عمياء القاسي

بارت83

♡ وما طال الغياب الا ليتنظرك القلب ♡ ..
الجزء 83 من
#رواية : 🔞عمياء القاسي🔞
#للكاتبة: Sanae El idrissi
#____للانتقام___وجه___اخر__

سايق اللوطو منيرفي وعاقد حوااجبو ملابس والو هكك طالق صدرو عليهم سايق بيد وليد الثانية شاد بها الفردي وحداه فاليزتو  اما يوسف فردو اللور مكمش حداا شدى لمخشية فعبد الله وهو معنق شادية ستفهم بربعة بيهم كالسردين داير  السماعة فادنو ويعض شفايفو بالفقصة

نزار : حجزو بيي للدهاب لشيكاغو فدرجة رجاال الاعمال (شافيهم من لمرايا)  فاقرب وقت ممكن بيت وراقهم يكونو واجدين  ااه والرحلة غاتكون بحرية ماشي جوية .. غاتحجزو التداكر فالطيارة للتموويه (هزز راسو)  من هناا ليل لقاكم فالمينااء  وبيت وراقهم تكون وااجدة كتفهم ..
رجع نظرو للطريق ولاح السماعة دلبولوثوت حدااه تمتم يوسف بصوت خاافت فودن شدى :  واش هو لضربك ؟؟  الى هو غمضي عينيك مرة
غمضات شدى عينيها مرة وشافت فيه بنص عين مقادش تحرك بسبب الجرح لباقي جديد فحنجرتها
يوسف : ولد لحراام دباا اكييد بااغي يكمل مبدا شنو هدفو
هزات حجبانها ونزلاتهم بمعنى منعرف !!
شافيها ورجع حول عينو لنزار لساايق عاقد حوااجبو فكرة وحدة فبالو .. شكون يكون ه.ا لقدر يخطف ختو ؟؟  كفاش تجرأ يدخل لدارو ؟؟  ولاهم كفاش عرفو بلاصتهااا هي  بعيدة على  عالمو الاجرامي ؟؟ 
هدشي معارفش لوااقع فقط عارف نصف الحقيقة فما بالك مني غايمشي ويشوف بعينيه ما خلفه الثايغر .. 
طاح فبالو عبد المجيد .. هو اكييد من غيرو لعندو الجرأة يدير هدشي وشحاال تمنى يخنقو بيدو فهد اللحظة بلحق كلشي سااهل وقرببب خااصو غي يخرج من هد البلاد المنحوسة ودك سااعة غايبان وجه المونستر !!
قاطع افكارو عبد الله قايل :  دباا فيين غادي بيناا ناوي تقتلناا يااك؟؟
وقف اللوطو وسط الطريق وهو كيشوفيه من المراية : لوكان هدفي موتكم كنت صيفطتها لكم واولهم (شاف فيوسف) هدا لداير كيف السوسة
قاطعو يوسف مشربن : بلماا تكدب ختي قالت نتاا لضربتيها
تبسم نزار ببرود : اووهوووو العمياء البكماء ولات كتهضر امم؟؟
عقدااات حاجبها وجمعات يديها مع بعضهم مراضياش يقول عليها عميااء .. عنقها يوسف وشادية خشاتها فيها خايفة عليها
عبد الله : ليخليك اولدي حطناا هنا كنواعدك غانساو كلشي دير راسك عمرك عرفتينا خلينا علييك اش درنا لك 
بانت لمعة حزن فعينو وجمع راسو مصطنع اللامبالاة : بنتك حياتها فخطر والسبيل الوحيد باش تعيش هو تكونو قراب لياا
كمش وجهو باستغرااب :  وشكون لهدفو بنتي تمووت ؟؟ وشكوون نتوما وشنو بيتو مناا؟؟
هز رااسو ببرود وشافيه بقسوة مصطنعة من لمرايا :  انا قااتل مأجور (ضار عندهم ) كنتخلص مقاابل نزهق ارواح الناس (شاف فشدى) انا عزرائيل لمكلف يزهق رووحهاا
ما ان كمل كلاموو تبسم ببرود مخلي شادية مزيرة على بنتها بخوف وعبد الله بدون استعاب كيرمش وهو حااضييه ومستغرب  من كلامو واللي زاد الطين بلة ابتسامتو الساخرة فوجههم وهو حاضي العمياء بنظراات قااسية ومستمتع بمنظرها وهي خاايفة فحضن مها  ..