عمياء القاسي

بارت 65

خرج من الباب الرئيسي كيجري بيهاا هازها بين يدو وهي كتبكي فصمت دايرا فبالها هدي نهايتها وهد عزرائيل لدخل لحياتها فجأة غايكمل على مدار فيها ..
توجه لسيارتو لكان مانسطاليها على مقروبة من الباب الرئيسي
حل لباب اللوراني دلوطو كينهج والعرق نازل منو وحطها مخنزر عاد حط حقيبتو : تبتي للارض كتفهمي
بخوف حركات راسها بالايجاب وسكتات من لبكا ما ان حسات بانفاسو بعدات عليها ولباب تسد
رجع كيجري للداخل كيضور عينيه فجوانبه كلهم ، وتقدم للكافتيريا لكانت فطاج لتحتاني اتجه نحو الدرج كيجري .. وصل لتماك حول عين كيقلب عليهم حتى لمحهم جالسين كيشربو فالقهوة ويوسف واقف عليهم .. الظاهر ان حدسو صحييح ووجود القاسي والعمياء فمكان واحد كيسبب المشاكل ، كانو كيشربو القهوة حتى حسو بيه وقف عليهم
نزار : وقفو يلاه معياا
وقف عبدالله كيشوفيه باستغراب : مالك اولدي
نزار : معندييش الوقت زيدو معيا
تدخل يوسف : لفين بسلامة؟؟
نزار : الموضوع عندو علاقة بلضربو بنتك .. ماشي وقتو دبا بنتك حياتها فخطر خاص نخرجووها من هنا خرجتها راها فلوطو يلاهو
بلما يفهمو نص كلاامو تمشاو معاه كيجريو تبعهم نزار هو الثاني كيجري ..
خرجو من الباب دالكلينيك واتجهو للوطو ..حل نزار لباب لعبدالله وشادية ركبو حدا شدى وشاف فيوسف : ركب نتاا حدااياا
حل يوسف لباب بنطرا وجلس تمك يلاه غايضور نزار لباب التاني يركب ، تسمعات رصااصة قفزات الكل بمن فيهم هما لداخل السيارة ..عض نزار فشفتو وحط يدو على جنبو مغمض عينو عاد دوزها لخصرو وضار بسرعة تيرا حتى هو
تسمع الغوات تماك والناس كيجرييو شي كيطيح فشي ويتزدا مع شي ، كان سانتوس شاد بيد مسدس موجهو لنزار ويدو الثانية حاطها على كتفو بشر كيشوف فنزار ويحول عينو لكتفو لكينزف دم من رصاصة نزار .. بينماا نزار شاد جنبو وهاز عليه هو التاني السلاح
كانو داخل السيارة كيشوفو فيهم بخوف..مواجهة دامية بين زوج وحوش بلا قلب غايخرج منها واحد اكيد..لعبة الموت والحياة الشاهدين عليه البيادق لكيحرك ملك اللعبة .. عبد المجيد..
بدات عينو تغمض ليه ووجهو عراق : سانتوس طول عمرك غدار
سانتوس : نتا كتكلم على الغدر ؟؟ شكون غدر الثاني اصاحبي القديم
نزار : العمياء معندهاااا دخل فعداوتنااا
سانتوس : وانا معندي دخل فيهاا هدفي موتهاااا وبس ..
نزار : اذن قتلني انا لول عاد فكر تقيسها.....

ديزولي على تاخير