عمياء القاسي

بارت151

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#____للانتقام___وجه___اخر__

داخلة جاكلين للمطبخ كتسلت ووراها فردوس تابعاها بالحس ويتلفتو لجنابهم ، كانت فردوس لابسا عباية كحلة و فولار فنفس اللون ومخبيا بيه حتى حنكها .. دايرا نظاظر دشمس ضورات جاكلين عينيها فالمطبخ كان خاوي حبت وسط النهار وهدك كانت وقيتة خروج دالخدم اللي مكيباتوش ، وجرات فردوس لناحية لباب دالمطبخ لكيخرج برا ومدات لها صاك كحل ديا ليد وهي متوترة
فردوس : شنو هد اللباس خانقاني فيه اووف
جاكلين : راه فالقصر كاينات خدامات متحجبات وهدا هو باش قدرت نخرج بلما يشك فيا شي حد غاتخرجي دبا هدي وقيتة للخروج غي هو غايجي ترانسبور دالوكالة مطلعيش فبه نتي خرجي من لقصر وسيري للطريق واكيد غاتلقاي ليعاونك ويوصلك للمدينة
حركات فردوس راسها بالايجاب وشدات عندها الصاك
فردوس : غانتووحشك بزاااف اجاكي انا عارفا بلي كون كانت عندي اخت عمرها كانت دير معيا ربع لكاديري معيا
تلاحت عليها جاكلين معنقااها حابسة لبكية : مغاديش نودعك حيت نتي غاترجعي سيري وري الكلب بلي فردوس ماشي ضعييفة
بعدات منهاا بقوة مصطنعة ودفعاتها برا الباب قبل ليجي شي حد وسدات لباب يا اللي كان من الزااج .. وبقاو كيشوفو بعضهم والزاج حاجز بينهم .. نزلات دمعه من عينين فردوس وهي كتشوفيها كأنها كتشكرها ، دمعة كانت كفييلة تخلي جاكلين تبتسم بحزن حطا يدها على قلبها كطمنها بلي هي معها وفاي وقت ..

تمشاات فرودس غاديا فاتجاه لباب الصغير الخاص بالخدم وهي حادرا راسها وبتوتر كتقرب من الكارد اللي منتاشرين كيف النمل على امل تسلك وميعيق بيها حد ..

فالمقابل جاكلين كانت مرااقبااهاا بحزن وهي كتدعي معها فسرها حتى قفزها وهو كينغز فيها بصباعو فجنابها
صارت عندو عاقدة حجباانها وتكلمات بالدارجة ..
جاكلين: اش كااين
يوسف : تمجهدتي علينااا هااا (تبسم كيمرر لسانو على شفايفو) كااين الخير والخمير زعورة وتيتيييز
تخطاتو بلما تعير لكلامو اهتمام ودازت لثلاجة تحنات حلااتها حاطا صبعها على فمها وكتقلب وهي معلية حجبانها
قرب منها تاني بارد لقلب واقف ورااهاا
يوسف : بكثرة ماانتي غليظة تبارك الله هد الثلاجة كاعما تقدك
هزات كانيطة من الثلاجة وسداتها وهي تخنزر فيه وتخطاتو غاديا زوج خطوات باش بعدات منو وهي تلفت لعندو هازا راسها للسمااا
جاكلين : (بدات تضور على راسها) هدي رشاااااقة كتفهم رشااقة رشااقة اللي امثالك مكيعرفوش معناها (خنزرات فيه) واحد متخلف
جات كلمتها على ودن هداية اللي داخلة للمطبخ هي من مدبرات المنزل اللي كيقطنو فالقصر وحاضرين فيه ليل ونهار تزير يوسف مرضاش حيت بالنسبة ليه هداية تيتيزة ومخاصوش يفقد ماء وجهو قدامها كلشي تا لتيتيز اجاكلين يوسف ممفاكش
يوسف : ياك احرقسووس انا متخلف امسمار جحاا ؟؟
اعظيم الطيو اللي عظامها كيطلبو شررع باش توكلهم هاا .. نتي مطفرراه اعود السبسي اسلوم لبناي فيك غي الفم لا كر لا لحم مدايرا كي لاليااتك (كيشوف فهداية) زيين وتبااته ولهمة والشان والاحترام فحالك نتي البوطو دضو معندك متعري وظلي ناشرا علينا لحمك هنا قبح الله سعيك يا صفرييطة يا المسيميمه يا المغبوونة ياا (سكت كيلهت) سيري لبيتو ليك راه فيك
كانت حالا فمها باستغراب كتشوفيه مافهمات والو فالمعيور المغربي اما لخرا كضحك وماشي عليها على السي سيد لعندو هضرة دلنسا تحلفي عليه ما راجل...