عمياء القاسي

بارت 35

♡ وما طال الغياب الا ليتنظرك القلب ♡ ..
الجزء 35 من

#رواية : 🔞عمياء القاسي🔞

#للكاتبة: Sanae El idrissi

#__قربان___عشقي_لكي..

مستشفى محمد السادس ..   كان واقف فالكولوار ببرود تام ضام يدو ومخنزر ورجلو دايرها على لحيط بوجه قصح من الحجر كيتسناهم يخرجو من غرفة العمليات  ،   كيتسنا لوقت ليتفرد بيها ويكمل مهمتوو ويخوي هد البلاد الملعونة على قولو هو  ..

هز عيونو بانلو الدكتور مع زوج ممرضات خارجين من لبلوك عقد حواجبوواتجه عندهم
نزار: فين هي ؟؟؟
شافو فيه باستغراب بدون ميتكلموو واستأنف كلامو : ديك العميا فين هي؟؟
الطبيب : ااااااه دك البنت يا اللي ضربات برصاصة فحنجرتها (اشار لممرضات يسبقوه) نقلناها للانعاش ، بقا ححالتها خطيرة الرصاصة جاتها قريبة للحبال الصوتية واللي زاد كفس الوضع هو لحاول يعاونها يخفف النزيف دار غلط وزاد دخل الرصاصة كتر ،( حدر راسو) وللاسف مقديناش نحيدووها فهد 72 ساعة خاصها تدير العملية وتحيد الرصاصة
نزار:( ببرود) مزياان (حك دقنو) نحيد لها الرصاصة متلا؟؟
الطبيب : مقصدتش هدشي اسيدي مي حالتها فغيمون حرجة وبزاف ، المستشفى كيفتقر للمعدات لغانحتاجو فهد النوع من العمليات .. غانسني لكم ورقة تحولوها للمستشفى المركزي فالرباط ، ومن لاحسن لو  تديوها لمستشفى خاص ..  لانو حالتها خطيرة بزاف 
نزار: فيينهاا دباا؟؟
الطبيب: فالانعاش ،  النزيف قدرنا نحبسوه لكن الرصاصة بقاا مكينش وقت خاص تقرروا اسيدي وفنفس لوقت المستشفى يبقا بعيد على اي مشكل
نزار : مغايوقع لها والو والرصاصة مزال متحيدات؟؟
الطبيب : سي ايوقع ، كاين احتمال مترجعش تهضر نهائيا .. كاين احتمال تصاب بضيق فالتنفس والاحتمال الاخطر هو سرطان الحنجرة ، هدشي فحالة بقات الرصاصة فحنجرتها وكيف قلت فحالة بقات عايشة معندهاش وقت خاصها العملية ، والعملية ميمكنش دار هناا .. سمح ليا دبا اسيدي
حرك راسو ب اه وتبع الطبيب غادي وهز حاجبو : هممم 72 ساعة وقت طوييل بزااف ، منخليكش تعدبي عميائي (رسم ضحكة ماكرة)  لازم ننهي عداابك 
تقدم تابع الطبيب كيبتسم حتى لمحو دخل لغرفة وفلبلاكه مكتوب فيها الانعاش ..  تبسم وحك دقنو وتقدم تاهو داخل ، حول عيونو كيبانلو الناس بزاف كانت غرفة كبيرة بمعدات طبية وفيها عشرة دلبياصات وجميع المرضى كانو غير واعيين بمعنى كلهم فخطر ،
هز حاجبو مين لمح الطبيب عاطيه بالظهر داير بيل فعين مريض كيفحص فيه وممرضة واقفه عليه
حك دقنو وحول عينيه كيقلب عليها حتى بانت لييه ، رسم ضحكة قاسية على وجه وبدون مبالاة تقدم ناحيتها

كانت مغمضة عيونها وجهاز دقات القلب هو لكيتسمع ضاير بيها ، وجهها كل صفر وشعرها مزلع فوق البياص دايرين لها قناع الاوكسيجين وكيبان جسمها كيتهز ويتحط ببطء الظاهر انها كتنفس بصعوبة كبييرة  .. حول عيونو لحنجرتها كانو ملوين عليها فاصمة والدم باقي دايز منها حتى من الدم لفحوايجها ولحمها باقي ، ضار ناحية الطبيب كان عاطيه بالظهر هو والممرضة ورجع شافيها بقسوة باردة ، دار يدو فخصرو وجبد مسدسو.. قرب منها وخطف المسند من تحت راسها بجهد لدرجه راسها تخبط وبان جسمها تهز وتحط بقسوة يديه الملعونة ..كان راسها جنب جبد يدو ضورو عندوو وبيدو الثانية دار عليها المسند على وجهها بلما يزيرو طلق من راسها وخلا يد حطا عليها المسند ووجه المسدس لراسهاا من فوق المسند  ..