عمياء القاسي

بارت 37

♡ وما طال الغياب الا ليتنظرك القلب ♡ ..
الحزء 37 من

#رواية : 🔞عمياء القاسي🔞

#للكاتبة: Sanae El idrissi

#__قربان___عشقي_لكي..

عنق يوسف مو لطايحا سخفانة فالارض  وجلس حداها خاشيها فيه وطاحت دمعه من عينو ، خشا يدو فجيبو وداز من حداهم وتلفت لهم بملامح ممفسراش ورجع كمل طريقوو تابع عبد الله ، شي حاجة فيه قالت ليه تبع هد السيد ..  شي حاجة قالت ليه هد الراجل نتا خاص تعرفو فين غادي ..
خرج يدو من جيبو ودارهم وراه ..
خرج عبد الله من تماك وتمشا فجردة ديال السبيطار حادر الراس وحانيه بخيبة امل  ..  حتى بعد من الناس وجلس فالكازو فواحت الركنة بعيدة على النااس وحط يدو على وجهو كيبكي بصوت مسموع ..  كان مرااقبوو وزادي حجباانو ،  تنهد بضيق وتقدم عندو زوج خطوات وحبس مانع راسو .. غي سمع تاني بكاه لمجهد وكمل طرييقو ناحيتو
وقف عليه مفرق رجليه وضام يدو ورا ظهرو  ، بديك النظرة القاسية دياالو الغامضة والباردة رمقو توقف عبد الله على لبكا مين حس بيه طلع عينو فيه مستغرب وهو يهز يديه كيمسح دموعو،  هز نزار راسو اكثر بكبرياء وعقد حواجبوو كأنو كيمنع راسو ميقربش لهد الراجل لكن قلبو هد المرة هو لمسيروو وبصوت رجولي خافت نوعاما سولو  :  مالك ؟؟؟

قالها وهز حاجبو متعجب ،   ياك نتاا عارف مالو ولا نقول نتا سبب بكااه ادن علاش كتسولو ؟؟

مسح عبد الله وجهو وهز راسو :  والو اولدي (ضور وجهو هارب من نظرات نزار المستفسرة )
نزار: كنتي كتبكي (اتجه جنبو وجلس حداه مفرق رجليه وضام يديه جامع بيها ركبتو)  الرجال مكيبكييوش ..  الراجل خاص يكون قوي رغم الصعاب .. اخر مرة بكيت كانت عندي 18 لسنة من تمك فهمت بلي لبكا مضيعة للوقت ، لوقت لجالس تبكي فيه ممكن تحل مشاكلك
عبد الله: الناس لقاسيين بقلب بارد هما لمكيبكوش .. (رجع كيبكي) انا كأي راجل هدفي فقط عيشة مزيانه ودار تجمعني مع مراتي وولادي ، كنت عايش بخير مخاصني والو حتى لواحد النهار مشؤوم تبدلات حياتي (مسح دمعتو وبان لحزن فعينيه) بيدي صيفطت بنتي لموت ، عطيتها سكوتر ديالي حيت هي قلبي ونبضي مكنخسرش لها وطلباتها اوامر عندي ، لوكان كنت عارف بلي دك الفرحة غاتلاشى بالحزن والظلام كنت غانخسر خاطرتها دك النهاار 
تنهد ومسح جبهتو من العرق عارف جميع المعلومات عليهم لكنو كان كيصغي ليه بتركيز تاام ، فور ما سكت عبد الله ضار عندو : وشنو  وقع من بعد
عبدالله:  كانت فرحانه بالنجاح ديالها فرحتها تلاشات (نزل راسو كيبكي) دارت حادث ضرباتها طموبيل من تمك خسرت بنتي ، خسرت فرحتي وخسرت الهوا ديالي
نزار:  بقا عايشة ؟؟؟  سول باستفسار كأنو معارفهمش
عبد الله: عايشة ومعايشاش ، دازت تلت سنين على هدشي وللان متخطيناش الحزن ، بنتي خسرات بصرها وخسرات صحتها  دخلات لها حديدة فكلوتها بقات عايشة بكلوة تشللات من رجليها وعمات من عينيهاا بنتي عاشت ولكن عاشت ناقصة ومحرومه من ابسط حقوقها
نزار: وشنو وقع من بعد
عبد الله: دازت سنين كنمثلو بلي تخطينا الواقعة وفالحقيقة متخطيناهاش ، هي كتمثل لفرحه وانا فحالها والحقيقة اني كنتعدب بضوبل عدابها  تمنيت لو نقد نفرحهاا ( تنهد كيمسح وجهو)بنتي مزيانه مع الله ومع عبدو مسالمة مكتادي  حد ، لدرجه تبرعات باعضائها لناس ، لكبير وصغير كيبغيها علاش ضربوها وباو يحرمووني منهاا علاش؟؟ ( داار يديه بين وجهو) علااااش هي ملاك مكتادي حد