عمياء القاسي

بارت 69

وااقفة فالغرفة كتمشي وتجي بينما فردوس جالسا فوق الناموسية هازا مراية كتشوف فوجهها
فردوس: يااه شحال غرييبة هي الدنياا عمري كنت كنديها فوجهي وجمالي مكانش كيعجبني ولا امكن مكنتش كنلاحظو دبا ولا عندي نقص لاحظتو لاحظت بلي وليت انسانه ناقصة
جاكلين : (خدات من عندها لمراية) مديريش فراسك هكدا .. الطب تطور وعندك لفلوس غادي ديري التجمييل وكلشي غايتحل
فردوس : القول سهل والفعل اصعب
جاكلين : شنو لصعييب همممم كيفما كنا نخرجو بتخبية ونتدروغاو بتخبية ونسرقو ونشربو ونسهرو غانديروها بتخبية وخووك مغايسيق لخبار لوالوو .. وداك تافيديو زفت غانوضرو مو وخوك مغايعرف والو
تنهدات بعمق وحطات يديها كتحسس لخياطه لفعنقهاا منبعد محيدات سبارادرا : كظني خوويا مغايسيقش لخباار (تبسمات بحزن) سيري حلي لبااب
جاكلين : علااش ؟؟ (شافت ففردوس حدرات راسها ) كتجري علياا؟؟
فردوس : حلي لباب
تقدمات جاكلين ناحية لباب وحطات يديها على لبواني كمحاولة منها تحل لباب بلا نتيجة : اوييلي مسورت
فردوس : للاسف خويا غايعرف فعايلي والوراق غايتكشفووا
جاكلين : ونتي باش عرفتيهم سورتو عليناا وعلاش ممنعتيهمش؟؟
فردوس : تقدري تقولي حدس ( نزلات عينيها بيأس) خويا غايتصدم مني هئ هئ منقدش نعيش بلا بييه
جاكلين : الى عررف غاياخد ليك حقك من دك القتتااال لعدبناا
عنقااتها بحرقة كتبكي معها : خرررج عليااا هئ هئ وطيفو ديما غايلاحقني وقتما غانشوف الندوب لخلا فياا واثار وحشيتو علياا ياربي فرجني فيه وعدبو كيف عدبني هئ هئ
جاكلين :(كطبطب على ظهرها ) ووو الفيديو
فردوس : قررت نحط وراقي ونكشفهم هئ هئ (بعدات منها كتمسح خدها) خويا غايعرف حقيقتي فالحالتين لازم نعطيه الفيديو بيه غايوصل لدك المجرم وغايعرف بلي عندو اعداء على لاقل ممكن نعاون خويا بهد الطرييقة
جاكلين : وليني الفيديو فيه كيشهد على تعديبك (حدرات راسها بحزن) وخوك غايعرفك كتدروغااي
فردوس : على اساس مغايعرفش ملي توصلو لخبار اني مشيت لحي المجرمين برجلي وخلييت المجرمين يديرو فيا مبغاو.....

خارج الغرفة كانو ستة الكارد واقفين قداامها حادرين الراس..ولباب دشقة محلول كيبانو قدامو قرابة العشر بوديكارد تانيين .. تكلم واحد من لقدام الغرفة : هي امرتناا نسكتو ومنعلموش لبوص حتى يجي ويعرف
قاطعو التاني : حناا خدامين عند البوص ماشي عند ختو وكنتلقاو الاوامر من عندو هو .. والى عرف بلي خبينا علييه حنا لغانمشبو فيها ماشي هي (جبد تيلفونو ) البوص لازم يعرف بلي واااقع هدشي الى ناويين تعيشو
وزع عينيه عليهم كسؤال منو مجاوبينو بالايجاب حادرين راسهم تكلم واحد فيهم : عندو الحق خاصنا نخبروه باللي وااقع ، وحنا معندنا دنب لفرقة التانبة من البوديكارد هما لكانو مكلفين بحمايتهاا وفشلوا من بعد فشلهم هربوا حناا مدرنا والو ليخلينا نخافوا الى لبينا امرها دك ساعة عاد نكونو حفرنا قبرنا بيديناا .
حركو رااسهم ب اه متافقين معاه عاد سجل الكارد رقمو وحط الفون على ادنو والخوف مسيطر على تقاسيم وجهو ..