عمياء القاسي

بارت185

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#____للانتقام___وجه___اخر__ 

واقف قدام السريير بنرفزة كيشوف فيها متكية ومكاليا بمسند منزلة حاجبها كتنفخ كان لابس سروال فصالة كحل وثاميجة بالرمادي سد لازرار تاعها وبدا يخشي فيها من لتحت الصمطة .. عضات على شفايفها كتحس بتحركاتو وكتشم عطرو اللي حلف قلبها ميتقبلو هد لعطر بالداات تحفظ فداركتهاا كيف اللعنه على حياتها تابعاها ومنغصة عيشتها  .. بحواجب منقضة شاف فالمراياا كيقيس لحيتو ويقاد شعرو ورجع تلفت لييهاا ببرود كيهضر
نزار : غادي تبقاي هناا متنزلي متخرجي  لخدامات غادي يجببو لك لماكلة غير هدشي مسوقيش فيك  ..
شدى : على اساس غادي نسمع كلامك  ..
كانت لابسا بينوار دالحمام ودايرا فعنقعها لصقة مضادا للما وشعرها الفازك نازل على كتافهااا تبعها بعينيه مرااقب تحركاتها ببرود  ، وقرب منهاا كيطوي كمام لقاميجة ..
نزار : غاظي تجي لخداامة تبدل لييك  غادي تصنتي لهضرة لمصلاحة عائلتك قبل مصلاحتك  .. كنظن مناوياش تخليهم يشوفوك فهد الحالة ؟؟
ضوراتها فدماغها مزياان  .. ودارت صبعها على خدها كتفكر بصح كلامو صحييح لكن الى وافقات غايتسمى غلبها فنفس لوقت بزز منها تواافق يكفي عيشاتهم فرعب طول هد المدة   .. 
شدى :  اووكي مي عندي شروطي 
نزار : هدشي ولا بالشرووط دوونك خرجي هكا عندهم مكيهمنيش فالاخير مغاديش نخاف على مشاعرهم  ..
قاطعاتو بعصبية : حتى يكون عندك قلب للمشااعر  ..
هزز رااسو بقلة صبر  وهز لبارفان كيرش
نزار : قولي هد الشروط وطلقيني ممساليش نضيع وقتي مع  عميا   ..

شدى :  ( تبسمات بزز) مغاديش تستفزني بهضرتك  (رجعات شعرها تحت ادنها ) اول شرط غادي تجيب لياا غيثار  .. انا مولووعة بالموسيقى وبسببك حبست على لعزف وزيد عليه غيثاري معرفتوش فين من نهاار لسيادتك ضربتيني  ... (دارت صبعها على فمها كتفكر) ااه وغادي  تبعدمني وتفرق من ساحتي .. عنداك يحساب ليك وليت مراتك دبصح  .. رااه لغلطه لوقعات عمرها تعاود  ديرها فبالك  ..  وغادي نفرقو لبيوت كتفهم ميمكنش نبقااا مع مجرم وقتال نخااف تنوض  ليا شي لييله تقتلني  ..
عقد حواجبو بغضب وبحدة فصوتو جاوبوو رامقها بقسوة كبييرة متشكلة فبحر عيونو الملتهب بنار كلماتها الاخيرة  ..  القتاااال القتااال  القتاال   .. هد الكلمه يااك  دار ولا كيقتل باش الى نعتوه بيها يستحق..  هو دار  علاش ... هو مجرم فنظرها علاش فهد اللحظة كره كلمه القتال  .. وكأنو بصح بريء وكأنو هدا نفسو نزار  الطفل يا اللي اتهمووه  ظلم  ...  وعلى بركاان تشعل فقلبو ومزق كيانو   .. وعلى سم طلقاات فكلمااتها القليلة .. وشحال تمنى فهد اللحظة يدير بوووز لحياتو ويرجع ويبدل الماضي  ..
على اثر هد الافكار رجع لصوابو مستغرب  من راسو
من ايمتا ولاو يضرووك كلمات الناس ويقيسوك لدرجة يخليوك تندم على افعالك   ؟؟   ..

عقد حواجبو وشافيها ورجع تلفت للمرايا كيقاد شعرو
نزار :  سمعيني انا ماشي ملهوف عليك ديريها فبالك اخر وحدة ممكن نفكر فيها هي نتي ، (ضار عندها) كنكره ليتحداني .. كنكره لفيهم لهضرة بزاف .. كنكره لعنيدين بزااف  و اللي لسانهم طوييل وهدو كلهم صفات فييك  .. ونزيدك جمالك ماشي فتاان لدرجة  يبقا لمونستر تابعك   ..  متيقيش فرااسك بزااف  هدشي لقلتي غادي يكوون لكن نفرقو لبيوت لا تم لاا وخا تولي دخان فسماا ميوقع هدشي ..
باستفزاز عقدات حواجبها  : على اساس انا  ملهوفة عليك  انا كنميل للناس لعندهم بشرة فاتحه ماشي لكحلين  .. ( تبسمات بسخرية ) على كل غادي تنعس فوق لفوطوي ولا فالارض مكيهنيش مهم بقا بعيد عليا قدما بعدات  السما على لارض  ..