عمياء القاسي

بارت 52

واقف داير رجلو على الجدار مراقبهم بعينيه كلهم كيمشيو ويجيو ،احساس فشكل انك تشوف الناس كيخافوا عليك يتهولو عليك ولو احتاجيتي حياتهم بلا تردد يعطيوها لك ، هو تحرم من هد الاحاسيس وتحرم من حضن العائلة الدافي هز يدو وسرحها وشاف فالوشان يا اللي فيها اخر تدكار ليه من الليلة المشؤومه يا اللي خسر فيها عائلتو وكل ماعندو ، كان وشم على شكل جمجمة ملوين عليها سناسل ، دوز عليه يديه بحقد كيمرر صباعو،بقدما عاقل على يد صاحب الوشم بقدما باغي يرسخو فداكرتو وابدا عمرو ينساه واكيد هد الوشم غايوصلو للشخص يا اللي دمر حيااتو ..
على لخمس ساعات دازو اربع ساعات خرين وبلا ملل او كلل عبد الله باقي كيضور غادي جاي اما شادية جهدها ضاع فلبكا ونواح حتى تهدات وعيات وتكات على يوسف لمعنقهاا كيواسيها ويهدنها وهو براسو خاص ليواسيه ...
تحلات غرفة العمليات وخرج منها الطبيب مع بعض الدكاترة خرين كيحدو الكمامه على وجههم جابد منديل كيمسح جبيتو واتجه عندهم هما بمجرد ماشافوه تقدمو عندو شادية معغزا على يوسف لشادها ونزار لسابق عبدالله ولستفسر اول واحد فيهم : كيف بقاات ؟؟؟
الدكتور : كانت هدي من اصعب العمليات لدوزت طول سنين خدمتي ، للاسف الرصاصة جاتها فبلاصة خطيرة فالحنجرة بمشقة الانفس قدرنا نجبدوها لكن وقعو مضاعفات وسط العملية
سكت لوهلة مخلي نزار كيشوفيه ببرود بدون اي تعبير بينما عبد الله تقدم عندو وبدون شعور شد ليه فالكول : ليخليك اسيدي كمل قولي بنتي عايشة
شادية كتبكي فحضن يوسف مقاداش تهضر خايفا تسمع خبار ممكن تقتلها ،شد نزار عبد الله مبعدو على الطبيب : كمل ومن بعد؟
الدكتور: فالصراحة اسيدي وقعو لنا مضاعفات اثناء العملية المريضة قلبها وقف من بعدما حيدنا لها الرصاصة بسبب ديق فالتنفس ،فاضطرينا نديرو لها "Tracheotomy "
شادية : ش شنو هدااا هئ هئ
الدكتور : يعني ثقب فالقصبة الهوائية ، وهي عملية جراحية عبارة عن ثقب في الرقبة كينفد للقصبة الهوائية وكيسمح بدخول وخروج الهواء لداخل الرئتين باش لمريض يواصل عملية التنفس، في حالة عدم القدرة على التنفس من خلال المسارات الهوائية الطبيعية
نزار : عطيني الاهم
الدكتور : حاليا حالتها مستقرة هد 48ساعة لماجية فين نقد نستنتج مدى ثاتير هد العملية عليها .. لنقد نقول انو من ورا ما تفيق غادي يكونو مضاعفات كثييرة منهم متقدش تاكل متقدش تهضر متقضش تتنفس بلا جهاز التنفس الحياة غاتولي صعيبة نوعًاما لكن هدشي مؤقت وبالشفاء انشاء الله
شادية : بيت نشووفها هئ هئ ليخليك
الدكتور : نقلناها للعناية المركزة ممنوعة الزيارة حاليا الالة

عنقات شادية يوسف كتبكي مدات والو من هضرتو غير انو بنتها نجات منها ورجعات لها ، اما عبد الله فدمووع الفرحة غلبووه وهد لمرة بلما يبعد ولا يتخبا طيحهم كيضحك وتلفت بان ليه نزار متبع الطبيب والطاقم لمعاه بعينيه غاديين محسش براسو حتى جرو لحضنو معنقو وكيطبطب على ظهرو بامتنان ووفمو حاجه وحدة ليرضي عليك.......