عمياء القاسي

بارت 13

♡ وما طال الغياب الا ليتنظرك القلب ♡ ..
الحزء 13 من
#رواية : 🔞عمياء القاسي🔞
#للكاتبة: Sanae El idrissi
#__قربان___عشقي_لكي..
فوق سطح ناطحة سحاب من عمالق البنايات الامريكية .. فجو مغيم ومظلم امكن بسبب غضب الله من عبدو اللي كيسفك الدم بلما يرف ليه جفن ولا غضب الطبيعة من قساوة انسان بقلب جليد ي ، كان مصطح على صدرو كلو ومنيش البندقية ناحيتو .. كان محيد قفازاتو الجليدية راميهم حداااه مع الفاليز وحاط حداه قرعة ديال الما وبيتزا وكوكا .. كنظن بلي القاسي كيرتاح فاللكل بنكهة الدم
تبسم فور ما لمح صاحب دعوتو وصغر عين مغمضهاا وبعينو الثانية حاضيه من المنظار الخاص بالبندقية تاعو ..
امام هد البناية العملاقة يا اللي غاتشهد على جريمة قاسية كانت بناية ثانية قدها بطبقات والظاهر انها كلها بطبقاتها مخصصة للمقاهي والمطاعم ..
فاخر طبقة وفالشارع كان جالس شاب يكون فالعشرين من عمرو .. الظاهر عليه النبل والرقي من حالتو وحوايجو ولاهم من دخولو لارقى مقهى فشيكاغو ،
كان كيضحك ويهضر مع الشلة ديالو المتكونة من تلاته ولاد فقد سنو .. ونقطة حمراء مصورة على جبينو مباشرة لا هو داري لا لمعااه شافوها
كان نزار بحواجب كنقضة متكي كلو على صدرو فوق سطح دك البناية ومكمش وجهوو كيتسنى الوقت اللي يقضي فيه مهمتو باش ياخد اثعابو عليهاا ..
مص شفايفو ببرود تام ورمش ببطئ وجه يدو للزناد وزاد صغر عيونو .. وبرك عليه
تنهد براحه وجبد الفوهة ديال البندقية ساط عليها وتبسم كيرجعها للحقيبة الخاصة ديالها ..ساس حوايجو وبلما ينوض من لارض جر البيتزا وخاد طرف كياكل ببرود تام مطلع حواجبو كانو مدار والو
بينماا فالجهة المقابلة كانو الناس مجمعين والغوات وصوت سيارة الاسعاف جايين هما ودوريات الشرطة مقرببن من موقع الجريمة
والناس مجموعين على الضحية ياللي راسو رجع للور دلكرسي فين كان جالس والدم نازل من جبينوو مغرق المكاان
بالعودة لنزار فكان كيدندن بحواحب منقضة وفمو عامر .. هز يدو مسح فمو من بقايا الاكل وهز لكوكا شرب قرعه كاملها هاز لها الراس بلما يتنفس وبدون اهتمام لاحها تماك وهي والكارتون دلبيتزا .. عاد وقف كيسوس فحوايجو وهز فاليزتو .. وتمشا مغادر المكاان .. فبالو حاجه وحدة شدى
شدى بالنسبة ليه دباا ماشي ضحية عادية كيف هدا لمات دبا ، شدى موتها غايكون سبب باش عائلة متفرقش وتبقا مجموعة اكيد عائلة عبد المجيد فنظرو
ناسيين عائلة هد المسكينة الكفيفة واللي ماليها حد واللي حيااتها حياتهم وموتها دمارهم .. بقتلها وكأنهم حكمو بالاعدام على اب وام وعلى اسرة بحد داتها والسؤال اشمن عائلة القاسي غايحن فيها ، وهو محن فيه وفعائلتو حتى حد.......