عمياء القاسي

بارت 25

♡ وما طال الغياب الا ليتنظرك القلب ♡ ..
الحزء 25 من
#رواية : 🔞عمياء القاسي🔞
#للكاتبة: Sanae El idrissi
#__قربان___عشقي_لكي..
عقد حواجبو وبعصبية زير على سنانو كيقلب فالمكانة كانت لعشرة الا ربع ديال صباح ، ما مل ما عيا من الانتظار .. مسح جبينو من العرق طبيعي الجو مشمس وهو مكبط لكن هدي هي لبسة لكيلبس ملي يكون متبع ضحيتو ، بقلب بارد كيشوف فالفاليز لفلارض وهاز حاجبوو كأنو توحش يقيس بندقيتو ويبصم عليها دلييل جريمتو .. حك دقنو ونزل رجلو من الحيط وحط يدو على خصرو كيمشي ويجي بنرفزة حتى بانت لو خارجة عاد اختفات عصبيتو ورسم ضحكه قاسية على وجهوو الملعون
كانت نازلة من الدروج عصاتها مغيداها مغمضا عينيها شويا بفعل اشعة الشمس بقا ملصقا دك الغيثار كبر منها .. نزلات من الدروج وتقابلات معاه غاادية لجيهتو وعينيها صوب عيونو مباشرة
هز حاجبو ببرود مركز مع عينيها لكتشوفيه .. وخوا عليها وتبع عينيها لكن بقاو فنفس لمكان عاد تبسم وتيق انها كفيفة
دازت من حداه كترمش بسرعة وتقرقيب تاع عصاتها كيتسمع فالارض ، تبسم بسخرية وتحدر هز فاليزتو وتبعها ، كانت شدى غادية فالطريق ببتسامه غير دارية بالواقع ولغيوقع بينما هو نزار تابعها بخطوات بطيئة وبكبرياء تام هاز راسو ، توقف بحواجب منقضة مني لمحها وقفاات ورجع زوج خطوات للوراء بلما يدير الحس
كانت شدى غاديا حتى شمات نفس لبارفان لشمات مع صباح من اللي وصلها يوسف ، عقدات حواجبها وهي ضور من وراها يستحيل تكون كتخايل هد الريحة شماتها صباح ودبا قدام المعهد وللان مزالها فنيفها
شدى: ش شكوو ن هنااا؟؟ شكووون نتااا؟؟ شكوون راني عارفاك تابعني شميت ريحتك ونتا راجل .. غانغوت
دقات قلبها تسارعاات ملي ملقات جوااب العرق نزل من جبينها وشعرها لصق عليها ، ضارت كملات الطريق عاد كمل هو مشيتو مراقبها وهد لمرة ثقل خطواتو ابطئ من الاول ..
زير على فكو بعصبية مني شافها متاجهة للجريدة وعامرة بناس ، هدشي غي مزاد عصبو كتر ماهو معصب
تقدمات داخلة لتماك ونيشان مشات لاول كرسي كان تمك .. حافظه بلاصتو وفاينا جهة كااين ، حيدات لغيثار من ظهرها وحطاتو فالارض وتقدمات جلسات كتمسح العرق من جبينها
تقدم هو مراقبها دوك العينين عندوو حلفو ميحيدو من عليها وجلس فكرسي قبالتها وحط فاليزتو فوق الكازو وجمع يديه بزوج على لحيتو كيحك فيهاا ..
شدى بانت لمعة عدم الراحه فوجهها وقالت بحزن : ش شكوون نتاا ، انا عارفااك جالس قبالتي شميت ريحتك وحسيت بانفاسك (مسحات العرق من جبينها) انا سميتي شدى ونتا؟
☆☆☆☆☆☆☆☆☆