عمياء القاسي

بارت 74

دخل بوشعيب هو لول من باب تاع زنك وعاد تبعوه لبقية حلات ليه ختو كتجري لباب وتقدم لداخل حط نزار فوق طليق كان فلمراح..دار كانت بسيطة صغيرة وعادية مضصة غي بسيما من لارض وحيوطها بلجبص وسقفها من القصب والعواد
ناس بساط معندهمش مخاصهمش لكن كيقلبو على لخير وكيديروه وانهم يدخلوا ناس مكيعرفوهمش لدارهم هدا اكبؤ دليل على طيبتهم
دخل بوسف حتى هو كينهج وحط شدى فطليق مقابل لهدك لحطو فيه نزار سخفان وكبورة جالسا لقرفصاء حداه : درييسية وجيبي لما ياجدرااا
تسمع صوتها من بعيد: وخااا امي
هضر المعطي : جلسو اسيادنا وغا قبلو علينا
تبسمات شادية وجلسات وتبعها عبد الله جابس حدا رجلين نزار بقا فيه : غايكوون مزيان ياكو؟؟ ؟
كبورة كتقيس لجرح : بوشعيب اجي تشووف
تقدم حداهم وجلس على ركابيه كيقلب : غا قاصتو قرطاسة جنب ماشي جات فيه (كيخنزر فيوسف) هداا باين من المافيا
يوسف : وبربي تا لحغراا هدي واش هد خاينا لكلو وشامات وبرئتوه وانا ولد دارنا كتشوفو فياا
مجاوبو حد وهو يقرب جلس حدا شادية وشدى بينااتهم مربع يدو دخلات لبنت كتجري بصينية فيها بانيو دلبلاستيك فيه لما بارد مع منادل وبيتادين ولقطن حطاتهم حدا مها وعطات بمؤخرتها ليوسف
خشا راسو فودن شدى : واهيناري على كر عندها شدووني قبل منغتصب شي حد
تبسمات شدى وضورات عينيها جيهتو مين سمعات صوتو مقاداش ضور راااسها
يوسف : شنو كتعني دك شوفة؟؟ نسكت ؟؟ ولا نحشم؟؟
رجعات عينيها كتشوف فالفراغ ولاكثرية هازاهم للفوق بينما كبورة شدى لقطن كداوي لنزار الجرحة وتمسح الدم .. شافت فيهم : رااه بخيير غي سخاانه لطيحاتو مسكين
يوسف بصوت مجهد : اسالمة ياربي امين
عبد الله : سكت ولا خرج هد الحمار
كبورة بدات تكمد ليه جبهتو كتفزغ منديل بالما وتحيدو : انشاء الله يتشاافى متخافوش
يوسف : بيتو عمرو ينوض ليطيح له ليد مع رجل
ضحكات شدى وكأنها كتقوليه اميين
بوشعيب : ماشي ولدكم الظاهر ليا (كيشوف فيوسف لكيدعي عليه بصوت مجهد)
عبد الله : لا اولدي غي معرفة صافي
حرك راسو ب اه وحول عينو ليوسف لوقف
يوسف : الواليد غانمشي لطومو نشوف شي تيلفون نعيطو للبوليس
تفافات كبورة والمعطي تنطقو فدقة : هااويلي على المخزن توما شدرنا لكم
عبد الله : غي الخير ولاحسان لا كيقصد زعما يعاونونا
تم غادي خارج من دار دلير يدو ورا ظهرو : لا حول
شد الطرييق نازل من ديك الكدية فالصهد .. بينما كبورة رجعات كتحط منديل فوق جبهتو : مسكين سخانة كتقتل فيه (شافت فبنتها) سيري دغي لمخينزة مع لحامض وجيبيها لهناا وعمري اتاي للناس هاحاي
دريسية : وخا اامااي
مشات كتجري للكوزينه مخليا شادية متبعاها داير يدها على خدها
شادية خشات وجهها عند شدى : شفتي لبنات لحاراات نتي دايرا كي زوفري تفيقي بدك العود وتنعسي بيه تابيضة متعرفي تقليها كالبنات
خسرات شدى وجهها معاجبها حال ، مكرهااتش تجاوبها وتقوليها انا عميا عمياا فهمي بلي ميمكنش نكون فحال اي بنت وميمكنش بنتك تكوون كيفما نتي كتمناي
شادية ستأنفات كلامها معنقاها : مديش علياا اكبيدتي نتي يلاه رجعتي ليا من لموت وبديت تاني نغر عليك صافي هدي وتوبة
عبد الله شافيها :سكتينا ياهد لمرا نغيرك ميتقاداش؟؟
شادية : هاني ساكته الحاج
بوشعيب : اناا غانخرج نشوف دك خاينه يصدق موضر ليناا
عبد الله : ليرضي عليك اولدي ، وغي عطيه النخال هد صكع كيقلب على حلا ضاربوه بلحق الى دار علاش عطيه غاهو تكايس هانتا على عينيك بنتي بقا بلبسة دسبيطار
خرج تابع يوسف وضارت كبورة كتشوف فشدى : وييلي حااي تووما مال هد مسمار جحا معريا على فخيداتها واش ماعليك حكام اخايتي ووو
☆☆☆☆
مهم
بغيت نعرف حاجة وحدة للبنات لي عندهم l'application wattpad جربو ف google دخلو و شوفو واش غيبغي يدخل ليكم داك courriel و  mot de passe ولا غيقولو ليكم غالط
كنتمنا الرد ديالكم باش الى كان المشكل مني نحلو و شكرا❤