عمياء القاسي

بارت 22

♡ وما طال الغياب الا ليتنظرك القلب ♡ ..
الحزء 22 من
#رواية : 🔞عمياء القاسي🔞
#للكاتبة: Sanae El idrissi
#__قربان___عشقي_لكي..
بعيدا عن قلعتو المحظورة الخاصة بصفقاتو المشبوهة ، فبناية راقية كان فشقتو واقف من لبالكون .. هاز راسو بعجرفة مخلطة بحزن باين فامواج عيونو تلفت ورائو ، كانت خادمة امريكية فاواخر لعشرينات بلباس الخدم كتستف حوايجو فلفاليز تنهد بضيق خاشي يدو فجيب الكوستار : فين فردوس؟؟؟
تلفتات ليه الخادمة حادرا راسها : راها فبيتها اسيدي
كانت سالات حدرات عينيها وخرجاات بينما هو تقدم داخل للغرفة عاقد حواجبو كالعادة ، والقسوة باينا فعيونو الملتهبة حقد
تقدم ناحية السرير اللي كان على شكل دائرة بكوفرلي اسود مغيم سواد غرفتو الكئيبة الشبيهة لحياتو وهز الكوستار .. دخل يدو فجيبو وهز صورتها ، ركز فيها ببحر عيوونو وجلس مفرق رجلييه بدون ملامح وببرود تام كيمرر صبعو على لون عيونها الغابوي وبفحييح نطق
نزار: شدى ، عندك نفس عيوونها وعندك ونفس ضحكتها ( تبسم بقسوة باردة) وعندك نفس بشرتها ..وليني معندكش نفس حظها ( كيمرر صبعو على شفايفها) هي ملكتي ونتي ضحيتي
لاح صورتها وتنهد مرجع راسو لور فوق الناموسية حاط يدو على راسو ، وغمض عينيه كمحاولة منو يشوف فاحلامو الطفلة يا اللي اسرات كيانو .. حتى تدق لباب وحل عيونو بغضب صارم باين فعيونو المتحولة للهيب دموي : دخل
تحل لباب ودخلات شقراء فاتنة كتبتسم ليه .. لتختفي قسوتو معوضها ببتسامه حال لها يدوو : اجي عندي احبيبتي
تقدمات عندو كضحك بفرحة وقالت : خويااا توحشتك
قربات منو وتلاحت عليه معنقاه بينما هو خاشي يدو فشعرهاا كيلعب بيه مغمض عيونو بحناان .. واخيراا لقا الصفاء ورجع للقداسة والروح الطاهرة يا اللي منعدمه فحياتو الاجرامية ..
تهزات كتشوف فيه كضحك وباقا معنقااه .. فاتنة بكل ما تحمله الكلمة من معنى شقراء وحسناء .. هي النقطة الصافية فحياتو الملوثة كيف كيقول ..
اليتيم كيحس بيه غي اليتيم فحالو ، ويمكن القاسي يقسى على الكل لكن على يتيم فحالو ميمكنش
هد الفاتنة فوقت من الاوقات كانت متشردة .. من بنات زنقة المتخلى عنهم .. كانت كتبيع الورد فملتقى الطرق يا اللي معروف عامر بالمتشردين واليتامى ، اسمها فردوس .. يمكن هدا السبب لخلاه يحن فيها
امكن هي الفردوس الخاص بيه ، ولا نقولو جنتوو اللي كتنسيه الجحيم ،
☆☆☆☆☆☆☆☆