عمياء القاسي

بارت 40

♡ وما طال الغياب الا ليتنظرك القلب ♡ ..
الجزء 40 من

#رواية : 🔞عمياء القاسي🔞

#للكاتبة: Sanae El idrissi

#__قربان___عشقي_لكي

داوه للاصلاحية حتى كمل 18 لسنة وطلقوه ..هد الموضوع بالضبط سري معنديش معلومات عليه اللي قدرت نعرف انو شخصية مرموقة فالمجتمع وعندها نفود توسطات ليه .. بقا فالشارع مع المتشردين فترة قصيرة كان عندو مشكل مع واحد شرطي المرور فدك البلاصة فين كيكونو المتشردين ، فليلة كانو  مجمعين تماك كيسكرو جا لهم داك الشرطي كيضربهم هرس قرعة ديال الشراب وبزاجتها دبحو من تماك غبر ليه الاثر واختفى  لكن غبرات بنت معاه

صقر: بنت  ؟؟؟
كارلوس : لقدرت نعرف انها قريبة ليه بزاف ومنين هرب هربها معاه بشي طريقة قدرو يدخلو للحدود الامريكية بطريقة غير شرعية طبعا وبعد مدة وفسن العشرين سنة ولات عندو ثروة كبييرة وقدر يدير وراقو وخدا حتى الجنسية الامريكية وتبنى دك البنت قانونياا  (حط ليه صورتها) فردوس السليماني .. نقطة ضعفو الوحيدة ..  كيخاف عليها لدرجه مغبرها على الكل ، وللان مقدرتش نعرف العنوان فين ساكنة .. لقدرت نعرف انها كل ماعندو مبعدها على عالمو منين تعمقت بالتحري عليه لقيت بلي عايش فقصر خارج عن المجال الحضري ، وميمكنش لاي واحد يدخل ليه مطوق بافضل حراس الامن واقواهم يعني امكانية الهجوم على قلعتو صعيبة اللي شغل بالي هو علاش ختو مبعدها على قصرو واللي هو بلاصة اكثر امان لها ..

حك دقنو وهز حاجبو : ممكن يكون بيبعدها على جرائمو
كارلوس: كنظن (مد ليه صورتها) عندي صورتهاا وهي فسن 14 لسنة منين تبناها قانونيا ودار لها الوراق وحتى الجنسية قدرت ناخدهم من السفارة ، لكن معندي تا ملعومات عليها دباا
صقر :  عطيني العنوان ديالو
كارلوس :*** خارج عن المدينة بخمسين كيلومتر ، لكنو مكينش اسيدي خرج من امريكا يومين
صقر : فين مشاا  ؟؟
كارلوس : المغرب ، قدرت نعرف انو تكلف بمهمة جديدة يقتل مغربية عمياء واللي كلفو هو العمدة دالمدينة عبد المجيد المالكي
هز حاجبو ببرود كيمسح لحيتو : هدشي غرييب
كارلوس : متستغربش المونستر كيتعامل غي مع الناس النبلاء وكيقتل باثمنة غااالية

خنزر فيه وهز كاس من الفودكا رشفو كلو : بيت معلوماات على ختوو بيت نزهق روحها نعدبو عاد نقتلواا
كارلوس: صعيب بزااف هدا راه اشهر قاتل مأجور بقدما هو غامض يقد ماهو قاسي صعييب تهزموا وصعيب تنهي حيااتو
صقر  : صافي سيرر  سالات مهمتك
شافيه كارلوس وحك دقنو هز صقر حاجبو ببرود : سير دبا خلاصك غاتاخدو
حرك كارلوس راسو ب اه وناض غادي عطاه بالظهر حتى تسمعات رصاصة فالحانة طاح على اثرها كارلوس غارق فدمو ، شافيه صقر ببرود ورجع مسدسو حطو فالفوطوي لحداه وبشر نطق : اول خطأ قاطعتيني ، تاني خطأ معلوماتك ناقصة وتالت خطأ مدحتي عدويا فالحضرة ديالي .. هز حاجبو بقسوة وحول عينو فالحانة تاحد مدار ردة فعل بل كملو سهرتهم عادي هدا حي المجرمين وهدي حانة  متعودة على الدم هي وناسهاا ......