عمياء القاسي

بارت89

♡ وما طال الغياب الا ليتنظرك القلب ♡ ..
الجزء 89 من

#رواية : 🔞عمياء القاسي🔞

#للكاتبة: Sanae El idrissi

#____للانتقام___وجه___اخر__

العميااء تربط مصيرها مع القاسي نقطة وانتهى
ما ان كمل كلامو شافيه عبد الله باستغراب ممزوج مع صدمه ظاهرة فنظرتو
عبد الله : والمعنى؟؟؟
نزار : المعنى باين وواضح ..  شدى العمراني من ليوم مكتوبة فسميتي
بدون استعاب حل فمو وبقا يشوفيه : مفهمتش قصدك  !!
نزار : بماا انو حياتها فكف عفريت لازمها حماية واللي طبعا انا لغانوفرها لها وهدشي بشرووط
بدا يفهم مغزى كلامو وبقلة حيلة سولو : واللي هما
نزار :  مكنحميش اي واحد لازم تكوون عندها دور فحيااتي باش نحميها
وقف عبد الله بعصبية عاقد حواجبو : ماشي هدشي باش واعدتيني تعقل كنت سولتك على المقابل !!  قلت لك شنو مقابل مساعدتك ليا قلتي مكينش  مقاابل ودبااا ؟؟
نزار : ببساطة بدلت الرأي ديالي (رجع راسو لور ساد عينيه) ممكن تبقا تماك واقف حاجب عليا شمس
حل عينييه ببتسامه ساخرة مراقبو مغادر المكان بغضب ..ضحك ببرود ورجع نظرو صوبها هي اللي عاطيااه بالظهر ، ونزل عينو للبراسلي لفيدو ولمسو بيدو الثانية وهنااا اختفات ابتسامتو وكأنو كيطلب السماح ..  غمض عينيه ضام يدو فوق قلبو وسرح بخيالو لبعييد   ..

#فلاش_باك ..  قبل سنيين

كان جالس فرومبا  فوق دك الكازو .. كيف ديما وكيف كل نهار كيتسنا سيارتها تمر من تماك .. هاز فيدو باكية ديال المنادل والورد .. تبسم بفرحة فور ما لمح سيارتها السوداء واقفة فاشارة المرور .. قطع الطريق كيجري لعندها وحط يدو على الزاجات وهنا جات عينو تاني على لعيون الخضرا يا اللي سحرات فؤادو واسرات كيانو .. تبسم بحنان وهو مقابلها كضحك لييه وحلات سرجم وشعرها كيطاير بالبرد ويقيسو فوجهو مخليه ساد عينيه بوله .. والسائق لخاص بها مراقب الامر من الزاجة
نزار :  لميااء (تبسم بفرحة وهو حاضي تقاسيم وجهها البريئة ) كان يحساب لي ممشيتيش تقرااي وفقدت الامل اني نشوفك ليوم ..
تبسمات بحب وهي كتشوفيه وبصوت طفولي قالت وهي كتاكل المثلجات  : وليت كنعشق الدراسة حيت بسببها كندوز من هد الطرييق ونتلاقااك ..

#نهاية_الفلاش_باك

حل عينو بحزن وهز راسو للسما : فينك المياء  فيينك

تنهد بقلة صبر ورجع نظرو ليهاا  ..  علاش للان راك عايشة لا وكندير المستحييل باش نحافظ على حياتك  .. شكون نتي تكوني حتى قدرتي تلبكيني وتخليني حاير ومعارف سبب تصرفاتي نتي شكوون   .. اخر كلمة قال  قبل ميسد عينيه وهو مواجه مع الشمس