♡ وما طال الغياب الا ليتنظرك القلب ♡ ..
الحزء 26 من
#رواية : 🔞عمياء القاسي🔞
#للكاتبة: Sanae El idrissi
#__قربان___عشقي_لكي..
حكات عنقها بحرج مين مسمعاتش صوتو : كان يحساب لي تابعني صدقتي جاي تجلس فالجردة ، راني وخا عميا عارفاك كاين ونتا راجل داير عطر "كارتير ديكلوريشن" هد العطر كيديروه الناس دو الدوق الرفيع .. من ريحتو كنلمس قوة شخصيتك وجادبيتك ، نتا انسان غامض ودكي (تبسمات) وليني عطر فااخر وغالي كيوصل غي بدوموند اشنو كيدير واحد داير نوع هد العطر فحديقة عامة وقدام عميا؟؟
مسح العرق من جبينو وهو كيحيد النظاظر وعينيه فلفاليز مكرهش يسكتها دبا شوشاتو بهضرتها وكيكره الناس لكيهضرو بلا فرانات ..
شدى: كيبان ليا نتا شخص غامض وعزيز عليك لكالم حتى انا هكك ،(مدات يديها كتقلب على لغيثار وهزاتو) كنرتاح فالعزف والموسيقى كنلقاا رااحتي .. لموسيقى هي طريق النور فظلامي ونتاا ؟؟ عزيز عليك تسمع لموسيقى نعزف لك شي مقطع ؟؟
وجهها حمار مين مجاوبهااش وحسات بالحرج لدرجه عينيها تغررو ، رجعات شعرها للور : مالك سااكت؟؟ واش زيزون ؟؟
دار رجل فوق رجل وسرح يديه فوق الكرسي وبعينيه كيقلب ورااه .. حك دقنو وتبسم مني تلفت وجات فعينو بنايات وراه وجات قبالة شدى ، رجع نظرو لها وركز فعينيهاا محدها كترمش بسرعة ماحدوو حاضيهم كأنو با يعتانق لونهم الفريد من نوعو القريب لقلبو لاخر مرة ..
تبسم بسخرية من هد القدر .. مني شاف ملاكو اول مرة وشاف عيونها الغابوية عشقهم وعشق اي لون فحالهم، ويا لسخرية الاقدار ليوم بيديه غايقتل عمياء صاحبة لون العيون لكيعشق ، رجع نظرو لورائوو كيقلب هز حاجبو مين لمح عمارة متوسطة تكون بسبعة دطبقات مقابلة مع شدى.. هز عيونو فالسطح ديالها ووقف ببرود .. وتحنى هز فاليزتو .. حسات بيه شدى وقف وهي تململ من بلاصتها كتنزل كسوتها لتهزات على ركبتها ..
شدى: واش قلقتك ؟؟ ممكن نمشي الى بيتي ؟؟سمح ليا حيت زعجتك مقصدتش ..
قرب منها ببرود تاام وبحواجب منقضة تحنى تالعندها ، ركز فعيونها لاخر مرة وطلق نفسو السخون فوجهها الشي لخلاها تبعدمنو بخوف وترجع للور : ش شكوون نتاا شنوو بيتي مني
بقسوة تبسم وحك دقنوو ووقف هاز فاليزتوو وفاتجاه البنايات اللي قبالت شدى اتجه .. بعد منها قرابة لاربع خطوات ورجع تلاته بالحس .. وبصوت قاسي كلو غموض وبرود نطق مخليها تنزل حواجبها بريبة
نزار: انا قباض روحك عميائي
#شدى
Oops! This image does not follow our content guidelines. To continue publishing, please remove it or upload a different image.
#توقعاتااااااكم
YOU ARE READING
عمياء القاسي
Actionتحت عنوان:🔥#عمياء_القاسي🔥 للكاتبة: 🔥#Sanae_El_idrissi🔥 كانت ليلة مظلمة بزااف الشتا خيط من سما وعااصفه قويه مخيمه المديينه ومزاال مهداات ، حركه سير معطله بزااف والسيارات مستفيين على الجهد، الظلاام كثييف وشتاا كثف منو كاان جاالس فرومبا وضام رجلييه...
