عمياء القاسي

بارت170

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#____للانتقام___وجه___اخر__

كيقولو اللي ما خرج من الدنيا ماخرج من عقايبها ،محدنا فهد الدنيا وماحدنا كنتعرضو لاحزان واوجاع وربنا افراح .. وحنا كناس ضعاف ماعلينا غير الصبر والرضى بقسمتنا كيف كيقولو اللي مكتوب على الجبين لازم تشوفو العين ..

كاان مغمض عينيه كيتنفس بالجهد فوجهها وهو حاط جبينو على جبينهاا وراسها فوق ركبتو وهو محني ..تتهد بعمق قبل ميحل عينو ويواجههم مع عيونها يا اللي فتحاتهم انفوا فتحهم

نزار : انا متاكد بلي نتي درتي شي اثم خاايب فحيااتك (تبسم) متااكد

شدى : (تنهدات بضعفف)شك ووون عررف ممكن

بعد جبينو على جبينها وهز راسو كيشوف فالراجل

نزار : ساعتين هادي باش خرجنا على نيويورك مزاال مغانوصلو

جاوبو كيترعد : مابقا والو اسيدي

رجع كيدوز يدو على شعرهاا وفيدو الثانية هاز الفردي

شدى : ش شحاال خايبة تكوني قرريبة لانسان كتكرهيه من قلبك ويقيسك ومعندك جهد تبعديه ،

شافيها بحواجب منقضة مزير على سنانو وهز لفردي دارو لها ففمها

نزار : وشحال زويينه تسكتي واحد صدع ليك راسك

حيد لفردي من فمها مخليها كتكحب دايرة يديها على عنقها والراجل بخوف كيطل عليهم من المرايا ..

شدى : كحح كحح ح حسن لييك ت تتقتلني .. غادي تندم حيث عاونتيني ..

نزار : بقدماا ناقصك كلشي بقدما عندك كلشي ..

تبسمات كتنهج وغمضات عينيهاا ..

شدى : ونتاا بقدما عندك كلشي بقدما ناقصك كلشي ..

《《《 مكان اخر》》》

كتمشي وتجي بهيستيرية فلبيت المروون وهي دايرا يديها على خصرها وترجع شعرها لور وتصوط كان يوسف كيطل عليها من جنب لباب وكيضحك وفيديه خنيشة فيها غبرة بيضة ..

يوسف : قولي نتي حشايشية وانا كنقول مال هد خايتي اللحم متكساابو

شافيها عاض على لسانو وعطاها بالظهر غادي على صبيعات رجليه كيتسلت .. كانت جاكلبن كضور فلبيت والدمعه محصورة فعينيها وكترعد فمها بيض ونشف ..

جاكلين : فيين مشات .. (بدات تحك فنيفها) اا اناا اناا خلييتهاا هناا هنااا شكووون هززهااا اعععع (بداات تضرب رجليها مع الحيط ببما تحس ) فيي فيييين هي فيين ..

فالطابق لتحت عاض على لسانو وكيضحك وهو كيخوي لخنيشة وسط لفابو وطالق عليها لما .. ويدو الثانية دايرها على جنبو

يوسف : ولاد لفلوس بففف(تلفت وراه حاضي الخدامات عطيينو بالظهر كيطيبو) كضيعو لفلوس على لمرض بلحق غانربيك ابوبريس الى مشممتك الدقيق على قلبك راه مولد فيا عبد الله غا لخلا ..