عمياء القاسي

بارت90

♡ وما طال الغياب الا ليتنظرك القلب ♡ ..
الجزء 90 من

#رواية : 🔞عمياء القاسي🔞

#للكاتبة: Sanae El idrissi

#____للانتقام___وجه___اخر__

كاين ليتيم الوالدين وكاين ليتيم الحضن الدافي والحنين لكن حنا فهد الزمان قدام يتامى الاخلاق والضميير  ..  كاين لتعدات عليهم الدنيا وبسيف الغدر طعناتهم ، وكاين يا اللي قسات عليهم هي وناسها وبابشع الالقاب لقبااتهم  .. 
كاين لقبل بنصيبو وقال حمدلله  انا عبد مؤمن ومصاب وكاان ليتحدى قدرو ورجع بلاصة الضربة ضربتين  .. 

كاين لحدر راسو وقال ربي معين ياخد حقي هنا قبل لهيه ، وكاين لللي لاستسلام هرب من بابو وخدا دور القصاص  ..   مأمن بمقولة العين بالعين والبادي اظلم !  ناسيين انو من غير الخالق حتى حد معندو حق العقاب حتى حد  ..

هدا حال الكل وحال الاحوال  ..  بعد مرور يومين بسوايعها مشاكلها احزانها ودقايقهاا .. تنهدات بحيرة وهي حطا راسها على الزاجة دلوطو شادها عبد الله من يديها وحداها من الجهة الثانية شادية بينما يوسف جالس لقدام حدا السائق اللي بدورو سايق بيهم على طول الارض القاحلة وبعينو حاضي السياراات السوداء يا االي مصافين يحميو العميااء وكلشي فسبييل القاسي يهون

عبد الله :(شاد فيديها) انا عاارف بلي لدزتي منو صعيب ابنتي ، ماشي ساهل علينا نتيقو فقتال ومن لفوق لحاول يقتلك .. لكن معندنا منديرو معندناش البدييل هو الوحيد لقادر يحميك هو الوحيد
بحزن ميلات شفايفها ورجعات تنهدات ..   مكرهااتش تهضر تفش قلبهااا تعايرو تقتلو كااع وتبرد نار لفقلبها ..  كفاش انسان حاول يقتلها ومفروض عليها دبا تتحاك معااه ..
نتوماا ممجربيينش معشتوش لعشت ، صوتو كيضرني فادني وريحتو كتخنقني قربو كيدبحني ..  انا كنموت بدال لمرة الف مرة وانا قرييبة ليه علاش مكتفهمووش علااش  

بكااات بالم فداخلها وبعجز مقاداش تخرج صوتهاا ..  كانت حاايرة فالوان الدنيا لتحرمات منهم ومراضياش بقدرها ويوميا تلوم مكتابها وتقول علاش انا من دوون الكل  .. محمداتش الله ومقالتش هدا مكتاب الله ومحدنا فالدنيا محدناا غادي نتعرضو لاختبارااات ربحتيهم راك من المهتدين مربحتييش راك من الخاسرين وشكون عرف ممكن تخسر كتر من لخسرتي

عضات على شفايفها بالفقصة وحيدات يديها من يدين عبد الله وزيراتهم بزوج كترد اللومة على رااسها وفبالها حاجه وحدة .. ربنا كيعااقبك حيت مرضيتيش بلقسم عليك الله وفبلاصة تكوني عمياء وليتي بكماء المووت حسن لك اشدى مووتي وتهنااي !!

قاطع سلسلة افكارها يوسف وهو كيشوف فالسائق وعينو مرة مرة كتفلت لطريق لعامرة كارد على طولها وعرضها عاد السيارات لمرافقينهم : واش القتييل مربح لهد الدرجة؟؟
شاافيه السائق ببرود وزاح بنظرو للطريق بدون مايعير لسؤالو اهتمام بينما يوسف تلفت عندهم داير يدو فوق الكوسان دسائق ومفرق رجليه

يوسف : اااااايه جاات معه هدا على هد الحساب قريب نقولو لو ليطووووول بعمرررر سيدي لملك ومدايرش كاع هد الكارد فطرقاان ايه ديرها الفلوس