وقع مشكل بين المافيا لامريكية لمتزعمها ثايغر وبين المافيا الروسية ... تفاصيل هدشي معارفهمش لعارف ان المافيا الروسية مسكتاتش وهاجمات الثايغر ضربوه بالرصاص ولكن نجا منها من تمك خدا قرار انو يسلم زمام الامور لصقر فحالة نجحو فاغتيالو امبراطوريتو غاتكون لصقر
جاكلين : والطرييق باش نوصل للمافياا الروسية ؟؟
جوني : نتي اكيد حمقة (غوت ) نوضي من قداامي.....