عمياء القاسي

بارت 61

تبسم ببرود مصطنع البراءة وعينو عليها حك دقنو ودخل مقرب من عبدالله ببتسامة عريضة حط يدو على كتفو : على سلامتها
الصوت ليغوووت مكينش .. حتى من البكا ولا صامت كتبكي بحرقة وتزير على يد يوسف لكيشوفيها باستغرااب ويعاود يشوف فنزار اللي بدورو كيشوفيها بنظرة غرييبة كأنو عمرو عرفها ولا شافها ، صدقا القاسي استاد للشيطان
وقف عبد الله عندها بقلق كيمسح على شعرها وشادية بحنية كتمسح دمووعها مفاهمينش سببهم دارو فبالهم انها كتبكي على صوتها لمقاضش يخرج ، اما يوسف فهو الوحيد لفهم بكاها انفوا دخل وتزااد انفوا تكلم نزار هز حاجبو وقرب منها كيمسح على خدها وعينيه فنزار : مالكي اختي تفكرتي لضربك؟؟
غمضات عينيها كتبكي ورجعات حلاتهم مزيرة على يديه حتى قرب منها عبد الله بقلق اكبر : واش نعيط لطبيب ابنتي كتحسي براسك مزيان
تطفل نزار باستفزااز : كنظن عجبها صووتي !!
شافيه يوسف بمكر ورجع وجهو ناحيتها : ختي كتسمعيني ياك ؟؟ الى اه غمضي عينيك زوج مرات
غمضات عينيها زوج مرات وحلاتهم كتشوف لفوق
يوسف : كضرك شي حااجة ؟؟
حبسات لبكاا وغمضات عينيها زوج مرات ..قرب منها اكثر كيمسح على شعرها عاد زادت ف لبكا
يوسف: ختي هاني معك قوليلي ماالك
سكتات من لبكا وتنهداات بألم .. شنو تقولو كنشم ريحة خنقاتني كنشم فيها ريحة الموت وريحة نهايتي ؟؟ سمعت صوت كيصدعني وكيوسوس افكاري ؟؟ كنحس بلي حطا رجل فدنيا ورجل فالاخرة طول ما هد لانسان قريب ليا ؟؟
شكوون هو ؟؟ شنو غرضو من موتي وعلااش نتوما معااه ؟؟ اسئلة بزااف كضور فبالها وخاصها الصوت ..
زادت فبكاها من بعد مسكتاات لدقيقة وهي تزير كثر على يد خوها كأنها كتقولو احمييني منو !!
تلفتو كلهم بمجرد متحل لباب ودخل طبيب داير كمامة على وجهو شافيه نزار ببرود كيطلع وينزل فييه ..
الدكتور : سالات وقييتة دزيارة ممكن تخرجو نفحص المريضة
نزار : نتا ماشي الطبيب المشرف على حالتها ؟؟ اولا؟؟
الدكتور : سي مي انا اخصائي فامراض الانف ومخاط الحنجرة
وقف عبد الله : وخا اولدي نخرجوو ... شاف فشادية ورما لها بعيونو تتبعو باس راس شدى وخرج قربات منها شادية كتمسح دموعها وهضرات بصوت خافت فودنها : متقلقييش غاتهضري مسألة وقت
باست راسها وخرجات بقا يوسف ونزار كيشوفو فبعضياتهم حتى هضر الطبيب : يلاه اسيادنااا غانفحص المريضة
ببرود تقدم نزار خارج وتبعو يووسف قبل ميسد يوسف لباب تلفت نزار رامق الدكتور بنظرة قاسية عاد كمل طريقو مخلي يوسف ساد لباب .. وهناا حيد الكمامة وتبسم وهو كيشوفيها ناعسة فوق السرير
☆☆☆☆
سمحولي على التعطيلة بقا أسبوع للوطني مكنلقاش الوقت...كنتمنا البارت تعجبكم
ومتبخلوش بآراءكم