عمياء القاسي

بارت 45

♡ وما طال الغياب الا ليتنظرك القلب ♡ ..
الحزء 45 من

#رواية : 🔞عمياء القاسي🔞

#للكاتبة: Sanae El idrissi

#__قربان___عشقي_لكي..

تنهد حاط يد على لفلوولون ويدو الثانية حطاها على السماعة وعينيه مرة فالطريق مرة ف عبد الله لجالس حداه بصوت غاضب بالنجليزية كيهضر مخلي عبد الله منزل حاجبو مفاهم والو ، هو وخا كان فالخدمة العسكرية الا ان لغتو الانجليزية منعدمه حيت فالقديم كانو كيدخلوهم للعسكر بلا نيفو : كفااش ميمكنش (بالغوات ) انا كنعلمك ماشي كناخد ادنك
ضور عبد الله عينيه حاضيه كيغوت ورجع عينيه للقدام  حاضي للاسعاف سابقااهم وحدر عينيه بحزن
نزار : ( بالانجليزية ) نتااا مرادك من هدشي كولو الكلية وانا كنواعدك غادي نجيب لك كلية اشنو اللي معاجبكش فعرضي اعبد المجيد ؟؟؟

فشيكاغو .....  كان وااقف عبد المجيد بتكبر هاز رااسو مقابل معها من الزاج مسطحة فوق السرير  وقناع الاوكسيحين على وجهها وكطلع النفس بصعوبة وهي مراقباه من الزاجة ..

عبد المجيد :  بنتي كتموووت كتفهم منقدش نشوفها كتموت قدامي ديرها فبالك (بصوت غاضب) ياك نتاا الوحش اللي بلا رحمة شنو المميز فهدي حتى تراجعتي على قتلها ؟؟

نزار:(حك دقنو وشاف فعبد الله لمافاهم والو فهضرتو)  مافيها حتى حاجة مميزة .. الامر ومافيه اني بيتها تعيييش
عبد المجيد : نتا خديتي لفلوس
نزار : مستعد نرجعهم لك وبضوبل
عبد المجيد : شنوو سبب هدشي كلوو.. علاش فاخر لحظة تراجعتي؟؟  وعلاش هدي بالضبط مضربتيهاش للراس؟؟

سكت نزار منزل حاجبو بينما عبد المجيد استأنف كلامو :  قبل منكون عمدة دالمدينه انا مغربي ابا عن جد ، ونص المغرب تحت الامرة ديالي ا نزار السليماني .. تحركاتك كلها كتوصلني اول باول ، بما فيهم انك دباا جالس فسيارتك مع باها وغاديين بها لمستشفى خاص
غمض عينيه بقلة صبر وجمع يدو على شكل قبضة  :  معندك معها حتى عداوة شخصية ، هدفك فقط كليتها وانا مستعد نجيب لك كلية وفاقرب وقت
عبد المجيد : الوقت هو لمعننديش ، وبما انو موتها كيساوي حياة بنتي وحياتها موت بنتي ، فولات عدوتي
نزار : فاقرب وقت غادي نجيب لك الكلية !
عبد المجيد : شنو اللي بدلك   ؟؟  فين المونستر لمكيحنش؟؟  ياك حياتك كلها محورها الصورة المكان والفلوس علاش طولتي مع  وحده كفييفة ؟
شاف نزار ف عبدالله ورجع نظرو للطريق : بلا سبب ، بيتها تعييش ونتحداك دير لها شي حاجه
عبد المجيد : ادن من ليوم طريقنا مختلفة انزار
نزار : نتاا لكتحاول تخلينا اعداء ، قلت لك مستعد نجيب لك كلية خليني نتكلف بهد القضية
عبد المجيد : معنديش سبب ليتسنا كلية اخرا وانا لقيت كلية ، العمياء المغربية غاتمووت ليوم قبل  غداا وعد مني
نزار : كتحدااني؟؟
عبد المجيد : كنقد بنتي
نزار : تيق فياا ونقدوهم بزوج
عبد المجيد : مكيهمني حتى حد من غير بنتي ، العمياء غااتموت ليووم .. قتلتيها نتاا ولا غيرك ليوم غاتموت
بحواجب منقضة انسطالا اللوطو قدام مستشفى خاص كانو وصلو وبشر حول عينو للاسعاف لوقفاات وخرجو منها المسعفين كيحلو لباب الوراني : ادن شريتي عداوتي
عبد المجيد : نتاا لخنتيني ..  (هز راسو بعجرفة ) العمياء غااتموت
نزار :  ادن مرحبا بك فقائمة الضحايا ديالي(لاح السماعة بنطرا)

☆☆☆☆
كنتسنا آراءكم